Shirkad ka shaqeyn doonta soo saarista Fiisooyinka iyo Baasaboorada oo laga daah furay Muqdisho
Khamiis,, October, 18, 2018
(HOL)- Shirkadda TRIP Time oo ah shirkad
fududeyntooda soo saarista Fiisooyinka islamarkaana qaadi doonta
baasaboorrada ayaa la daahfuray magaalada Muqdisho.
Shirkadda oo ay ku midoobeen
ganacsato Soomaaliyeed ayaa xafladda daah furkeeda ay ka soo qaybgaleen madaxda
dowlada Soomaaliya oo ay ugu horeeyaan, Agaasimaha hay'adda socdaalka iyo
jinsiyadaha, saraakiisha booliska, madax ka socotay Wasaaradda amniga iyo xubno
ka kala socday Golaha xukuumadda iyo Baarlamaankaba iyagoo soo dhoweeyay ku dhawaaqista
shirakkadan oo ku soo aaday xilli aad loogu baahnaa.
Cabdi Xamiid aadan Axmed oo ah
guddoomiyaha Hay’adda Trip Time ayaa sharaxay shaqada shirkaddan waxaana uu
yiri.
‘’Dadka Soomaaliyeed oo aad ugu
dhibtooday helista fiisooyinka iyo is aaminaadda oo yaraatay ayaa nagu qasabtay
inaan dhisno shirkadan owaxaan u shaqeynaynaa bulshadda, waxaan u keenaynaa
Fiisaha waddamada Soomaalidu daneeyaan iyo kuwa kale ee xiriirka lala leeyahay,
waad mahadsan tihiin kasoo qeyb galayaasha Madax iyo shacab intaba’’ ayuu yiri
Cabdi xamiid aadan
Waxaa kale oo hadlay Jen.
Cabdullaahi gaafoow hadana ah Xildhibaan golaha Shacabka katirsan waxaa uu
yiri.
‘’Shirkadan waa ay fiican tahay
waayo waxa ay na baraysaa addunku sida uu yahay iyo sida Documents ka loo kala
gudubsado, dhalinyaraddan iyoshirkadda Trip waxaan leeyahay dadaalkiina sii
wada waa shaqo loo baahnaa tani’’
G/S Maxamed Aadan Koofi Agaasimaha
Hay’adda Socdaalka iyo jinsiyadaha ayaa sheegay in shirkadda Trip Time suuqu u
furan yahay baahi badana loo qabay shaqadan ay hadda u is taageen qabashadeeda.
Samra Maxamed Ibraahim oo ah
Wasiirku xigeenka Wasaaradda Haweenka, ahna Xildhibaan golaha Shacabka katirsan
ayaa sheegtay in shaqo abuur ay dhalinyaradan ayku soo kordhiyeen dalka, sidoo
kale ay dhowr jeer aragtay dad safar ah oo dhibaatoonaya haddii shirkadan ay
jiri laheydna dhibkaas laga bixi lahaa.
Agaasimaha guud ee wasaaradda Amniga
Yuusuf Cali Maxamed ayaa goobta Xafladda joogay waxaana uu sheegay in ka
wasaarad ahaan ayla shaqeyn doonaan Shirkadda Trip Time.
Hay’adda dambi baarista
Masuuliyiinteeda waxaa ka joogay Bishaar Axmed geedi waxaana uu balan qaaday in
dhankooda ay la shqeynayaan Trip Time Shirkadda qaadista Baassabooradda iyo Soo
saarista fiisooyinka.
Soomaalida ayaa markii hore waxaa ay
ku dhib qabeen soo saarista fiisooyinka iyagoo waqti iyo lacag badannba uga
bixi jirtay hayeeshee maanta laga bilaabo uu culeysku yaraan doono, iyadoo
shirkadda TRIP time ay qaban doonto howshaasi.
C/raxmaan Diini, Hiiraan
Online
[email protected]