9/24/2018
Today from Hiiraan Online:  _
Wararka Maanta- Sabti, July 21, 2018
Cabdiweli Gaas " Ma jiro codsi aan ku doonayo muddo korarsi"


 

Sabti, July, 21, 2018 (HOL) - Madaxweynaha Puntland, Cabdiweli Maxamed Cali (Gaas) ayaa xaqiijiyay in uusan jirin codsi muddo kororsi xileed ku saabsan.

Cabdiweli , isagoona arrintaasi ka hadlayay ayaa waxaa uu sheegay difaac lagu laray mansab raadin inay keenayn wax guul ah.Hadalkan ayaa waxaa uu ka sheegay magaalada Brussels ee dalka Biljamka oo soo dhowayn loogu sameeyey, waxaana uu sheegay xilka inuu yahay wax dhib ah, oo aan dheef lahayn, kaliya uu ku ciraystay.

Wuxuu codsi u direy shacabka Puntland oo u ka dalbaday inay u duceeyaan badalka habaarka oo marar badan uu sheegay inuu ka arkay barta Facebooka, waxaana uu madaxwaynaha xusay haddii loo duceeyo isaga oo Cabdi Khadar ah inuu la joogayo, isagoona jaaliyadaha kula kaftamay, haddii kalena isagoo habaaran uu la joogayo.

Doorashada madaxweynaha ayaa la filaya Puntland inay ka dhacdo bisha Jannaayo ee sannadka 2019,musharrixiinta doonaya doorashada inay ka qeybgalaan ayaa dhowr mar shaki galiyay doorashada inay xilligeeda ku dhici karto, iyagoo ku eedeynaya xukuumadda tallada heysa inay dooneyso muddo korarsi looga faaideysto xiisada ka taagan gobolka Sool.

Iman Jama, Hiiraan Online






Click here
7/21/2018 4:14 PM EST
Sabti, July, 21, 2018 (HOL)–Ra’iisal wasaaraha dalka Itoobiya Abiy Ahmed ayaa lagu wadaa in 30 bishan July booqasho rasmi ah uu ku tago magaalada Minneapolis gobolka Minnesota ee dalka Mareykanka.

7/21/2018 11:10 AM EST
Sabti, July, 21, 2018 (HOL)- Madaxweynaha Somaliland Muuse Biixi Cabdi ayaa ka hadlay shirkii Soomaaliya loogu qabtay Brussels iyo sababta ay Somaliland uga maqnayd.

7/21/2018 10:35 AM EST
Sabti, July, 21, 2018 (HOL)-Magaalada Hargeysa waxa saaka ka furmay bandhiga buugaagta ee Hargeysa Internetional Book Fair oo sanad kasta bishan oo kale lagu qabto magaaladda Hargeysa.

7/21/2018 10:26 AM EST
Sabti, July, 21, 2018 (HOL)-Miinadan ayay saraakiisha nabadsugidda Jubbaland sheegeen in ay ku guuleystaan in ay si nabad ah uga furan gaariga Miino loogu xiray C/laahi Sheekh Cabdi oo ahaa shaqsi hore uga tirsanaan jiray Shabaab, balse kasoo goostay, kana mid ahaa bulshada reer Kismaayo.

7/21/2018 9:59 AM EST
Sabti, July, 21, 2018 (HOL)-Maxkamada ciidamada qalabka sida ee dowladda Soomaaliya ayaa maanta markii ugu horeysay u fariisatay dacwad ka dhan ah xubin ka tirsan ururka Daacish lana sheegay in uu u qaabilsanaa duubista muuqaallada xiliyada ay xubnaha ka tirsan kooxda fulinayaan howlgalada qorsheysan sida dilalka iyo qaraxyada.

7/21/2018 7:14 AM EST
Sabti, July, 21, 2018 (HOL)-Sagaal ruux oo ka soo jeeday hal Qoys oo kaliya ayaa la sheegay ka mid ahaayeen dad gaaraya 17 ruux oo ku dhintay Doon lagu dalxiiso oo ku qallibantay haro ku taalla gobolka Missouri ee dalka Mareykanka,sida ay shaaciyeen saraakiil ku sugan halkaasi.

7/21/2018 4:35 AM EST
Sabti, July, 21, 2018 (HOL)-Warar dheeraad ah ayaa ka soo baxay Qarax lagu soo xiray gaari yar oo kuwa raaxada kaa oo ku qarxay xili uu marayay degmada Boondheere maal aan wax badan ka fogeyn xarunta Wasaaradda Amniga.

7/21/2018 2:50 AM EST
Qaraarka Golaha Deegaanka ee magaalada Minneapolis, ayaa waxa uu ku soo aadayaa xilli la filayo inuu magaalada Minneapolis booqasho ku yimaado Raysul-wasaaraha Ethiopia Abiy Axmed horaanta bisha dhalanaysa ee ogoosto.

7/21/2018 2:38 AM EST
Sabti, July, 21, 2018 (HOL)-Dalka Yemen ayaa lagu soo waramayaa in Doon sida 160 ay ku degtay xeebaha Badda Shadwa ee Koonfur dalkaasi Yemen, sida laga soo xigtay hogaamiyayaasha qabaa’ilka iyo hay’addaha Amniga deegaankaas.

7/21/2018 1:09 AM EST
Sabti, July, 21, 2018 (HOL)-Wararka xiligan naga soo gaaray degmada Boondheere ee gobolka Banaadir ayaa sheegaya in hal qof uu ku dhintay Qarax loogu xiray gaari yar oo ay saarnaayeen saddex ruux, meel aan ka fogeyn xarunta Wasaaradda Amniga.

7/21/2018 12:43 AM EST
Sabti, July, 21, 2018 (HOL) - War ay soo saareen golaha deegaanka magaalada Minneapolis ee gobolka Minnesota oo uu ku saxiixnaa duqa magaalada Jacob Frey ayaa loogu baaqay ra’iisal wasaaraha dalka Itoobiya in uu sida ugu dhaqsiyaha badan wax uga qabto colaada ka dhax taagan Qowmiyadaha Oromada iyo Soomaalida.