Sabti, 5 September 2009 (HOL): Mooshin maamuus-ka-xayuubin Madaxweyne ah, isla markaana ay saxeexeen 38 Mudane oo ka tirsan Golaha Wakiilada Somaliland, ayaa maanta la horgeeyey fadhigii Golahaas.
Fadhigii maanta ee Golaha Wakiilada oo uu guddoominayay guddoomiyaha Golahaas Cabdiraxmaan Maxamed Cabdilaahi (Cirro), isla markaana ay goob-joog ka ahaayeen 71 Mudane oo ka mid ah 82-ka Mudane ee golahaas, waxa lagu horgeeyay Mooshin maamuus-ka-xayuubin Madaxweyne ah oo ka dhan ah Madaxweyne Daahir Rayaale iyo ku-xigeenkiisa.
Fadhigan oo furmay abbaaro 10:30-kii Subaxnimo ee saaka, waxa uu Guddoomiyuhu sheegay in sida Xeer hoosaadka Golahaasi dhigayo Mooshinada muddo 24 saacadood ah uu kaga soo talo bixiyo La-taliyaha dhinaca Sharciga ee Goluhu.
Mudaneyaasha saxeexay Mooshinkan Golaha la horkeenay waxay kala yihiin
1- Aadan Tarabi Oogle
2- Abubakar C/Raxmaan Good
3- Axmed Cabdi Kijaandhe
4- Axmed Ducaale Bulaale
5- Axmed Ibraahim Daahir
6- Axmed Maxamed Diiriye (Nacnac)
7- Bashiir Xuseen Tukaale
8- C/Casiis Ismaaciil Ducaale
9- C/Raxmaan Cismaan Caalin (C/Raxmaan Dheere)
10- C/Raxmaan Yuusuf Cartan
11- Cali Xasan Maxamed
12- Cali Yuusuf Axmed
13- Maxamed Cismaan Bulqaas
14- Cumar Axmed Sanweyne
15- Faarax Axmed Cabdulle
16- Xaashi Xuseen Caabi
17- Xariir Siciid Bulaale
18- Xamse Maxamed Gaadoweyne
19- Ibraahim Axmed Haybe
20- Ibraahim Jaamac Cali
21- Ibraahim Xuseen (Dhaadheere)
22- Jaamac Xasan Aadan
23- Maxamuud Axmed Obsiiye
24- Maxamuud Dhunkaal Tukaale
25- Prof. Maxamed Cumar Jiir
26- Maxamed Faarax Qabile
27- Maxamed Jaamac Cabdi
28- Maxamed Xuseen X Ciise
29- Maxamed Nuur Caraale (Duur)
30- Maxamed X. Yuusuf Axmed
31- Maxamed Maxamuud Cumar-Xaashi
32- Saleebaan Cawad Cali (Bukhaari)
33- Siciid Cilmi Rooble
34- Maxamed Jaamac Cali
35- C/Raxmaan Maxamed Talyanle
36- Mahdi Xuseen Caddarre
Xukuumadda Madaxweyne Rayaale ayaa toddobaadyadii u dambaysay ka feejignayd in Mooshin noocan oo kale ah la geeyo Golaha, isla markaana Golaha geysay Ciidan Boolis ah oo tiro badan.
Barkhad M. Kaariye Hiiraan Online
[email protected]
Hargeisa, Somaliland