11/17/2019
Today from Hiiraan Online:  _
Wararka Maanta- Arbaco, Nov 6 , 2019
Halkee ayuu marayaa gurmadka loo fidinayo dadka ay saameynta ku yeesheen fatahaadda Wabiyada


 

Arbaco, November, 06, 2019 (HOL)- Maalmihii ugu danbeeyay waxaa si is daba joog ah uga soconayay guud ahaan dalka gurmadka gurmadka loo sameynayo dadka ay ku dhufteen fatahaadda Wabiyada Shabeelle iyo Jubba oo ay ugu dareyd magaalada Beledweyne ee xarunta gobolka Hiiraan oo Boqolkiiba Sagaashan biyuhu qaadeen.

Guddiga gurmadka Fatahaadda oo ka kooban culimo iyo ganacsato Soomaaliyeed ayaa warbaahinta gudaha faahfaahin ka siiyay halka wax u marayaan iyo ilaa hadda waxa u qabsoomay, gaar ahaan marka la eego yabooha dhaqaale ee la helay.

Sheekh Aadan Sheekh Cali Diiriye oo ah Afhayeenka guddiga gurmadka culimada iyo ganacsatada Somaaliyeed ayaa ka war bixiyay waxyaabihii u qobsoomay inta ay ku jireen gurmadka loo fidinayey dadka ay sameyeen fatahadaha wabiyada Jubba iyo Shabeelle.

“Waxaa la yaboohay oo illaa iyo hadda Guddiga gacantooda soo gashay lacag dhan $955,742 Dollar, iyadoona la rajaynayo in lacago kale ay gacanteenna soo galaan” ayuu yiri Sheekh Aadan Cali.

Sheikh Bashiir Cumar Salaad oo ka mid ah guddiga howshaan gacanta ku haya ayaa sheegay in loo baahan yahay in la gar gaaro dadka Soomaaliyeed ee fatahaaduhu barakicyeen sanadkan, isagoona intaas ku daray in ummadda Soomaaliyeed ay tahay dad jecel in mar waliba ay isu gurmadaan.

Qarramada Midoobey ayaa sheegtay in dad ka badan 270, 000 oo ruux ay ku barakaceen fatahaadihii ugu danbeeyay ee ku dhuftay qeybo ka mid ah dalka, kuwaa oo intooda badan ku barakacay daafaha magaalada Beledweyne.

Deegaanka Ceeljaale ee dulleedka magaalada Beledweyne oo ah halka ay ku sugan yihiin dadka ugu badan ka barakacay fatahaada magaalada Beledweyne ayaa maalmihii ugu danbeeyay la gaarsiiyay gargaar isugu jira Raashin iyo Agab kale oo ay ku deeqeen ganacsato Soomaaliyeed iyo shirkaddo Waddani ah oo ka damqaday xaaladaha nolaleed oo ay dadkani wajahayaan.

C/raxmaan Diini, Hiiraan Online
[email protected]










Click here
11/6/2019 3:24 PM EST
Arbaco, November, 06, 2019 (HOL)- Ugu yaraan 4 ruux ayaa geeriyooday tiro kalana waa ay ku dhaawacmeen iska hor imaad caawa ka dhacay xarunta Baarlamaanka Puntland ee ku taalla bartamaha magaalada Garoowe.

11/6/2019 12:17 PM EST
Arbaco, November, 06, 2019 (HOL)- Wararka naga soo gaaraya gobolka Shabeellaha Hoose ayaa sheegaya in weerar Bam loo adeegsaday oo gurigiisa lagu qaaday lagu dilay guddoomiye ku-xigeenkii arrimaha bulshada maamulka gobolka Shabeellaha Hoose

11/6/2019 9:34 AM EST
Arbaco, November, 06, 2019 (HOL)-Rugta Ganacsiga ee Somaliland ayaa maanta ku dhowaaqday guddida taakuleynta Baladweyne oo qaadhaan loogu ururinayo dadka dhibaatada ka soo gaadhay biyaha Webiga ku fatahay dadweynaha reer Baladweyne oo gurmad degdeg ah u baahan.

11/6/2019 7:03 AM EST
Arbaco, November, 06, 2019 (HOL)-Nadia Mohamed oo ah Gabar dhalinyarro ah oo Soomaaliyeed ayaa sameysay taariikh habeennimadii Tallaadada kaddib markii ay ku guuleysatay in ay ka mid noqoto golaha deegaanka magaalada St. Louis Park City ee dalka Mareykanka

11/6/2019 3:27 AM EST
Arbaco, November, 06, 2019 (HOL)-Dowladda Soomaaliya ayaa digniin ka soo saartay fatahaaddo iyo daadad hor leh oo mar kale ku dhufta qeybo ka mid ah dalka Soomaaliya.

11/6/2019 2:16 AM EST
Arbaco November. 06 2019 (HOL)Dood-cilmiyeedka Fagaaraha Forum ayaa shalay lagu qabtay magaaladda Minneapolis, waxaana ka qeygal guddoomiyaha guddiga madaxa bannaan ee doorashooyinka Soomaaliya Xaliimo Ismacil Ibrahim (Xalimo Yarey) wasiirkii hore ee Caafimaadka iyo Daryeelka Bulshada mudane Maxamed C/nuur Madeer, kuwaas oo aragtiyo kala duwan ka qabay doorashooyinka la filaayo ee 2020/21.

11/6/2019 1:01 AM EST
Arbaco, November, 06, 2019 (HOL)-Baarlamaanka Dowlad gobolleedka Puntland ayaa la horgeeyay warbixin la xiriirta daniyadii ka dhacay deegaannada uu maamulka ka arimiyo lixdii bilood ee la soo dhaafay iyo eedeymo loo jeediyay ciidamada Amaanka.

11/6/2019 12:26 AM EST
Arbaco, November, 06, 2019 (HOL)- Maamulka gobolka Hiiraan ayaa faahfaahin dheeraad ah ka bixiyay halka uu marayo gurmadka iyo gargaarka la gaarsiinayo dadka ay saameynta adag ku yeelatay fatahaaddii ugu danbeysay ee ku dhufatay magaalada Beledweyne ee xarunta gobolka Hiiraan.

11/6/2019 12:02 AM EST
Arbaco, November, 06, 2019 (HOL)- Wasiirka Wasaaradda Batroolka iyo Macdanta Dowladda Soomaaliya Cabdirashid Maxamed Axmed ayaa u sheegay wakaalada wararka Reuters in Soomaaliya qorsheyneyso in bil kaddib bixisho shantiga ilaa 30 milyan oo fuusto oo shidaal si ay u soo jiidato shirkaddaha maalgashiga sameeya.