11/17/2019
Today from Hiiraan Online:  _
Wararka Maanta- Arbaco, Nov 6 , 2019
Garoowe: 4 qof oo ku dhintay iska horimaad ka dhacay xarunta Baarlamaanka Puntland



Arbaco, November, 06, 2019 (HOL)- Ugu yaraan 4 ruux ayaa geeriyooday tiro kalana waa ay ku dhaawacmeen iska hor imaad caawa ka dhacay xarunta Baarlamaanka Puntland ee ku taalla bartamaha magaalada Garoowe.

Iska hor imaadka ayaa u dhaxeeyay ciidammo ilaalo u ahaa xarunta Baarlamaanka iyo ciidammo maamulka uu geeyay xarunta.

"Ciidan dheeraad ah ayaa maanta la dhigay xarunta Baarlamaanka , dowladda iyadoo taas diiddan ayay ciidamo u dirtay, halkaana iska hor imaad ayaa ka dhacay ay dad ku dhinteen," ayuu yiri sarkaal hore oo la hadlay HOL.

Dadka dhintay waxaa ku jira ganacsade deegaanka caan ka ahaa, Cabdixakiim Maxamed Faarax (Dhagaweyne)  oo xarun ganacsi ku lahaa goob ku dhow xarunta Baarlamaanka, balse waxaa lagu guuleystay isku-dayo lagu joojiyay xabbada, ciidammada ayaana wali isku hor fadhiya xarunta Baarlamaanka.

Dadaallo ay wadaan odayaasha dhaqanka iyo waxgaradka ayaa ka socda Garoowe, waxaana xiisadan ay ku soo aaddaysa xilli lagu soo warramayo inuu khilaaf u dhaxeeyo xukuumadda iyo guddoomiyaha Baarlamaanka.

Waxaa kalo ay xiisadda ku soo aadday xilli uu maanta saddex maalin uu fasaxay xildhibaannada Puntland, guddoomiyaha Baarlamaanka, Cabdixakiin Maxamed Axmed (Dhoobo Daareed).

Ilaa hadda ma jirto warbixin ka soo baxday madaxtooyadda iyo hay'adaha kale oo xiisaddan looga hadlay.

Iman Mohamed Jama, Hiiraan Online
[email protected]










Click here
11/6/2019 12:17 PM EST
Arbaco, November, 06, 2019 (HOL)- Wararka naga soo gaaraya gobolka Shabeellaha Hoose ayaa sheegaya in weerar Bam loo adeegsaday oo gurigiisa lagu qaaday lagu dilay guddoomiye ku-xigeenkii arrimaha bulshada maamulka gobolka Shabeellaha Hoose

11/6/2019 9:34 AM EST
Arbaco, November, 06, 2019 (HOL)-Rugta Ganacsiga ee Somaliland ayaa maanta ku dhowaaqday guddida taakuleynta Baladweyne oo qaadhaan loogu ururinayo dadka dhibaatada ka soo gaadhay biyaha Webiga ku fatahay dadweynaha reer Baladweyne oo gurmad degdeg ah u baahan.

11/6/2019 7:03 AM EST
Arbaco, November, 06, 2019 (HOL)-Nadia Mohamed oo ah Gabar dhalinyarro ah oo Soomaaliyeed ayaa sameysay taariikh habeennimadii Tallaadada kaddib markii ay ku guuleysatay in ay ka mid noqoto golaha deegaanka magaalada St. Louis Park City ee dalka Mareykanka

11/6/2019 3:27 AM EST
Arbaco, November, 06, 2019 (HOL)-Dowladda Soomaaliya ayaa digniin ka soo saartay fatahaaddo iyo daadad hor leh oo mar kale ku dhufta qeybo ka mid ah dalka Soomaaliya.

11/6/2019 2:16 AM EST
Arbaco November. 06 2019 (HOL)Dood-cilmiyeedka Fagaaraha Forum ayaa shalay lagu qabtay magaaladda Minneapolis, waxaana ka qeygal guddoomiyaha guddiga madaxa bannaan ee doorashooyinka Soomaaliya Xaliimo Ismacil Ibrahim (Xalimo Yarey) wasiirkii hore ee Caafimaadka iyo Daryeelka Bulshada mudane Maxamed C/nuur Madeer, kuwaas oo aragtiyo kala duwan ka qabay doorashooyinka la filaayo ee 2020/21.

11/6/2019 1:01 AM EST
Arbaco, November, 06, 2019 (HOL)-Baarlamaanka Dowlad gobolleedka Puntland ayaa la horgeeyay warbixin la xiriirta daniyadii ka dhacay deegaannada uu maamulka ka arimiyo lixdii bilood ee la soo dhaafay iyo eedeymo loo jeediyay ciidamada Amaanka.

11/6/2019 12:26 AM EST
Arbaco, November, 06, 2019 (HOL)- Maamulka gobolka Hiiraan ayaa faahfaahin dheeraad ah ka bixiyay halka uu marayo gurmadka iyo gargaarka la gaarsiinayo dadka ay saameynta adag ku yeelatay fatahaaddii ugu danbeysay ee ku dhufatay magaalada Beledweyne ee xarunta gobolka Hiiraan.

11/6/2019 12:07 AM EST
Arbaco, November, 06, 2019 (HOL)- Maalmihii ugu danbeeyay waxaa si is daba joog ah uga soconayay guud ahaan dalka gurmadka gurmadka loo sameynayo dadka ay ku dhufteen fatahaadda Wabiyada Shabeelle iyo Jubba oo ay ugu dareyd magaalada Beledweyne ee xarunta gobolka Hiiraan oo Boqolkiiba Sagaashan biyuhu qaadeen.

11/6/2019 12:02 AM EST
Arbaco, November, 06, 2019 (HOL)- Wasiirka Wasaaradda Batroolka iyo Macdanta Dowladda Soomaaliya Cabdirashid Maxamed Axmed ayaa u sheegay wakaalada wararka Reuters in Soomaaliya qorsheyneyso in bil kaddib bixisho shantiga ilaa 30 milyan oo fuusto oo shidaal si ay u soo jiidato shirkaddaha maalgashiga sameeya.