5/15/2021
Today from Hiiraan Online:  _
Wararka Maanta- Sabti, Aug 26, 2017
Booliska dalka Belgium oo toogtay muwaadin Soomaali ah oo mindi ku dhaawacay laba askari


 
Sabti, Augusto, 26, 2017 (HOL) –Booliska dalka Belgium ayaa toogasho ku dilay muwaadin Soomaali ah, kaas oo la sheegay in tooreey uu ku dhaawacay laba kamid ah Militeriga dalkaasi.

Weerarka ayaa xalay waxaa uu ka dhacay Magaalladda Brussels ee dalka Belgium-ka. 

Muqaalo laga soo duubay halka ay wax ka dhaceen ayaa muujinaya ciidamada ammaanka oo xiray goobta uu weerarka ka dhacay, waxaana halkaasi soo gaaray kooxaha gurmadka deg-dega.

Dacwad oogayaasha dalkaasi ayaa sheegay in ninkan oo aan horey lagu aqoonin falalka Argagixisanimo uu ku dhawaaqayay Allahu Akbar, xiligii uu weerarka ka geysanayay meel dad badan ay socdeen oo waddo laami ah, sida ay sheegtay haweeney afhayeenad ah.

Laamaha ammaanka ayaa ku adkeystay in falka dhacay ay ula macaamilayaan sida weerar adag oo argagixiso.

Qaar kamid ah Soomaalidda dalkaasi ayaa waxaa lasoo gudboonaaday wal-wal dhinaca ammaanka ah.

Duqa Magaalladda Brussels Philip Close ayaa sheegay in uu jirey heegan ballaaran oo ammaanka la xiriira, waxaana ammaanka dalkaasi siweyn loo adkeeyey wixii ka dambeeyey weerarkii ka dhacay magaallooyinka Paris  2015 iyo  Brussels  2016.

Hiiraan Online,
Hassan Istiila
[email protected]
Mogadishu,Somalia












Click here
8/26/2017 12:58 PM EST
Sabti, Augusto, 26, 2017 (HOL) – Ra’iisal wasaare ku-xigeenka xukuumada Soomaaliya Mahdi Maxamed Guuleed ayaa sheegay in guddigii loo xilsaaray dhacdadii Bariire looga baahanyaha in muddo 5 maalmood gudahooda ah ay warbixin kaga keenaan dhacdadaasi.

8/26/2017 11:13 AM EST
Sabti, Augusto, 26, 2017 (HOL) - Duufaanta Harvey ayaa gabaldhicii Jimcihi bilowday inay garaacdo xeebaha gobolka Texas ee dalkan Mareykanka, iyadoo Dowlada Mareykankana ka digtay masiibo xoog leh oo ka dhalata duufaantan aadka u xoogan.

8/26/2017 10:33 AM EST
Sabti, Augusto, 26, 2017 (HOL) - Madaxweynaha Jamhuuriyadda Federaalka ah ee Soomaaliya Maxamed C/laahi Farmaajo iyo Ra’iisul Wasaare Xasan Cali Khayre, ayaa maanta la kulmay danjiraha midowga Yurub u qaabilsan Barigga Africa, Alexandar Rondos iyo wafdi uu hoggaaminayo, waxayna ka wada hadleen howlaha ay midowga Yurub ka wadaan Soomaaliya iyo sidii loo dar-dargalin lahaa.

8/26/2017 10:20 AM EST
Sabti, August, 26, 2017 (HOL)-illaa shalay waxa baraha bulshaddu ku wada xidhiidho lagu hadal hayey dhacdo bani’aadanimadda ku xun oo Shirkadda Fly Dubai ku samaysay haweenay ilmo yar wadato oo diyaaraddii ay raacaysay laga soo dajiyey iyo wasiirka Hawlaha guud Cali Mareexaan oo rakaabka diyaaradda ka mid ahaa oo la dareen noqday haweenaydaasi oo isna ka soo hadhay diyaaraddii si uu mooralka haweynaydaasi u dhiso.

8/26/2017 7:25 AM EST
Sabti, Augusto, 26, 2017 (HOL) – Dowladda Soomaaliya ayaa guddi u saartay dhacadii ka dhacday degaanka Bariire ee gobolka Shabeellaha hoose.

8/26/2017 6:47 AM EST
Sabti, Augusto, 26, 2017 (HOL) – Maamulka Koonfur galbeed ayaa digniin adag u diray dadka garsoorka u raadsada degaanada ay gacanta ku hayaan Al-Shabaab .

8/26/2017 5:59 AM EST
Sabti, Augusto, 26,2017 (HOL) -- Xildhibaanada Galmudug ayaa goor dhow ansixiyay wasiirada cusub ee dhawaan uu soo magacaabay madaxweynaha Galmudug Axmed Geelle Ducaalle Xaaf.

8/26/2017 4:14 AM EST
Sabti, Augusto, 26,2017 (HOL) -- Magaalada Johannesburg ee dalka Koofur Africa ayaa lagu soo gaba gabeeyay kulanka Madasha Hoggaamiyeyaasha hore ee Qaaradda Africa oo labadii maalmood ee la soo dhaafay ka socday

8/26/2017 3:56 AM EST
Sabti, Augusto, 26,2017 (HOL) -- Booliska Belgium ayaa lagu waramayaa in xalay bartamaha magaalada Brussels ku toogtay nin toorey ku dhaawacay labo askari, kaasoo loo maleynayo inuu ahaa Soomaali.

8/26/2017 3:21 AM EST
Sabti, Augusto, 26, 2017 (HOL) –10 qof oo rayid ah oo saddex kamid ah ay yihiin carruur ayaa lagu dilay howlgal ay ciidamada Somalia iyo kuwa Maraykanka ay ka fuliyeen meel u dhow deegaanka Bariire ee Gobolka Shabeellaha Hoose, habeen hore.

8/26/2017 2:57 AM EST
Sabti, Augusto, 26, 2017 (HOL) –Hay’adda QM ugu qaabilsan Arrimaha Qaxootiga ee UNHCR ayaa Khamiistii lasoo dhaafay sheegtay in dalka Soomaaliya ay kusoo noqdeen 70,516 Qaxooti Somali ah, kuwaasi oo iskooda ugu soo laabtay dalkooda hooyo tan iyo markii la bilaabay Hawlgalka dib usoo celinta Qaxootiga bsihii December ee sannadkii 2014-kii.

8/26/2017 2:26 AM EST
Sabti, Augusto, 26, 2017 (HOL) –Shirkii loogu magac daray African Leadership Forum 2017, ee ka socday dalka Koonfur-Africa, ayaa shalay si rasmi ah loosoo gaba-gabeeyay.