3/29/2024
Today from Hiiraan Online:  _
Wararka Maanta- Axad, Sept 30, 2018
RW Ku-xigeenka Soomaaliya : Waa la joogaa waqtiggii uu Farmaajo ka deggi lahaa Hargeysa

Axad, September, 30, 2018 (HOL) –Dowladda Soomaaliya ayaa sheegtay in si loo dardargaliyo wada hadallada iyo isku soo dhawaashiyaha Somaliland, la joogo waqtiggii madaxweyne Maxamed Cabdullaahi Farmaajo uu ka deggi lahaa magaalada Hargeysa.

Raisul Wasaare ku xigeenka Soomaaliya, Mahdi Maxamed Guuleed ayaa BBC-da u sheegay in madaxweyne Farmaajo uu diyaar u yahay in uu ka dego magaalada Hargaysa isaga oo sida calanka Soomaaliya,

“Waala gaaray waqtigii madaxweynaha uu ka degi lahaa Hargeysa dibna u bilaabmi lahaayeen wada hadalada, sidoo kale waala gaaray xilligii madaxweyne Muuse Biixi uu ka soo degi lahaa Muqdisho, hadii cid walba ay joogto booskeeda wax soconaya malahan”. ayuu yiri RW kuxigeenka dalka oo la hadlay BBC-da.

 

Mahdi Maxamed Guuleed wuxuu intaas ku daray in Xukuumadda Soomaaliya ay arrinta wadahadalka u samaysay qorshe iyo jadwal la doonayo in xal lagu gaadho, balse arrintaas ay hakad galiyeen doorashooyinkii ka dhacay Somaliland asagoo sheegay in masuuliyiinta Somaliland ay isku afgarteen in arrinta wadahadalka dib loo bilaabo wixii ka dambeeya doorashooyinka madaxtinimo oo la sugo hadba madaxweynihii la doorto.

Laakiin dhinaca kale marka la eego wasiirka arrimaha dibada iyo iskaashiga caalamiga ah ee Somaliland Sacad Cali Shire ayaa sheegay in aan wali halkaas la isla gaarin.

Wuxuu sheegay in wada hadallada labada dhinac is taageen kaddib markii dowladda Soomaaliya ay faragalin ku sameysan sida uu hadalka u dhigay wasiir Sacad heshiiskii dekedda Berbera.

Dowladda Soomaaliya ayaa hadda u muuqata in wada hadallada labada dhinac ku wajaheyso qaab ka duwan sidii hore iyada oo la qorsheynayo in madaxweynaha Soomaaliya tago magaalada Hargeysa.

Somaaliland ayaa laga soo bilaabo tan 1991 waxaa ay ku taagneyd dariiqa in ay ka go’day Soomaaliya inteeda kale, laakiin tan wixii xiligaa ka danbeeyay marnaba ma aysan helin wax ictiraaf ah ama aqoonsi ah.

C/raxmaan Diini, Hiiraan Online
[email protected]













Click here
9/30/2018 11:21 AM EST
Axad, September, 30, 2018 (HOL) –Madaxweynihii hore ee Soomaaliya, Xasan Sheekh Maxamuud oo dhawaan dalka dib ugu soo laabtay ayaa maanta loo doortay guddoomiyaha kumeel-gaarka ah ee Isbaheysiga Midowga Nabadda iyo Dimuqraadiyadda (UPD).

9/30/2018 10:41 AM EST
Axad, September, 30, 2018 (HOL) –Maamulka gobolka Banaadir ayaa ku qanciyay Iskaashtada Kalluunka ee suuqa degmada Cabdicasiis inay dib howlahooda shaqo u billaabaan,kaddib labo maalin oo u suuqa xirnaa.

9/30/2018 8:06 AM EST
Axad, September, 30, 2018 (HOL) –Maxkamadda ciidamadda qalabka sida ee Galmudug ayaa xabsi lix bilood ah ku xukuntay wariye ku eedeysnaa inuu faafiyay warar ka dhan ah dowlad-gobolleedka.

9/30/2018 7:38 AM EST
Axad, September, 30, 2018 (HOL)–Gudoomiyihii golaha dhexe ee xisbiga KULMIYE Jaamac Ismaaciil Cige Shabeel ayaa maanta xilkii iyo xubinimadii xisbigaba laga saaray.

9/30/2018 7:33 AM EST
Axad, September, 30, 2018 (HOL) –Guddoomiyaha gobolka Banaadir ahna duqa Muqdisho ,Cabdirixmaan Cumar Cusmaan (Eng.Yarisow) ayaa u magacaabay, Cabdullaahi Xirsi Diirshe ku-simaha guddoomiyaha Guddiga Xallinta Khilaafaadka Dhulka iyo Guryaha ee Gobolka Banaadir.

9/30/2018 6:32 AM EST
Axad, September, 30, 2018 (HOL) – Ciiidamada dowladda oo gacan militari ka halaya kuwa howlgalka midowga Africa AMISOM oo ka ruqaasaday magaalada Beledweyne ayaa weerar ku qaaday fariisimo Al-shabaab ay ku lahaayeen deegaanno dhinaca Koonfur ka xiga magaalada Beledweyne.

9/30/2018 5:52 AM EST
Axad, September, 30, 2018 (HOL) – Ugu yaraan 832 ruux ayaa ku dhintay duufaan ka dhalatay dhulgariir cabbirkiisu gaaray 7.5 oo ku dhufatay jasiiradda Sulawesi ee dalka Indonisia, sida ay baahisay wakaaladda maareynta masiibooyinka ee dalkaasi.

9/30/2018 4:18 AM EST
Axad, September, 30, 2018 (HOL) –Wasiirka arrimaha dibadda Soomaaliya, Axmed Ciise Cawad ayaa sheegay in kulan uu magaalada New York kula qaatay kaaliyaha xoghayaha arrimaha dibadda Maraykanka ee Afrikaa uu ka codsaday in Maraykanka uu qaado xayiraadda dhinaca socdaalka ee uu saaray Soomaalida Maraykanka tagaysa.

9/30/2018 3:41 AM EST
Axad, September, 30, 2018 (HOL) –Bannaanbax rabshado wata ayaa ka socda magaalada Muqdisho gaar ahaana agagaarka taaladda Daljirka Dahsoon,iyadoo dadweyne careysan ay xireen isgoyska Jubba illaa taaladda Daljirka Dahsoon.

9/30/2018 3:03 AM EST
Axad, September, 30, 2018 (HOL) – Feysal Mursal Warsame oo xubin ka ah ururka ONLF , ehelkiisa ma uusan arkin muddo 22 sannadood ah, wuxuuna ka qaxay magaalada Wardheer ee Dowlad Deegaanka Soomaalida sannadkii 1994-tii halkaas oo uu dagaal ka dhacay oo ay dad badan ka qaxeen Wardheer.

9/30/2018 1:53 AM EST
Axad, September, 30, 2018 (HOL)–Madaxweynaha Turkiga Recep Tayyip Erdogan ayaa booqashada rasmiga uu ku marayey dalka Jarmalka ku soo afmeeray xarig ka jaridda mid ka mid ah masaajidda ugu weyn qaaradda Yurub oo laga dhisay dalka Jarmalka

9/30/2018 1:03 AM EST
Axad, September, 30, 2018 (HOL) –Wasiirka arrimaha dibedda Soomaaliya Axmed Ciise Cawad oo khudbad ka horjeediyay shirka loo dhan yahay ee golaha guud ee Qaramada Midoobey ayaa dalbaday in Soomaaliya laga qaado cunaqabateynta hubka ee saran.