Talaado, October, 17, 2017 (HOL)- Wareysi kooban oo uu siiyay warbaahinta
gudaha ayuu ku sheegay Afhayeenkii wasaaarada Amniga gudaha Maxamuud Maxamed
(Sayid Carab) in uu xilkaa isa casilay.
Mar uu ka jawaabayay su’aal aheyd sababta uu isku casila ayuu sheegay in
uusan u jeedin hormar dhinaca Amniga oo dalka laga sameynayo, isaga oo intaa ku
daray in mar walba uusan ka dul hadli Karin
shacab la gumaadayo waa sida uu hadaalka u dhigay.
Wuxuu kaloo inoo sheegay Axmed Carab in hada uu ku sugan yahay magaalada
Kismaayo oo xarun KMG u ah maamulka Jubbaland, halkaasi oo markii horeba uu ka
yimid.
Siyad Carab ayaa is casilaadan uga dhawaaqay magaalada Kismaayo ee xarunta
ku-meel-gaarka u ah maamulka Jubbaland oo markii horeba uu ka yimid.
29-kii April ee sanadkan wareegto ka soo baxday xafiiska Wasiirka
Amniga Maxamed Abuukar Islow (Ducaalle) ayaa Afhayeenka Wasaarada Amniga waxaa
loogu magacaabay Axmed Maxamuud Maxamed (Sayid Axmed Carab) iyadoo xilkaasi
laga qaaday C/Kaamil Macalin Shukri.
Is casilaada Afhayeenkii wasaarada Amniga gudaha ayaa imanaya kaddib qaraxii
galaaftay nolasha dad badan oo Soomaali ah oo Sabtidii ka dhacay magaalada
Muqdisho.
C/raxmaan Diini,
Hiiraan Online
[email protected]
