Maxamed Aw Daahir Marsheye oo Musharax u ah Jubbaland oo Minnesota lagu soo Dhaweeyey.
Talaado, April, 30, 2019 (HOL)- Waxaa magaaladda Minneapolis lagu soo dhaweeyey musharaxa
madaxwayne ee Jubbland State Maxamed Aw Daahir Marsheye,boqolaal dad ah oo sitay calamadda Soomaaliya kan Maamulka
Jubbland ayaa soo buux dhaafiyey goobtiiay xafladda ka dhacaysay .
Ugaas Cabdi Hire oo ka mida isimada ugu magaca wayn
Minnesota oo ka soo jeeda gobolka Gado ayaa ku nuuxnuuxsaday taariikhda iyo
qofka uu yahay musharax Marsheye , ugaasku waxuu si adag u yiri ninkaan waa nin ku dhashay
gobolka waa nin midaynkara Jubbland kana saari kara xiligaan adage ee lagu jiro
,fahmi karana siyaasada hogaaminta ah ee looga baahan yahay Jubbalnd maanta.
Shugraan Guure oo ka
mid ahayd xildhibaanada Kenya dhawr sano ka hor
ayaa iyaduna sheegtay in ay soo dhawaynayso Marshaye loona baahan yahay
in isbadal ku yimaado maamulka.
Waxaana HOL ugu waramay soo dhaweenta musharaxan Axmed Haadi oo ka mid ahaa dadkii qabanqaabada xafladda lahaa
waxuuna yiri “Mohamed Aw-Dahir oo ah
madaxa hayada FAO u qaabilsan dhinaca cuntada iyo dhaqaalaha geeska Africa ayaa
wuxuu booqasha ku yimid waqooyiga America isagoo ah musharax madaxwaynimo ee
dowlad goboleedka Jubaland waa aqoonyahan aan dalka ka baxin wax badana ka
qabtay arimo dhawra waana waxqbadkiisa waxaan ku soo dhaweeynayno kuna
taageerayno.
Dadkii xafladd ka hadlay ayaa soo dhaweeyay
musharaxnimada madaxwayne ee Aw-Dahir iyagoo aad u xusay inuu yahay nin aqoon
jaamacadeed leh, qibrad iyo takhasus u leh cilmiga dhaqaalaha beeraha iyo
cuntada 30kii sano ee tagay kasoo shaqaynaayay geeska Africa.
Maxamed Aw Daahir Marsheye oo khudbad dheer jeediyey ayaa ka hadlay in
ay muhiim tahay in dowladda dhaxe iyo maamulada jiraa wada shaqeeyaan waqtiyada
khilaafyadda badan lagu luminayo lagu badalo waxqabad dalkana horemar iyo cadaalad lagu
dhaqo, waxuu kalo musharaxu ka hadlay in maamulka hada jira ee Jubbaland wax badan qabtay
lakiin loo baahan cid meesha ay wax gaarsiiyeen hore ugu sii wada xaga nabadaynta xoraynta dagmooyinka maqan, siyaasad cadaalada oo midaynkarta dadka ku midoobay jubbland ayaa muhiim ah ayuu yiri Marsheye .
Musharaxa waxuu aad uga hadlay xeryaha
qoxootiga ee dhadhaab dadka ku jira 30 sano in ku dhow waa in loo sameeyo jiheeyn dhab dalka
dib loogu soo celiyo,isagoo dadkaa ku tilmaamay inay yihiin dad wadaniiyiin ah
jecel dalkooda, lakiin u baahan yihiin in wax badan loo diyaariyo gabi ahaanba
dhulkooda Soomaaliyeed.
Siyad Said Salah
[email protected]
Minneapolis MN