6/19/2019
Today from Hiiraan Online:  _
Wararka Maanta- Jimco, Apr 12, 2013
Guddi Farsamo oo loo saaray Diyaarinta Ajandayaasha looga hadlayo kulanka Dhexmaraya Soomaaliya iyo Somaliand


Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

Shirkan hor dhaca ah waxa loo xilsaaray Guddi ka kooban min shan xubnood oo ka kala socda Somaliland iyo Soomaaliya oo kulankoodu ka dhacayo hoteel ku yaalla magaaladda Istaanbuul ee dalka Turkiga.

Sida aanu wararka ka halayno shirkaasi sheegayaan in Dhinaca Somaliland u matalayaan gudidda farsamo oo gudoomiye looga dhigay wasiirka Arrimaha dibaddda Somaliland Dr:Maxamed Cabdilaahi Cumar, waxaana xubno ka ah, Wasiirka Madaxtooyadda Xirsi Cali Xaaji Xasan, Wasiirka shaqadda iyo shaqaalaha Maxamuud Barre (Garaad), Guddoomiye Ku xigeenka koowaad ee Wakiiladda Baashe Maxamed Faarax, Guddoomiyaha xisbiga mucaaridka ah ee UCID Faysal Cali Waraabe, halka guddidda Soomaaliya ka socotana gudoomiye looga dhigay wasiirka Arrimaha gudaha CabdiKariim Guuleed, waxaana xubno ka ah Wasiirka Madaxtooyadda Faarax Sh. CabdiQaadir, Xildhibaan: Cabdilaahi Sheekh Ismaaciil Xubin Baarlamaanka ka tirsan, xildhibaan: Maxamuud Xayir Xubin Baarlamaanka ka tirsan, Khaalid Cumar Cali Xubin Baarlamaanka ka tirsan.

Guddidan labadda dhinac ka socotay ayaa ka wada hadlaya qaabkii loo bilaabi lahaa wada hadalka dhexmari doonna labadda madaxweyne ee ka kala socda Somaliland iyo Soomaaliya ee la doonayo inay garnaqsi toos ahi dhexmaro oo la filayo in maalinta Axadda si toos ah isku soo horfadhiisan doonaan.

Si kastaba ha ahaatee, way adagtahay in natiijo laga gaadho waxa laga wada hadlayo, maadaama oo labadda dhinac laba daraf oo aad u kala durugsan kala taagan yihiin, isla markaana mid waliba ku dhaartay dastuurkiisa oo ka turjumaa mid waliba rabitaanka shacabkiisa, halka madaxweynaha Soomaaliya ku dhaartay in midnimadda soomaaliya lama taabtaan tahay, halka  madaxweynaha Somaliland ku dhaartay in gooni isku taaga Somaliland ka noqosho lahayn, taas oo aanu midna doonayn in uu dhaartiisa buriyo.

Barkhad-Ladiif M. Cumar, Hiiraan Online
[email protected]
Hargeysa, Somaliland










Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.