3/28/2024
Today from Hiiraan Online:  _
Wararka Maanta- Isniin, Jan 20, 2020
Marwo Asha Gelle Diriye oo la kulantay Soomaalida Ohio


Isniin, Janaayo, 20, 2020 (HOL)-Jaaliyadda Soomaaliyeed ee magaalada Columbus ayaa xaflad soo dhaweyn ah u sameeyay Marwo Asha Gelle Diriye oo wasiir ka Haweenka iyo Arimaha Qosyka ka soo noqotay Puntland kana mid ahayd dadkii wax ka qoray dastuurka soomaaliya ee hada jira.

Marwo Asha oo hada ka shaqeysa arimaha bulshada madaxna ka ah Hay'ada The Asha Gelle Foundation ayaa lagu amaanay doorkeeda isbadal doon iyo sida ay dadka Soomaaliyeed ugu adeegto gaar ahaan Samafalka.

Inta baddan dadkii ka hadlay xaflada ayaa ku tilmaamay Asha in ay tusaale wanaagsan u tahay Haweenka Soomaaliyeed iyaga oo ku booriyay in ay sii wado howlaha Samafalka iyo tilmaamaha wanaagsan.

Marwo Asha ayaa ka warbixisay xaalada Dalka iyada oo dhanka kale ka sheekeysay xaaladaha ku gadaaman Dowladnimada Soomaaliya iyo in meel fiican loo socdo lagana yimid meel aan la dhayal san karin.

Waxay ku boorisay dadkii ka soo qeybgalay in ay dalka ku celiyaan Maskaxdooda, Aqoontooda iyo Hantidooda kuna xisaabtamaan in dalku sugayo oo aysan cidina buuxinayn doorkooda.

Waxaa la gudoonsiiyay Shahaado Sharaf iyo Abaalmarin ay siiyeen Dalada isku taga Ganacsatada Soomaaliyeed ee Mareykanka fadhigeeduna yahay Columbus.

Waxa ay kulamo la qaadatay qeybaha bulshada waxayna inta baddan dadka ku dhiirogalinaysay in dalkii sugayo iyo in fursado baddan oo ay ka faaiideysan karaan ay yaalaan iyada oo dhanka kale amaanku uu yahay hadba sidii Alle qadaro. 

Waxay amaantay horuarka ay Soomaalidu ka samaysay Ohio iyo sida loola saan qaaday dadkii dalkan uga soo horeeyay dhanka Ganacsiga, Waxbarashada, Deegaanka iyo arimaha is dhexgalka, waxayna boorisya isku dayga ay ku doonayaan in ay ka dhex muuqdaan siyaasada goboka si lamid ah gobolada kale ee ay soomaalidu ku baddantahay

Deeqo Shire (SONNA)
Columbus Ohio 













Click here
1/20/2020 12:12 PM EST
Isniin, Janaayo, 20, 2020 (HOL)- Wasiirrada Shaqada ee Bariga iyo Geeska Afrika ,ayaa maanta waxaa uu shir uga furmay magaalada Nairobi ee xarunta dalka Kenya,iyada oo shirka looga hadlayo isu-duwida siyaasadaha socdaalka shaqaalaha ee Bariga iyo Geeska Afrika.

1/20/2020 11:23 AM EST
Isniin, Janaayo, 20, 2020 (HOL) - Madaxweynaha dalka Turkiga Recep Tayyip Erdoğan ayaa sheegay in ay Soomaaliya ku casuumtay Turkiga si ay uga baaraan shidaalka badeeda isla markaana Ankara ay qaadi doonto tillaabooyin looga jawaabayo codsiga Soomaaliya.

1/20/2020 11:09 AM EST
Isniin, Janaayo, 20, 2020 (HOL)- Ciidamada Maraykanka ayaa duqayn ka dhan ah Al-shabaab ka fuliyay degaanka Baneeni oo 8-KM dhanka galbeed kaga beegan Degmada Jamaame ee Gobbolka Jubbada Hoose.

1/20/2020 10:32 AM EST
Isniin, Janaayo ,20, 2020 (HOL )– Madaxweynaha Somaliland Muuse Biixi Cabdi ayaa maanta isku shaandheyn kooban ku sameeyey qaar mid ah xukuumadiisa, kuwaas oo u badan agaasimeyaal.

1/20/2020 7:06 AM EST
Isniin, Janaayo, 20, 2020 (HOL)-Wararka ka imaanaya gobolka Jubbada Hoose ayaa sheegaya in ciidamo ka tirsan kuwa dowladda Soomaaliya la wareegeen deegaanno dhowr ah oo ka tirsan gobolka islamarkaana ay horay u maamulayeen xoogagga Ururka Al-shabaab

1/20/2020 6:57 AM EST
Isniin, Janaayo, 20, 2020 (HOL)- Ciidamada nabad sugida Puntland, ee loo yaqaano PSF, ayaa sheegay inay hawlgallo amni sugid ah ka sameeyeen Buuraleyda iyo dhulka xeebaha ah ee degaanada durduri iyo ceelaayo ee gobolka sanaag, Puntland, Soomaaliya.

1/20/2020 6:13 AM EST
Isniin, Janaayo, 20, 2020 (HOL)- War-murtiyeed ayaa kasoo baxay Shirka Iskaashiga Dowladaha Xubnaha ka ah Dowladda Federaalka ee Puntland iyo Jubbaland, shirkaas oo magaalada Bosaso ka socday labadii maalin ee lasoo dhaafay.

1/20/2020 6:05 AM EST
Isniin, Janaayo, 20, 2020 (HOL)- Madaxweynaha dowlad goboleedka Jubbaland, Axmed Madoobe oo ku sugan Puntland, ayaa ugu baaqay ganacsatada gobolka Bari inay joojiyaan taageerada ay siinayaan kooxaha Shabaab iyo Daacish.

1/20/2020 3:17 AM EST
Gudoomiyaha intuu uu ku sugnaa Magaaladaan Qaahira ayuu ka qaybgalay kulamo & shirar ay yeesheen madaxda ciyaaraha Minifootballka carbeed oo ka kooban 16 dal inkastoo sanadkaanay ciyaarahaan ka qaybgalayaan sideed wadan kaliya.

1/20/2020 2:39 AM EST
Isniin, Janaayo, 20, 2020 (HOL)-Wafti kasocday Dawlad Goboleedka Puntland ee Soomaaliya ayaa dhawaan marti qaad ka helay Dawlada Deegaanka Soomaalida, gar ahan Gobolka Doollo xaruntiisa Wardheer.