9/22/2018
Today from Hiiraan Online:  _
Wararka Maanta- Arbaco, Aug 29, 2018
Gollaha deegaanka Garoowe oo doortay guddoomiyaha degmada iyo ku-xigeenkiisa


 

Arbaco, August, 29, 2018 (HOL) -Golaha deegaanka degmada Garoowe ee xarunta Puntland ayaa duqa degmada iyo guddoomiyaha golaha u doortay, Axmed Siciid Muuse (Axmed Barre) oo ah ganacsade iyo xildhibaan hore.

Doorashadan oo billaabatay saacadihii hore ee maanta ayaa waxaa ku tartamayay labo musharrax oo qura, iyadoona ay goob-joog ka ahaayeen mas'uuliyiin ka tirsan Puntland.

Musharraxa guuleystay ee Axmed Barre wuxuu helay 18-cod halka musharaxii la tartamayay ee Axmed Abshir Jaamac uu isna helay 9-cod, guddiga doorashada ayaa natiijada ku dhawaaqay.

Xildhibaannada golaha deegaanka degmada Garoowe ayaa sidoo kale isla maanta doortay ku-xigeenka duqa degmada, Maxamed Cali Xamari oo kamid ahaa musharixiinta u tartamayay xilka ayaa loo doortay guddoomiye ku-xigeenka degmada Garoowe, markii uu helay 17-cod -halka musharrixii la tartamayay ee Cismaan Maxamuud Siciid uu isna helay 10-cod.

 

Wasiirka arrimaha gudaha Puntland,Cabdullaahi Cali Xirsi ayaa guddoomiyaha cusub ee degmada iyo ku-xigeenkiisa kula dardaarmay inay isbadal soo bandhigan, wuxuu si gaar ah u faray amniga, horumarka iyo canshuuraha in xoogga la saaro si loo gaaro 'isbadal' ayuu yiri.

Iman Mohamed Jama, Hiiraan Online






Click here
8/29/2018 5:04 PM EST
Arbaco, August, 29, 2018 (HOL)–Wararkii ugu danbeeyay ee Hiiraan Online ka soo gaaraya dalka Koonfur Africa ayaa sheegaya in dad u muuqda burcad abaabulan weerar ku qaadeen ganacsiga dadka ajaanibta ah xaafadda Soweto ee magaalada Johannesburg .

8/29/2018 4:08 PM EST
Arbaco, August, 29, 2018 (HOL)–Wararka naga soo gaaraya magaalada Marka ee xarunta u ah gobolka Shabeellaha Hoose ayaa sheegaya in xoogag hubeysan oo ka tirsan Al-shabaab weerar culus ku qaadeen.

8/29/2018 12:23 PM EST
Arbaco, August, 29, 2018 (HOL)–Madaxweynihii hore ee dowlad deegaan-ka Soomaalida Itoobiya iyo dad kale oo ay ka mid qof dumar ah ayaa maanta ka soo hormuuqday maxkamada sare ee dalka Itoobiya.

8/29/2018 10:44 AM EST
Arbaco, August, 29, 2018 (HOL)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo iyo wafdi uu hoggaaminayo ayaa u amba-baxay dalka Shiinaha oo ay kaga qayb galayaan Shirka Madasha Iskaashiga Shiinaha iyo Afrika ee (FOCAC).

8/29/2018 10:32 AM EST
Arbaco, August, 29, 2018 (HOL)-Shan Askari oo ka tirsan ciidamada dowladda Kenya ayaa lagu waramayaa in ay ku dhinteen 10 kalana ku dhaawacmeen kaddib markii gaari ay la socdeen qarax miino lagula eegtay meel aan ka fogeyn magaalada Lamu.

8/29/2018 7:22 AM EST
Arbaco, August, 29, 2018 (HOL)–Saraakiisha Mareykanka sheegtay inay duqeyn ku dileen saddex ka mid dagaalyahanada ururka Alshabaab.

8/29/2018 3:45 AM EST
Arbaco, August, 29, 2018 (HOL)–Xaalada magaalada Beledweyne ayaa saakay degan kaddib rabshado sababay dhimasho iyo dhaawac oo shalay ka dhacay, kaddib markii uu iska horimaad dhaxmaray maleeshiyaad hubeysan iyo ciidamo ka tirsan kuwa dowladda Soomaaliya.

8/29/2018 1:59 AM EST
Arbaco, August, 29, 2018 (HOL)–Wasaaradda Maaliyadda Somaliland ayaa soo bandhigtay Qalab ay ganacsatada u qaybin doonto oo ay kala socon doonto adeega ay bixiyaan iyo cashuurta ku waajibtay.

8/29/2018 1:14 AM EST
Arbaco, August, 29, 2018 (HOL)–Gudoomiye ku xigeenka Maxkamadda Sare ee Kenya ayaa lagu soo oogay eedo musuqmaasuq. Philomena Mwilu waa sarkaalkii ugu sarreeyey ee dawladda ka tirsan ee ololaha musuqmaasuq la dagaalanka ah ee uu wado dacwad oogaha guud ee cusubi uu gaadhay.

8/29/2018 12:52 AM EST
Arbaco, August, 29, 2018 (HOL)–Tan iyo markii ay dhaceen rabshadihii siyaasadeed ee keenay in ay dhacdo xukuumadii hore ee dowlad deegaan-ka, waxaa si is daba joog ah u soo baxayay warar sheegayay in dowladda dhexe ee federaalka Itoobiya dabacsan tahay in la kala diro gabi ahaan-ba ciidamada Liyuu Booliiska ee ka howlgala dowlad deegaanka Soomaalida.