3/23/2019
Today from Hiiraan Online:  _
Wararka Maanta- Jimco, Apr 12, 2013
Ciidamada dowladda Itoobiya oo dil iyo dhaawac ka geystay gudaha Masaajid ku yaalla Magaalada Baladweyne (SAWIRRO)



Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

Mas’uulka ay toogashada ku dilleen ciidamada Itoobiya oo lagu magacaabi jiray Cabdi Tuureey Axmed [Cabdi Gute]  ayaa la sheegay in maalmihii ugu danbeeyayba ay ku raad joogeen, kadib markii sida wararku sheegayaan uu marar badan ku eedeeyay ciidamada Itoobiya ay ka geystaan magaalada  falal ka dhan ah dadka rayidka ah.

Qof goob joog u  ahaa dhacdada ayaa HOL u sheegay in rag ka tirsan ciidamada dowladda Itoobiya weerar ku qaadeen mas’uulka xilli uu ku soo dhawaa masjidka, laakiin markii uu darreemay billaabay in uu ku cararo gudaha masjidka oo markii danbe ay ku dhax toogteen.

Sidoo kale, waxaa weerarka uu dhaawac ka soo gaaray Sadax ruux oo rayid ah kuwaasoo ku jira gudaha majidka, waxaana hadda dhaawacooda lagu daweynayaa isbitaalka guud ee magaalada Baladweyne.

Guddoomiyaha maamulka gobollka Hiiraan Cabdi Faarax Laqanyo oo goor dhaw ka hadllay arinta ayaa sheegay in ay wadaan baaritaan la xiriira weerarka, isaga oo sheegay in cidii lagu hello danbiga in ay ka danbeysay la horkeeno doono sharciga, isaga oo kormeeray dhaawaca ku jira isbitaalka guud ee magaalada Baladweyne ee weerarka wax yeellada ka soo gaartay

Weerarka maanta ka dhacay bartamaha Masjidka magaalada Baladweyne ayaa argagax weyn ku abuuray dadka ku dhaqan magaalada Baladweyne oo siweyn uga xumaaday falka weerarka ah ee lagu dillay mas’uulka ka tirsanaa maamulka dowladda hoose ee degmada Baladweyne.




Hiiraan Online, News Disk







Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 9:23 AM EST
Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.