11/19/2018
Today from Hiiraan Online:  _
Wararka Maanta- Sabti, July 21, 2018
Hargeysa oo maanta laga furey bandhiga buugaagta ee Hargeisa International Book Bair



Sabti, July, 21, 2018 (HOL)-Magaalada Hargeysa waxa saaka ka furmay bandhiga buugaagta ee Hargeysa Internetional Book Fair oo sanad kasta bishan oo kale lagu qabto magaaladda Hargeysa.

Madaxweyne ku xigeenka Somaliland, Mudane Cabdiraxmaan Cabdilaahi Ismaaciil (Saylici) ayaa kamid ahaa marti sharaftii ka qayb-galay bandhiga furitaanka carwada buuggaagta ee Hargeysa International Book Fair.

“ Waxaan si rasmi ah ugu dhawaaqayaa inuu furan yahay badhiga Hargaysa International Book Fair, hawshani waxay qiimo weyn u leedahay dalkeena, intaasoo qof oo dalal kala duwan ka yimi ayaa jooga waxay markhaati ka yihiin in Somaliland tahay dal cagihiisa ku taagan oo tashaday, dad badan ayaa maanta baranaya Somaliland waxa ay tahay nabad-galyada iyo dimuqraadiyadda ka jirta.”ayuu yidhi Saylici.

Sidoo kale, waxa iyaguna ka qaybgallay marti sharaf ka kala yimid caalamka,kuwaas oo toddobaadka uu socdo barnaamijyo kala duwan daadihin doonna.

Waxa kale oo lagu soo bandhigay buugaag cusub oo sanadkii hore ku jirin, kuwaas oo dhallinyaraddu intooda badan xiiseynayey, waxaana sanad kasta dhalinyaro badani soo daabacaan buugaag ay iyagu hal abuureen.

Barkhad-ladiif M. Cumar, Hiiraan Online

[email protected]

Hargeysa, Somaliland.







Click here
7/21/2018 4:14 PM EST
Sabti, July, 21, 2018 (HOL)–Ra’iisal wasaaraha dalka Itoobiya Abiy Ahmed ayaa lagu wadaa in 30 bishan July booqasho rasmi ah uu ku tago magaalada Minneapolis gobolka Minnesota ee dalka Mareykanka.

7/21/2018 2:28 PM EST
Sabti, July, 21, 2018 (HOL)-Madaxweynaha Puntland, Cabdiweli Maxamed Cali (Gaas) ayaa xaqiijiyay in uusan jirin codsi muddo kororsi xileed ku saabsan.

7/21/2018 11:10 AM EST
Sabti, July, 21, 2018 (HOL)- Madaxweynaha Somaliland Muuse Biixi Cabdi ayaa ka hadlay shirkii Soomaaliya loogu qabtay Brussels iyo sababta ay Somaliland uga maqnayd.

7/21/2018 10:26 AM EST
Sabti, July, 21, 2018 (HOL)-Miinadan ayay saraakiisha nabadsugidda Jubbaland sheegeen in ay ku guuleystaan in ay si nabad ah uga furan gaariga Miino loogu xiray C/laahi Sheekh Cabdi oo ahaa shaqsi hore uga tirsanaan jiray Shabaab, balse kasoo goostay, kana mid ahaa bulshada reer Kismaayo.

7/21/2018 9:59 AM EST
Sabti, July, 21, 2018 (HOL)-Maxkamada ciidamada qalabka sida ee dowladda Soomaaliya ayaa maanta markii ugu horeysay u fariisatay dacwad ka dhan ah xubin ka tirsan ururka Daacish lana sheegay in uu u qaabilsanaa duubista muuqaallada xiliyada ay xubnaha ka tirsan kooxda fulinayaan howlgalada qorsheysan sida dilalka iyo qaraxyada.

7/21/2018 7:14 AM EST
Sabti, July, 21, 2018 (HOL)-Sagaal ruux oo ka soo jeeday hal Qoys oo kaliya ayaa la sheegay ka mid ahaayeen dad gaaraya 17 ruux oo ku dhintay Doon lagu dalxiiso oo ku qallibantay haro ku taalla gobolka Missouri ee dalka Mareykanka,sida ay shaaciyeen saraakiil ku sugan halkaasi.

7/21/2018 4:35 AM EST
Sabti, July, 21, 2018 (HOL)-Warar dheeraad ah ayaa ka soo baxay Qarax lagu soo xiray gaari yar oo kuwa raaxada kaa oo ku qarxay xili uu marayay degmada Boondheere maal aan wax badan ka fogeyn xarunta Wasaaradda Amniga.

7/21/2018 2:50 AM EST
Qaraarka Golaha Deegaanka ee magaalada Minneapolis, ayaa waxa uu ku soo aadayaa xilli la filayo inuu magaalada Minneapolis booqasho ku yimaado Raysul-wasaaraha Ethiopia Abiy Axmed horaanta bisha dhalanaysa ee ogoosto.

7/21/2018 2:38 AM EST
Sabti, July, 21, 2018 (HOL)-Dalka Yemen ayaa lagu soo waramayaa in Doon sida 160 ay ku degtay xeebaha Badda Shadwa ee Koonfur dalkaasi Yemen, sida laga soo xigtay hogaamiyayaasha qabaa’ilka iyo hay’addaha Amniga deegaankaas.

7/21/2018 1:09 AM EST
Sabti, July, 21, 2018 (HOL)-Wararka xiligan naga soo gaaray degmada Boondheere ee gobolka Banaadir ayaa sheegaya in hal qof uu ku dhintay Qarax loogu xiray gaari yar oo ay saarnaayeen saddex ruux, meel aan ka fogeyn xarunta Wasaaradda Amniga.

7/21/2018 12:43 AM EST
Sabti, July, 21, 2018 (HOL) - War ay soo saareen golaha deegaanka magaalada Minneapolis ee gobolka Minnesota oo uu ku saxiixnaa duqa magaalada Jacob Frey ayaa loogu baaqay ra’iisal wasaaraha dalka Itoobiya in uu sida ugu dhaqsiyaha badan wax uga qabto colaada ka dhax taagan Qowmiyadaha Oromada iyo Soomaalida.