Sabti, September, 22, 2018 (HOL) –Dowladda Soomaaliya
oo war ka soo saartay dhacdadii ay dadka badan ku dhinteen ee dalka Tanzania,
ayaa ka tacsiyeeysay dhimashada Doontii degtay.
Warka ka soo baxay dowladda Soomaaliya ayaa sidan u
dhignaa :
amhuuriyadda Federaalka Soomaaliya waxa ay tacsi
u direysaa Xukuumadda iyo Shacabka saaxiibka ah ee Tanzania kadib markii
doonida magaceedu yahay MV Nyerere ku degtay harada Victoria shalay oo khamiis
ahayd, kuna beegnayd (20 September), iyadoo siday boqolaal rakaab ah, waxaana
ku geeriyooday dad ka badan 100 ruux, halka kuwa kale la la’yahay.
”Fekerkayaga iyo garab-galkeena waa mid la socda
qoysaska iyo shakhsiyaadka dhacdadan naxdinta leh ay ku yeelatay saameyn”
Xukuumadda Federaalka Soomaaliya waxa ay si
hubaal leh u garab taagan tahay shacabka iyo dowladda Tanzania waqtigan adag ee
xaaladda la soo gudboonaatay
C/raxmaan Diini, Hiiraan
Online
[email protected]
