9/18/2018
Today from Hiiraan Online:  _
Wararka Maanta- Sabti, July 21, 2018
Muuse Biixi oo ka soo horjeestay tagistii Feysal Cali Waraabe ee shirkii Brussels


 

Sabti, July, 21, 2018 (HOL)- Madaxweynaha Somaliland Muuse Biixi Cabdi ayaa ka hadlay shirkii Soomaaliya loogu qabtay Brussels iyo sababta ay Somaliland uga maqnayd.

“Shirka Brussels waxa loo qabtay Soomaaliya, iyagaa lagula hadlayey, meelna kumaynaan lahayn, qaabkii loo qabanayeyna weynu isku diidnay, waayo dawladaha qabanayey waxaa ay doonayeen inay u arkaan inay Soomaaliya mid tahay. Shirkaa waxa la yidhi waxa lagu qaybinayaa deeq oo waxa la yidhi lacagaa lagu qaybinayaaye maxaynu uga hadhaynaa, horto deeqda iyo adduunka siisan mayno gobonnimadayada iyo rabitaanka dadkayaga, waxana aanu go’aansannay inaanu dawlad gaar ah oo madax bannaan noqono, markaa Yurub iyo Maraykan baa lacag qaybinaysa nooma taalla haddaan annaga toos naloo siinaynin, ma qaadanayno san-dareero cid noo soo marta, waayo wax lacag ka badan baanu u hurnay gobonnimada iyo dalka in dib loogu soo celiyo halkii uu lixdankii joogay.”ayuu yidhi Biixi

Waxaa kale oo uu ka hadlay kulankii uu gudoomiyaha xisbiga UCID Faysal Cali Waraabe la yeeshay madaxweynaha Soomaaliya Maxamed Cabdilaahi Farmaajo, waxaanu yidhi  “Iyadoo arrintu halkaas taagan tahay, ayaa waxa shirka tegay guddoomiyihii xisbiga UCID, maanu ogayn oo nagalamuu tashanin, waana wax inagu cusub iyo wax u baahan in dib la isaga arko, isaga iyo ciddii la socotayba amakaag bay nagu noqotay, shacbigu iyagaa waxan ilaashanaya oo ku mahadsan, xaqna waxa ay noogu leeyihiin inaanu dareenkooda ilaalino,”

 

Sidoo kale, Madaxweyne Biixi waxaa u sheegay in bisha March 2019-ka la qabanayo doorashaddii golaha wakiiladda iyo deegaanka, isago xusay in labadda gole ay muddo dhaafeen duruufo jiro awgeed,isago ku adkeeyey in aanay xal noqon Karin inay iska sii fadhiyaan, haseyeeshee waxa arrintaasi shalay ka hadlay xisbiga WADANI oo sheegay in Komishanka doorashooyinka la bedelo hadii kale aanay doorashadda ka qaybgali doonin, taas oo ah caqabad weyn oo hadii aan xal loo helin  mar kale dib  u ridi karta mudadii doorashada lagu qabanayey.

Barkhad-ladiif M. Cumar, Hiiraan Online

[email protected]

Hargeysa, Somaliland







Click here
7/21/2018 4:14 PM EST
Sabti, July, 21, 2018 (HOL)–Ra’iisal wasaaraha dalka Itoobiya Abiy Ahmed ayaa lagu wadaa in 30 bishan July booqasho rasmi ah uu ku tago magaalada Minneapolis gobolka Minnesota ee dalka Mareykanka.

7/21/2018 2:28 PM EST
Sabti, July, 21, 2018 (HOL)-Madaxweynaha Puntland, Cabdiweli Maxamed Cali (Gaas) ayaa xaqiijiyay in uusan jirin codsi muddo kororsi xileed ku saabsan.

7/21/2018 10:35 AM EST
Sabti, July, 21, 2018 (HOL)-Magaalada Hargeysa waxa saaka ka furmay bandhiga buugaagta ee Hargeysa Internetional Book Fair oo sanad kasta bishan oo kale lagu qabto magaaladda Hargeysa.

7/21/2018 10:26 AM EST
Sabti, July, 21, 2018 (HOL)-Miinadan ayay saraakiisha nabadsugidda Jubbaland sheegeen in ay ku guuleystaan in ay si nabad ah uga furan gaariga Miino loogu xiray C/laahi Sheekh Cabdi oo ahaa shaqsi hore uga tirsanaan jiray Shabaab, balse kasoo goostay, kana mid ahaa bulshada reer Kismaayo.

7/21/2018 9:59 AM EST
Sabti, July, 21, 2018 (HOL)-Maxkamada ciidamada qalabka sida ee dowladda Soomaaliya ayaa maanta markii ugu horeysay u fariisatay dacwad ka dhan ah xubin ka tirsan ururka Daacish lana sheegay in uu u qaabilsanaa duubista muuqaallada xiliyada ay xubnaha ka tirsan kooxda fulinayaan howlgalada qorsheysan sida dilalka iyo qaraxyada.

7/21/2018 7:14 AM EST
Sabti, July, 21, 2018 (HOL)-Sagaal ruux oo ka soo jeeday hal Qoys oo kaliya ayaa la sheegay ka mid ahaayeen dad gaaraya 17 ruux oo ku dhintay Doon lagu dalxiiso oo ku qallibantay haro ku taalla gobolka Missouri ee dalka Mareykanka,sida ay shaaciyeen saraakiil ku sugan halkaasi.

7/21/2018 4:35 AM EST
Sabti, July, 21, 2018 (HOL)-Warar dheeraad ah ayaa ka soo baxay Qarax lagu soo xiray gaari yar oo kuwa raaxada kaa oo ku qarxay xili uu marayay degmada Boondheere maal aan wax badan ka fogeyn xarunta Wasaaradda Amniga.

7/21/2018 2:50 AM EST
Qaraarka Golaha Deegaanka ee magaalada Minneapolis, ayaa waxa uu ku soo aadayaa xilli la filayo inuu magaalada Minneapolis booqasho ku yimaado Raysul-wasaaraha Ethiopia Abiy Axmed horaanta bisha dhalanaysa ee ogoosto.

7/21/2018 2:38 AM EST
Sabti, July, 21, 2018 (HOL)-Dalka Yemen ayaa lagu soo waramayaa in Doon sida 160 ay ku degtay xeebaha Badda Shadwa ee Koonfur dalkaasi Yemen, sida laga soo xigtay hogaamiyayaasha qabaa’ilka iyo hay’addaha Amniga deegaankaas.

7/21/2018 1:09 AM EST
Sabti, July, 21, 2018 (HOL)-Wararka xiligan naga soo gaaray degmada Boondheere ee gobolka Banaadir ayaa sheegaya in hal qof uu ku dhintay Qarax loogu xiray gaari yar oo ay saarnaayeen saddex ruux, meel aan ka fogeyn xarunta Wasaaradda Amniga.

7/21/2018 12:43 AM EST
Sabti, July, 21, 2018 (HOL) - War ay soo saareen golaha deegaanka magaalada Minneapolis ee gobolka Minnesota oo uu ku saxiixnaa duqa magaalada Jacob Frey ayaa loogu baaqay ra’iisal wasaaraha dalka Itoobiya in uu sida ugu dhaqsiyaha badan wax uga qabto colaada ka dhax taagan Qowmiyadaha Oromada iyo Soomaalida.