11/17/2019
Today from Hiiraan Online:  _
Wararka Maanta- Arbaco, Nov 6 , 2019
Somaliland oo guddi Qaran u magacowday Taakuleynta Baladweyne ee Webigu ku fatahay


 

Arbaco, November, 06, 2019 (HOL)-Rugta Ganacsiga ee Somaliland ayaa maanta ku dhowaaqday guddida taakuleynta Baladweyne oo qaadhaan loogu ururinayo dadka dhibaatada ka soo gaadhay biyaha Webiga ku fatahay dadweynaha reer Baladweyne oo gurmad degdeg ah u baahan.

Gudoomiyaha Rugta ganacsiga Somaliland Jamaal Caydiid ayaa sheegay inay madaxweyne Biixi iska arkeen arrintan, isla markaana madaxweynuhu sheegay inay xukuumad ahaan qaybtoodda ku dari doonaan marka la soo ururiyo qaadhaanka dadka tabaalaysan ee reer Baladweyne loo ururinayo.

“waxaan ka hadlayaa Dhibta ka dhacday baladweyn iyo guddi aanu u magacownay inay hawshaasi wax ka qabato, masiibo diibici ayaa ka dhacay Somalia gaar ahaan baladweyne, waxa ku barakacay saddex boqol oo kun oo qoys, waxa ka dilaacay xanuuno kala duwn, kuwaas oo u baahan in la soo caawiyo”ayuu yidhi Jamaal Caydiid oo ka hadlayey guddida ka shaqayn doonta taakulaynta Baladweyne.

Waxa hawsha loo magacaabay guddidi iskugu jirta culimo iyo ganacsato, kuwaas oo isku xidhi doonta gobolada Somaliland, taas oo cid kasta oo ka qaybqaadanaysa ku soo hagaajinaso rugta ganacsiga.

Guddidan waxa ka mid ah.

1. Jamaal Caydiid gudoomiyaha guddida

2. Kayse shukri Jaamac

3. Maxamed Axmed Jaamac

4. Sheekh Ciise Maxamud Cabdilaahi

5. Cabdiraxmaan Cali Cabdi

6. Sh . Maxamed Cali Geeddi

7. Sh. Axmed Aadan Buuxanne

8. Cabdiwahaab Maax Maxamuud

9. Sh. Cabdirisaaq Xuseen Cali

10. Cabdirisaq Ibraahim Maxamed

11. Xasan Axmed Xuseen

12. Suldaan Axmed Xuseen.

Guddidan ayaa sheegay in sanadkii 2011 kii markii abaaruhu ku dhufteen Soomaaliya ay Somaliland qayb weyn ka qaadatay, taas oo u baahan in mar walba oo dhibaato dhacdo la caawiyo dadka masaakiinta ah ee u baahan gurmadka.

Barkhad-ladiif M. Cumar, Hiiraan Online

[email protected]

Hargeysa, Somaliland. 










Click here
11/6/2019 3:24 PM EST
Arbaco, November, 06, 2019 (HOL)- Ugu yaraan 4 ruux ayaa geeriyooday tiro kalana waa ay ku dhaawacmeen iska hor imaad caawa ka dhacay xarunta Baarlamaanka Puntland ee ku taalla bartamaha magaalada Garoowe.

11/6/2019 12:17 PM EST
Arbaco, November, 06, 2019 (HOL)- Wararka naga soo gaaraya gobolka Shabeellaha Hoose ayaa sheegaya in weerar Bam loo adeegsaday oo gurigiisa lagu qaaday lagu dilay guddoomiye ku-xigeenkii arrimaha bulshada maamulka gobolka Shabeellaha Hoose

11/6/2019 7:03 AM EST
Arbaco, November, 06, 2019 (HOL)-Nadia Mohamed oo ah Gabar dhalinyarro ah oo Soomaaliyeed ayaa sameysay taariikh habeennimadii Tallaadada kaddib markii ay ku guuleysatay in ay ka mid noqoto golaha deegaanka magaalada St. Louis Park City ee dalka Mareykanka

11/6/2019 3:27 AM EST
Arbaco, November, 06, 2019 (HOL)-Dowladda Soomaaliya ayaa digniin ka soo saartay fatahaaddo iyo daadad hor leh oo mar kale ku dhufta qeybo ka mid ah dalka Soomaaliya.

11/6/2019 2:16 AM EST
Arbaco November. 06 2019 (HOL)Dood-cilmiyeedka Fagaaraha Forum ayaa shalay lagu qabtay magaaladda Minneapolis, waxaana ka qeygal guddoomiyaha guddiga madaxa bannaan ee doorashooyinka Soomaaliya Xaliimo Ismacil Ibrahim (Xalimo Yarey) wasiirkii hore ee Caafimaadka iyo Daryeelka Bulshada mudane Maxamed C/nuur Madeer, kuwaas oo aragtiyo kala duwan ka qabay doorashooyinka la filaayo ee 2020/21.

11/6/2019 1:01 AM EST
Arbaco, November, 06, 2019 (HOL)-Baarlamaanka Dowlad gobolleedka Puntland ayaa la horgeeyay warbixin la xiriirta daniyadii ka dhacay deegaannada uu maamulka ka arimiyo lixdii bilood ee la soo dhaafay iyo eedeymo loo jeediyay ciidamada Amaanka.

11/6/2019 12:26 AM EST
Arbaco, November, 06, 2019 (HOL)- Maamulka gobolka Hiiraan ayaa faahfaahin dheeraad ah ka bixiyay halka uu marayo gurmadka iyo gargaarka la gaarsiinayo dadka ay saameynta adag ku yeelatay fatahaaddii ugu danbeysay ee ku dhufatay magaalada Beledweyne ee xarunta gobolka Hiiraan.

11/6/2019 12:07 AM EST
Arbaco, November, 06, 2019 (HOL)- Maalmihii ugu danbeeyay waxaa si is daba joog ah uga soconayay guud ahaan dalka gurmadka gurmadka loo sameynayo dadka ay ku dhufteen fatahaadda Wabiyada Shabeelle iyo Jubba oo ay ugu dareyd magaalada Beledweyne ee xarunta gobolka Hiiraan oo Boqolkiiba Sagaashan biyuhu qaadeen.

11/6/2019 12:02 AM EST
Arbaco, November, 06, 2019 (HOL)- Wasiirka Wasaaradda Batroolka iyo Macdanta Dowladda Soomaaliya Cabdirashid Maxamed Axmed ayaa u sheegay wakaalada wararka Reuters in Soomaaliya qorsheyneyso in bil kaddib bixisho shantiga ilaa 30 milyan oo fuusto oo shidaal si ay u soo jiidato shirkaddaha maalgashiga sameeya.