3/29/2024
Today from Hiiraan Online:  _
Wararka Maanta- Jimco, Apr 12, 2013
Madaxweynaha Soomaaliya iyo Wafdi uu Hoggaaminayo oo Maanta u dhoofay Dalka Turkiga si uu ula kumo Siilaanyo

Jimco, Abriil 12, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa Jimcaha maanta ah u dhoofay dalka Turkiga halkaasoo uu uga qaybgalayo kulan uu Turkigu garwadeen ka yahay oo la isugu keenayo Soomaaliya iyo Somaliland.

Wafdiga madaxweynaha ayaa u badnaa xubno ka tirsan xafiiskiisa iyo dhowr wariye, waxaana horay dalka Turkiga ugu sugnaa wasiirro ay aad ugu dhow madaxweynaha oo ay ka mid yihiin: wasiirka arrimaha gudaha iyo amaanka Qaranka, C/kariin Xuseen guuleed iyo wasiir u dowlaha madaxtooyada, Faarax Sheekh C/qaadir.

Dowladda Turkiga ayaa waxay dhawaanahan ku howlahayd sidii ay isugu keeni lahayd madaxweynaha Soomaaliya, Xasan Sheekh iyo madaxweynaha Somaliland, Axmed Siilaanyo, iyadoo kulankoodan uu noqnayo kii ugu horreeyay oo ay yeeshaan tan iyo markii Xasan Sheekh xilka loo doortay.

Siilaanyo oo horraantii toddobaadkan u ambabaxay dalka Turkiga wuxuu ka sheegay Hargeysa inuu farqi weyn u dhexeeyo Somaliland iyo Soomaaliya, balse ay iyagu diyaar u yihiin inay la hadlaan haddii maslaxad la helayo.

Madaxweynaha Soomaaliya ayaa horay u sheegay inay diyaar u yihiin inay la hadlaan Somaliland iyo cid walba oo wadahadallo doonaysa, balse wuxuu ka soo horjeedaan in Somaliland ay tahay maamul ka go’ay Soomaaliya inteeda kale.

Kulanka labada madaxweyne dhexmaray ayaa wuxuu furmi doonaan berri oo Sabti ah, iyadoo madaxweynaha Soomaaliya ay horay u sii raaceen markii ugu horreysay wariyeyaal Soomaaliyeed oo madax-bannaan si ay wararka shirka u soo tabiyaan.

Turkiga ayaa wuxuu galaan-gal weyn ku leeyahay Soomaaliya tan iyo markii ay abaartu ka dillaacday Soomaaliya muddo hadda laga joogo laba sano, markaasoo ra’iisul wasaaraha Turkiga Recep Tayyip Erdogan uu yimid Muqdisho si uu u arko xaaladda dadkii abaaraha kusoo barakacay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/12/2013 4:20 PM EST
Jimco, April 12, 2013(HOL)—Waxaa xalay ku geeriyootay magaalada Leicester ee dalka Britain Muraayad Garaad Axmed oo ahayd guddoomiyaha Ururkii Dimoqraadiyadda Haweenka Soomaaliyeed (SWDO) intii u dhaxeysay sanadihii 1980—1991.

4/12/2013 2:33 PM EST
Jimco, Abriil 12, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, iyo wefti uu hogaaminayo ayaa maanta gaadhay magaaladda Ankara ee caasimadda dalka Turkiga.

4/12/2013 2:30 PM EST
Jimco, Abriil 12, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi uu hoggaaminayo oo maalintii labaad ku sugan xarunta dalka Burundi ee Bujumbura ayaa soo kormeeray mashaariicda horumarin ah oo ka soconaya dalka Burundi.

4/12/2013 2:29 PM EST
Jimco, Abriil 12, 2013 (HOL) — Taliyaha ciidamada Militariga Somaliland Gen: Ismaaciil Shaqalle ayaa sheegay in ciidamo gaadiid tikniko wata ka soo goosteen maamulka Khaatumo, kuwaas oo ku soo biiray ciidamadda Somaliland.

4/12/2013 10:25 AM EST
Jimco, Abriil 12, 2013 (HOL) — Ciidamada dowladda Itoobiya ayaa duhurnimadii maanta weerar ku qaaday mas’uul ka tirsanaa maamulka dowladda hoose ee degmada Baladweyne xili uu ku sii jeeday masjid ku yaala bartamaha magaalada Baladweyne.

4/12/2013 9:29 AM EST
Jimco, 12 April, 2013(HOL) :- Eng. Bashiir Axmed Max’ed oo kamid ah qurba joogta Soomaaliyeed ee kasoo jeeda Jubooyinka ayaa sheegay in uu u taaganyahay xilka madaxweyninimo ee dowlad goboleedka la filayo in loo dhiso Jubooyinka.

4/12/2013 8:10 AM EST
Jimco, Abriil 12, 2013 (HOL) — Guddiyo farsamo oo ka kooban Somaliland iyo Soomaaliya ayaa shalay loo saaray inay soo diyaariyaan ajandaha shirka u dhexeeya Somaliland iyo Soomaaliya ee toddobaadka soo socda ka dhacaya dalka Turkiga

4/12/2013 7:18 AM EST
Jimco, Abriil 12, 2013 (HOL) — Madaxweynaha Soomaaliya Xasan Sheekh Maxamuud ayaa sheegay inaysan joogsan doonin dib u habeynta lagu sameynayo ciidamada xoogga dalka, sidoo kalena ay sii socon doonaan dagaallada lagula jiro Al-shababa inta dalka oo dhan laga saarayo.

4/12/2013 7:05 AM EST
Jimco, Abriil 12, 2013 (HOL) — Dowladda Burundi ayaa sheegay inay xoojinayso ciidamadeeda ku sugan Soomaaliya ayna sii joogayaan inta looga soo Soomaaliya oo dhan laga nabadeynayo, kaddib kulan xarunta dalkaas ee Bujumbura ku dhexmaray madaxweyne ku xigeenka dalkaas iyo wafdi uu horkacayo ra’iisul wasaaraha Soomaaliya.

4/12/2013 6:49 AM EST
Jimco, Abriil 12, 2013 (HOL) — Madaxweyne ku Xigeenka Somaliland, ahna Ku Simaha Madaxweynaha Mudane Cabdiraxmaan Cabdilaahi Ismaaciil (Saylic), ayaa Dhambaal Mahad-naq iyo Bogaadin u diray Jaaliyaddaha reer Somaliland ee ku kala nool Qaaradaha Yurub oo shalay Banaan-bax aad u balaadhan ka hor dhigay Xarunta Baarlamaanka Midowga Yurub ee magaalada Brussels ee Dalka Belgium.

4/12/2013 6:46 AM EST
Jimco, Abriil 12, 2013 (HOL) — Magaalada Gaalkacayo ee xarunta gobolka Mudug waxaa maanta ka furmaya tartan kubadda cagta ah, kaasoo ay ka qayb gelayaan xulal ka kala yimid gobollada dhexe ee dalka, islamarkaana kala metelaya maamullada Gal-mudug, Puntland, Ximin iyo Xeeb; iyo Ahlu-sunna.