Arbaco, August, 29, 2018 (HOL) –Wararka naga soo gaaraya
magaalada Marka ee xarunta u ah gobolka Shabeellaha Hoose ayaa sheegaya in
xoogag hubeysan oo ka tirsan Al-shabaab weerar culus ku qaadeen.
Dagaalkan oo dhacay maqribnimadii
caawa ayeey Al-shabaab ku bartilmaameedsadeen saldhig-yada ciidamada ee
bartamaha magaalada, waxaa intaa kaddib magaalada oo dhan laga maqlay hugunka
rasaasta ay weydaarsanayeen Al-shabaab iyo ciidamada dowladda.
Guddoomiyaha degmada Marka Xasan Macalin Cumar oo hadlay warbaahinta gudaha ayaa sheegay in
weerarkan laga war-hayay sida daraadeed ciidamada dib isaga caabiyeen xoogagga
weerarka soo qaaday.
Ilaa iyo hadda dhab ahaan lama oga inta uu
gaarsiisan yahay khasaaraha ka dhashay dagaalka, hasse ahaatee guddoomiyaha
ayaa sheegay in uu jiro khasaare soo kala gaaray labada dhinac.
Marka oo ah magaalo istiraaji ah ayaa sanadihii
ugu danbeeyay-ba magan u noqontay dagaalo waji badan oo isugu jira kuwo Qabiil
iyo dirirta u dhaxeysa Al-shabaab iyo ciidamada dowladda.
C/raxmaan Diini, Hiiraan
Online
[email protected]