Isniin, August, 28, 2017 (HOL)-
Toban qodob ayaa lagu soo afjaray wada hadal muddo dheer u socday Somaliland
iyo KHaatumo.
Qodobadan lagu soo afjaray wada
hadalkaasi waxa goob joog ka ahaa hogaamiyaha KHaatumo Cali Khaliif Galaydh,
halka Somaliland uu hogaaminayey wasiirka Arrimaha gudaha Somaliland Sacad Cali
Shire.
Qodobadda laga soo saaray soo
afjaridda wada hadalkan mudadda dheer soo socday waxay u dhaceen sidan;
1. Waxaanu tacsi u diraynaa eheladii iyo qaraabadii ay
dhibaataddu ka soo gaadhay isku dhacii dagaalka sababay ee dhexmaray labadda
beelood ee walaaha ee wada dega Buuhoodle.
2.waxaanu bogaadin iyo hambalyo u
dirayna odayaashii iyo waxgaradkii dhexgallay ku guuleeyey inay soo afjaraan
shaqaaqadii halkaasi ka dhacday.
3. waxaanu isla garanay in meel
looga soo wada jeesto xaalada cusub ee ka aloosan Buuhoodle.
4. in maamuladda Puntland iyo
Muqdisho ay joojiyaan gardaradda qaawan ee ay ka wadaan deegaanada Somaliland
guud ahaan, gaar ahaanna Buuhoodle.
5. in Caalamku ogaado wixii
dhibaato ah ee ka dhaca Buuhoodle ay ka masuulka yihiin labadda maamul ee
Garoowe iyo Xamar.
6.siiba maamulka Puntland ha joojiyo
dhibaatada uu ku hayo nabadda iyo geedi socodka dimuqraadiyadda Somaliland.
7. in garaadada iyo cuqaashu wada
jir uga hor tagaan wixii dhib iyo dhaawac nabadda iyo nolosha dadka
gaadhsiinaya.
8. in aan Somaliland marnaba aqbali doonin meel
ka mid ah lagu qabto shir lagu kala qaybinayo dadka iyo dalka Somaliland laguna
burburinayo wada hadaladda Somaliland iyo Khaatumo.
9. waxaanu uga digaynaa
shirkadaha iyo hay’adaha diyaaradaha
inay fasax la’aan ka soo degaan garoomadda si loo sugo amaankoodda.
10. waxa la magacaabay guddi laba
geesood ah oo tallo bixin ka soo jeedin doonna qabashadda shirweynaha loo dhan
yahay.
Dhinaca kale, Kayse Cabdi Yuusuf
oo khaatumo u qaabilsan wasiirka arrimaha gudaha ayaa sheegay in loo baahan
yahay in la dhiso Somaliland loo wada dhan yahay,isla markaana shirweynaha
dambe ee la iskugu iman doonno lagu gorfeyn doono Soomaaliland sidii loo wada
yeelan lahaa oo la iskaga wada dhex muuqan lahaa.
“Waa shirkii la doonayey in wax
kasta oo khilaafaad ah oo Somaliland ka dhex jira lagu soo afjari lahaa,nuxurkuna
waxa weeyi waar KHaatumo calan gaar ah leh oo dawlad gaar ah haatan halkan lagu
hayo, Somaliland sidan ku socon karta oo sidan Danni ugu jirta ma jirto sidee
maamul wanaagsan oo loo wada dhan yahay u wada samaysannaa oo raali uga wada
nahay u samaysannaa.”ayaa yidhi Kayse Cabdi Yuuusuf.
Barkhad-ladiif M. Cumar,
Hiiraan Online
[email protected]
Hargeysa, Somaliland.
