3/29/2024
Today from Hiiraan Online:  _
Wararka Maanta- Axad, Apr 7 , 2019
Xildhibaan sheegay in uu dacwad ka gudbinayo Wasiir ka tirsan xukuumadda Soomaaliya

 

Axad, April, 07, 2019 (HOL)- Iyadoo maalintii shalay uu buuq ku soo dhamaaday kulankii Golaha Shacabka, ayaa dhinaca kale waxaa soo ifbaxayay eedeymo culus oo ay warbaahinta u isku mariyeen gudaha xarunta xildhibaanno ka tirsan Golaha Shacabka.

Xildhibaan Yuusuf Xusseen Axmed ayaa sheegay in uu dacwad ka gudbinayo Wasiirka Wasaarradda Waxbarashada xukuumadda Soomaaliya Cabdullaahi Goodax Barre oo maalintii shalay sheegay in ay jiraan xildhibaanno Golaha Shacabka ku matala Ururka Al-shabaab.

Gaar ahaan Wasiir Goodax ayaa si gaar ah farta ugu fiiqay xildhibaan Yuusuf Xusseen Axmed oo uu ku tilmaamay in uu ka tirsan yahay Ururka Al-shabaab kuna matalo Baarlamaanka Soomaaliya.

Laakiin xildhibaanka oo la hadlay warbaahinta kaddib eedeyntaas loo jeediyay ayaa sheegay in isaga iyo xildhibaannada kale ee Golaha Shacabka isku afgarteen in ay sharciga la tiigsadaan Wasiir Goodax oo sida uu hadalka u dhigay looga fadhiyo in uu cadeymo u keenno eedeymaha uu u jeediyo xildhibaannada.

Gudiga anshaxa Barlamaanka Soomaaliya ayuu sheegay in ay u gudbin doonaan,isla markaana iyaga oo Xildhibaano dhowr ah ay looyaro qabsadeen dacwadna ay ka gudbin doonaan Xildhibaan Cabdullaahi Goodax Barre.

‘’Sharciga ayaan la tiigsaneynaa, ugama hari doonno eedeyntan, ilaa xasaanada laga qaado,kadibna aan maxkamad la tiigsado,’’ ayuu yiri xildhibaanka.

Wuxuu sheegay in  uu qabsaday Qarreenno uu arintan  la tashi kala sameeyay, madaama sida uu hadalka u dhigay eedeynta loo jeediyay tahay mid aad u culus una baahan in cadeymo loo helo.

Ma jiro wali wax war ah oo ka soo baxay dhinaca Wasiir Goodax.

Kulankii maalintii shalay ee Golaha Shacabka ayaa ku soo idlaaday buuq iyo fowdo kaddib markii leysku afgaran waayay sida laga yeelayo ka qeybgalka Warbaahinta ee kulanka oo ahaa mid xasaasi ah looga dooddi lahaa xaalada Amniga dalka.

C/raxmaan Diini, Hiiraan Online
[email protected]

 

 













Click here
4/7/2019 3:43 PM EST
Axad, April, 07, 2019 (HOL)- Golaha Arrimaha Islaamka ee Maamulka magaalada Jigjiga ayaa shir wadatashi ah u qabtay Culumada magaalada Jigjiga, shirkan ayaa ka qabsoomay hoolka shirarka ee Xafiiska Golaha sare ee Maamulka magaalada Jigjiga.

4/7/2019 1:58 PM EST
Axad, April, 07, 2019 (HOL)- Wararka naga soo gaaraya magaalada Beledweyne ayaa sheegaya in wiil 5 sano jir ah lagu gowracay gurigooda xaafadda Howl-wadaag ee magaalada Beledweyne, kaddib markii uu weeraray qof Tooray watay.

4/7/2019 1:31 PM EST
Axad, April, 07, 2019 (HOL)- Madaxweynaha dowladda Puntland Mudane Siciid Cabdullaahi Deni oo saakay subaxnimadii hore safar dhulka ah kaga soo ambabaxay magaalada Boosaaso, soona Gebagebeeyey safarkiisii taariikhiga ahaa ee Gobolada Karkaar iyo Bari ayaa galabta qasriga Madaxtooyada Puntland ee Garoowe ku qaabilay wefti balaadhan oo ay hogaaminaysey safiirka dalka Jarmalka ee Soomaaliya Ambassador Annett Günther.

4/7/2019 11:57 AM EST
Axad, April, 07, 2019 (HOL)- Sida ay warbaahinta u sheegeen dad goobjoogayaal ah ciidamada dowladda ayaa howlgal ay ka sameeyeen Masjidka Abuu-Hureyre ee magaalada Muqdisho ku soo qabteen Imaamkii Masjidka.

4/7/2019 8:48 AM EST
Axad, April, 07, 2019 (HOL)- Afhayeenka guud ee xisbiga WADDANI Mudane Barkhad Jaamac Batuun, ayaa sheegay in gaadhigii gudoomiyaha xisbiga Waddani Cabdiraxmaan Cirro la xidhay, isla markaana askartii ilaalinaysay qaar ka mid ah laga kaxeeyey.

4/7/2019 7:53 AM EST
Axad, April, 07, 2019 (HOL)- Ra’iisul Wassaarha Xukuumadda federaalka Soomaaliya, Xassan Cali Khayre iyo wafdi uu hoggaaminayo ayaa maanta u amba-baxay dalka Mareykanka.

4/7/2019 6:05 AM EST
Axad, April, 07, 2019 (HOL)- Ra'iisul wasaaraha Soomaaliya, Xasan Cali Khayre ayaa goor dhow magacaabay saddex wasiir, sida ku cad digreeto xafiiskiisa ka soo baxday.

4/7/2019 5:51 AM EST
Axad, April, 07, 2019 (HOL)- Madaxweyne Farmaajo, ayaa madaxda dowlad-gobolleedyada dalka ku martiqaad shir ka furmaya caasimadda Muqdisho 19ka illaa 23 bishan April,iyadoo warar horu-dhac ah ay sheegeen inay hoggaamiyeyaasha aqbaleen martiqaadka.

4/7/2019 2:20 AM EST
Axad, April, 07, 2019 (HOL)- Xoogag ka tirsan Al-Shabaab ayaa la sheegay in ay la wareegeen deegaano hor leh oo ka tirsan gobalka Jubbada Hoose.

4/7/2019 1:45 AM EST
Axad, April, 07, 2019 (HOL)- Maamul gobolleedka Hirshabeelle ayaa ku eedeeyay qaar ka mid ah hay’addaha samafalka in ay musuq maasuq ku sameeyaan deeqaha loogu talagalay dadka beeraleyda ah.

4/7/2019 1:31 AM EST
Axad, April, 07, 2019 (HOL)- Dagaalka ka soconaya nawaaxiga caasimada Tripoli ayaa sii xoogeystay , iyada oo wararku ay sheegayaan in ciidamo daacad u ah Gen Khalifa Haftar ay ka galeen magaalada saddex jiho.

4/7/2019 1:17 AM EST
Axad, April, 07, 2019 (HOL)- Taliye ku-xigeenka ciidamada Booliiska Soomaaliyeed Gen Zakiya Xusseen Axmed oo warbaahinta kula hadashay magaalada Muqdisho ayaa sheegtay in ciidamada dowladda howlgal ay sameeyeen ku soo qabteen xubno ka tirsan Ururka Al-shabaab iyo walxaha qarxa.