3/29/2024
Today from Hiiraan Online:  _
Wararka Maanta- Arbaco, Aug 29, 2018
Boob xoog leh oo ka socda goobaha ganacsiga dadka ajaanibta ah Xaafadda Soweto ee dalka Koonfur Africa


Arbaco, August, 29, 2018 (HOL)-Wararkii ugu danbeeyay ee Hiiraan Online ka soo gaaraya dalka Koonfur Africa ayaa sheegaya in dad u muuqda burcad abaabulan weerar ku qaadeen ganacsiga dadka ajaanibta ah xaafadda Soweto ee magaalada Johannesburg .

Maxamed Cawil oo ka mid ah ganacsatada Soomaaliyeed ee dalka Koonfur Africa, islamarkaana ku sugan xaafadda ay bililiqadani ka socto ayaa Hiiraan Online u sheegay in ilaa waqtigan uu soconayo weerarka kooxaha burcad ah ay ku hayaan goobaha ganacsiga dadka ajnabiga ah ee xaafadda Soweto.

Arrintan ayaa ka danbeeysay eedeymo loo jeediyay qaar ka mid ah ganacsatada u dhalatay Pakistan oo la sheegay in ay dadka ka iibin jireen wax-yaabo dhacay, taasoo keentay in dad careysan oo markoodii hore-ba u badnaa burcad ku qamaamaan ganacsiga guud ahaanba dadka ajnabiga ah iyada oo aan kala sooc laheyn.

Maxamed Cawil ayaa intaa ku daray in rabshadahu ka sii dareen kaddib markii ganacsade Soomaaliyeed uu toogasho ku dilay qof South Afrcan ah oo isku dayay in uu dhac u geysto goobtiisa ganacsi.

Dadka bililiqadan ay sida weyn u saameysay ayaa ah ganacsatada u dhalatay dalalka Itoobiya, Pakistan iyo Bangladesh, halka ganacsatada Soomaaliyeed bilaabeen in ay is difaacaan iyaga oo la soo baxay hub.

Ilaa 20 dukaan ayuu sheegay Maxamed Cawil in bililiqadani saameysay, waxaana dukaamada la boobay ku jira kuwo ay Soomaali leeyihiin.

Sawirro iyo muuqaallo laga soo qaaday xaafadda Soweto ayaa lagu arkayay dad madow ah oo sita alaabo kala duwan oo ay ka qaateen goobaha ganacsiga la weeraray.

Dhinaca kale Booliiska Koonfur Afirica ayaa xabsiga dhigay 5 dhalinayaro Soomaaliyeed ah oo  loo heysto eedeymo kala duwan, waxaana dhalinyaradan xiran ka mid ah Xusseen Ilkacase iyo qof magaciisa lagu soo gaabiyay Duraan.

South Africa muddo dheer-ba waa ay jirtay arintan la xiriirta naceybka dadka ajnabiga ah ee halkaa ku heysta ganacsiga, haba ugu badnaadeen Soomaalida oo dilalka ugu badan wajaha.

C/raxmaan Diini, Hiiraan Online
[email protected]













Click here
8/29/2018 4:08 PM EST
Arbaco, August, 29, 2018 (HOL)–Wararka naga soo gaaraya magaalada Marka ee xarunta u ah gobolka Shabeellaha Hoose ayaa sheegaya in xoogag hubeysan oo ka tirsan Al-shabaab weerar culus ku qaadeen.

8/29/2018 12:23 PM EST
Arbaco, August, 29, 2018 (HOL)–Madaxweynihii hore ee dowlad deegaan-ka Soomaalida Itoobiya iyo dad kale oo ay ka mid qof dumar ah ayaa maanta ka soo hormuuqday maxkamada sare ee dalka Itoobiya.

8/29/2018 10:44 AM EST
Arbaco, August, 29, 2018 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa u amba-baxay dalka Shiinaha oo ay kaga qayb galayaan Shirka Madasha Iskaashiga Shiinaha iyo Afrika ee (FOCAC).

8/29/2018 10:32 AM EST
Arbaco, August, 29, 2018 (HOL)-Shan Askari oo ka tirsan ciidamada dowladda Kenya ayaa lagu waramayaa in ay ku dhinteen 10 kalana ku dhaawacmeen kaddib markii gaari ay la socdeen qarax miino lagula eegtay meel aan ka fogeyn magaalada Lamu.

8/29/2018 9:19 AM EST
Arbaco, August, 29, 2018 (HOL)–Golaha deegaanka degmada Garoowe ee xarunta Puntland ayaa duqa degmada iyo guddoomiyaha golaha u doortay,Axmed Siciid Muuse (Axmed Barre) oo ah ganacsade iyo xildhibaan hore.

8/29/2018 7:22 AM EST
Arbaco, August, 29, 2018 (HOL)–Saraakiisha Mareykanka sheegtay inay duqeyn ku dileen saddex ka mid dagaalyahanada ururka Alshabaab.

8/29/2018 3:45 AM EST
Arbaco, August, 29, 2018 (HOL)–Xaalada magaalada Beledweyne ayaa saakay degan kaddib rabshado sababay dhimasho iyo dhaawac oo shalay ka dhacay, kaddib markii uu iska horimaad dhaxmaray maleeshiyaad hubeysan iyo ciidamo ka tirsan kuwa dowladda Soomaaliya.

8/29/2018 1:59 AM EST
Arbaco, August, 29, 2018 (HOL)–Wasaaradda Maaliyadda Somaliland ayaa soo bandhigtay Qalab ay ganacsatada u qaybin doonto oo ay kala socon doonto adeega ay bixiyaan iyo cashuurta ku waajibtay.

8/29/2018 1:14 AM EST
Arbaco, August, 29, 2018 (HOL)–Gudoomiye ku xigeenka Maxkamadda Sare ee Kenya ayaa lagu soo oogay eedo musuqmaasuq. Philomena Mwilu waa sarkaalkii ugu sarreeyey ee dawladda ka tirsan ee ololaha musuqmaasuq la dagaalanka ah ee uu wado dacwad oogaha guud ee cusubi uu gaadhay.

8/29/2018 12:52 AM EST
Arbaco, August, 29, 2018 (HOL)–Tan iyo markii ay dhaceen rabshadihii siyaasadeed ee keenay in ay dhacdo xukuumadii hore ee dowlad deegaan-ka, waxaa si is daba joog ah u soo baxayay warar sheegayay in dowladda dhexe ee federaalka Itoobiya dabacsan tahay in la kala diro gabi ahaan-ba ciidamada Liyuu Booliiska ee ka howlgala dowlad deegaanka Soomaalida.