Garabka Galmudug ee Cadaado oo taageeray go’aankii ka soo baxay Wasaarradda Arrimaha Gudaha
Axad, May, 26, 2019 (HOL) – Garabka Galmudug ee
fadhigoodu yahay degmada Cadaado ayaa soo dhaweeyay go’aankii maalintii shalay
ka soo baxay Wasaarradda Arrimaha Gudaha xukuumadda Soomaaliya ee la xiriira
hab raaca doorashooyinka dowlad gobolleedyada.
Cali Gacal Casir oo ah guddoomiyaha baarlamaanka
garabka Cadaado ayaa warbaahinta u sheegay in ku ay yeesheen lagu taageeray
go’aankaas xukuumadda , isla markaana bayaan wadajir ah ay uga hadlayaan
xaalada Galmudug soo saareen.
Wuxuu sheegay in doorashada Galmudug
ay ku dhici doonto waqtigii loo asteeyay oo ay horay ugu heshiiyeen dhinacyada
wada dhistay Galmudug.
“Doorashada Madaxweynaha Galmudug waxaa la qabanayaa 4-ta bisha July 2019,
ka hor waa in la soo doorto Xubnaha Golaha Baarlamaanka dowlad goboleedka
Galmudug”ayuu yiri Cali Gacal Casir.
Dhinaca kale maamul gobolleedka Puntland ayuu ku eedeeyay in ay faragelin ku
hayaan arrimaha gudaha Galmudug, ayna ka shaqeynayaan ficilo kala fogeynaya
saamileyda Galmudug.
Guddoomiyaha Baarlamaanka Galmudug iyo Madaxweyne
ku-xigeenka ayaa labadaba fadhigooda yahay Cadaado.
C/raxmaan Diini, Hiiraan Online
[email protected]