1/18/2019
Today from Hiiraan Online:  _
Wararka Maanta- Jimco, Apr 12, 2013
Ra'iisul Wasaaraha Somalia oo Kormeer ku tagay Qaar ka mid ah Warshadaha iyo Beeraha Dalka Burundi (SAWIRRO)



Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

Kormeerkan ayaa waxa ku wehliyay ra’iisul wasaaraha wasiirka difaaca, C/xakiin Maxamuud Xaaji Faqi, xildhibaanad Caasha Xaaji Cilmi, safiirka Soomaaliya ee Burundi, Abshir Xasan Abshir, xubno la taliyayaal ah iyo wasiirro ka tirsan dawladda Burundi.

Ugu horreyntii ra'iisul wasaaraha ayaa kormeerkiisa ka billaabay warshada sameysa saliidda cunnada lagu karsado oo ku taala deegaanka Rumonge ee gobolka Bururi, wuxuu soo indho-indheeyay qaybaha warshadda ay ka kooban tahay, isagoo warbixin ka dhegeystay saraakiisha maamulka ee mashruucaas.

Sidoo kale, ra'iisul wasaaruhu wuxuu kormeeray qaybo ka mid ah beeraha gobolka, maadaama shacabka dalka Burundi uu ku tiirsan yahay tacbashada beeraha iyo wax-soo-saarkooda. Isagoo sidoo kale uu kormeeray goobo dalxiis iyo biyaha harada (Lake Victoria).

Gabagabadii kormeerkiisan ayuu ra'iisul wasaare Saacid oo warbaahinta la hadlay ku tilmaamay wax lagu faano horumarka ay sameynayaan shacabka Burundi, gaar ahaana horumarka ay ka sameeyeen dhinaca beeraha iyo warshadaha.

"Iskaashatada tuulooyinka iyo deegaannadu, waa sida kaliya ee lagu kobciyo dhaqaalaha dalka iyo wax-soo-saarka, waana ku faraxsan-nahay inaan aragno sida reer Burundi uga faa'iideysanayaan kheyraadka dalkooda," ayuu yiri mudane Saacid oo intaas ku daray in dal kasta uu dhaqaalihiisu ku tiirsan yahay wax-soo-saarkiisa gudaha.

Dhanka kale, ra'iisul wasaaraha Soomaaliya iyo wafdigiisa ayaa xalay lagu casuumay casho sharaf uu u sameeyey madaxweyne ku-xigeenka Burundi, Terence Sinunguruza, waxaana cashadan lagu casuumay safaaradaha iyo madaxda hay'adaha dalkaas ku sugan.







Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.