Isniin, Augusto, 19, 2019 (HOL)-Jaaliyadda Puntland ee gobolka Ohio ayaa qabtay xaflad loogu dabaaldagayay sanadkuuradii 21aad ee ka soo wareegtay markii dhidibada loo taagay Maamulka Puntland ee dalka Soomaaliya.
Ujeedada ugu weyn ayaa ahayd
in la soo bandhigo ahmiyada Nabada iyo Maamulku u leeyihiin aadanaha iyo
in bulsho walba u bahantahay in ay helaan nabadgalyo si ay u maareeyaan
noloshooda.
"Qurbajoogta
puntaland ee Ohio ayaa si weyn uga qeyb qaatay dhisida iyo horumarinta
Puntland waxayna xili walba u taaganyihiin in ay horey usii socoto kuna
biirino Aqoonteena, Dhaqaaleheena, iyo Taladeena si aan u noqono dad leh
mustaqbal ay ubadkoodu hiigsadaan islamarkaana wax ka badali kara gabi
ahaan dalka Soomaaliya" Sidaa waxaa tiri Kowther Muse oo ka mid ah
dhalinyarada aqoonyahanadaa ee ka soo jeeda Puntland kuna nool Columbus
ohio.
Ali
Jama oo ka mid ah Ganacsatada gobolka Ohio ayaa dhankiisa ku tilmaamay
Maamulka Puntland in u ahaa Tusaale wanaagsan walina laga sugayo in la
sii labo jibaaro dadaalada ku aadan isbadal ka shaqeynta sidii
Soomaaliya cagaheeda isugu taagi lahayd isaga oo maamulada dalka ugu
baaqay in ay ka shaqeeyaan horumarka deegaamada si bulshadu u hesho
xasilooni iyo fursado ku dhisan is dhexgal.
"Marna
ma dafiri karno sida loogu bahanyahay in la helo dowlad dalka wada
gaarta oo Federalka iyo dowlada dhexe isku wada iyada oo la adkaynayo
dhismaha ciidamada qaranka oo ku imaankara wada shaqeyna madaxda dalka
Maamul goboleed iyo dowlad dhexe, Puntland waa maamul Guun ah oo aad u
hana qaaday hadana waa ay noo muuqataa in meeshas meel ka saraysa la
gaari laha hadii dalku isku si u wada shaqeeyo lana helo hal awood loo
simanyahay" sidaa waxaa yiri Abdikadir Jama Timajilic oo kamid ah
Aqoonyahanada Soomaaliyeed ee ku nool Columbus
Ismacil
Mohamed oo ah nin dhalinyaraa oo qareen ah ayaa ku dhiirogaliyay
dhalinyarada in ay wax bartaan aqoontoodana ku celiyaan dalkooda kana
faiideystaan fursadaha halka ay ku noolyihiin.
Inta
baddan dadkii ka hadlay xaflada ayaa ka sinaa in Puntland ay ka jirto
Dowlad waxbaddana la qabtay iyada oo shacabka Puntland ay go'aansadeen
ka shaqeynta xasiloonidooda.
Mudadii
ay xafladu socotay waxaa qeyb muhiim ah ka qaadanayay Fanaaniin iyo
Abwaano ku soo bandhigay Heeso iyo gabayo wadani ah halka Kooxda
dhaantaduna ciyaaraha dhaqanka tumayeen.
Sanadwalba
ayaa daafaha dunida looga dabaaldaga sanadguurada Puntland iyada oo ay
inta baddan abaabulaan Qurbajoogta Puntlad ee Caalamka.
Deeqo Shire (SONNA)