Axad, Janaayo, 29, 2018 ( HOL) - Madaxweynaha dowladda Soomaaliya Uhuru
Kenyatta ayaa ku taliyay in ciidamada AMISOM aan laga saarin dalka Soomaaliya
dhamaadka sanadkan,haddii talaabadaas lagu dhaqaaqana ay ka abuuri karto
gobolka Geeska Afrika ammaan darro.
Madaxweynaha oo kula kulmay magaalada
Addis Ababa Xogahayaha Guud ee Qaramada Midoobey António Guterres ayuu u
sheegay in xasiloonida dalka Soomaaliya ay tahay furaha nabada ee geeska
Afrika.
“Xasilloonida Soomaaliya waa furaha gobolka, wax kasta oo aan sameyn karno
si loo xaqiijiyo horumarka ilaa hadda la gaarsiiyey waa la sii wadi doonaa”
ayuu yiri Kenyatta.
Uhuru Kenyatta ayaa si weyn uga soo horjeeda in AMISOM laga saaro sanadkan
Soomaaliya, waxaana uu sheegay in ciidanka Soomaaliya ee SNA aysan weli u
diyaar u ahayn in ay la wareegaan amniga dalkooda.
“Waxaan jeclaan lahaa in aan ugu baaqo Qaramada Midoobay iyo Midowga Afrika
in ay hubiyaan in waqtiga dhabta ah ee laga baxayo Amisom ay tahay in lagu
dabagalo dib-u-eegista joogtada ah,” Ayuu yiri Kenyatta mar uu khudbad ka
jeedinaayey Shirkii Midowga Afrika ee shalay ka furmay Addis Ababa.
Dowladda Kenya waxaa ka jooga Soomaaliya Kumannaan ciidan ah kuwaas oo
badankood ay ku sugan yihiin Jubbada Hoose iyo Gedo, waxay gudaha Soomaaliya
soo galeen iyaga oo aan haysan mandate Qaramada Midoobey ah, Balse kadib muddo
kooban waxay kamid noqdeen hawlgalka AMISOM.
C/raxmaan Diini, Hiiraan Online
[email protected]