3/29/2024
Today from Hiiraan Online:  _
Wararka Maanta- Isniin, Aug 28, 2017
Guddi heer-wasiiro ah oo maanta ku wajahan deegaanka Bariire oo dhawaan lagu dilay 10 qof oo rayid ah

 
Isniin, Augusto, 28, 2017 (HOL) –Guddi wasiiro ah ayaa maanta ku wajahan deegaanka Bariire ee Gobolka Shabellaha Hoose, halkaasi oo jimcihii lasoo dhaafay howlgal ay fuliyeen ciidamada dowladda Somalia iyo kuwa Maraykan-ka lagu dilay 10 qof oo rayid ah oo 3 ay carruur ahaayeen.

Guddigan ayaa waxaa hoggaaminaya Wasiirka Amniga Gudaha Maxamed Abuukar Islow (Ducaale).

Ra’iisul Wasaare ku-xigeenka Xukuumadda Federaalka ah ee Soomaaliya Mahdi Guuleed Maxamed (Khadar), ayaa 26-kii bishan guddi u saaray dhacdadii deegaanka Bariire, waxaana uu sheegay in muddo 5 maalmood gudahood ay guddigaas warbixin buuxda ay ka keenaan sidii ay wax u dhaceen.

“Guddiga oo uu guddoomiyaha u yahay wasiirka amniga waxaa looga fadhiyaa muddo Shan cisho ah ay jawaaab uga keenaan dhacdada ka dhacday deegaanka Bariire “sidaas waxaa  yiri ra’iisal wasaare ku-xigeenka xukuumada Soomaaliya. 
Ehelada dadkii dhawaan lagu dilay deegaanka Bariire ayaa diiday in ay meydadka aasaan, ilaa sida ay hadalka u dhigeen dowladda Soomaaliya ka qiraneyso in ay ka danbeysay dilka dadkan rayidka ah.

10 ruux ayaa la toogtay kaddib weerar ay wada jir uga fuliyeen degmada Bariire oo 50 km u jirta caasimada Muqdisho ciidamada dowladda Soomaaliya oo kaashanaya kuwa Mareykanka ah Jimcihii ina dhaafay.

Ali Nur oo ah guddoomiye ku-xigeenka gobolka Shabeellaha hoose ayaa u sheegay wakaaladda wararka Reuters in aan dadkan la aasi doonin ilaa dowladda ay ka qiraneyso lagana bixiyo Magdhaw.

‘’Sababta aan u diidnay in aan Aasno waa dowladda oo aan wali qirsaneyn in ay dilkan geystay ayuu yiri Ali Nuur oo la hadlay Reuters.

Hiiraan Online,
Hassan Istiila
[email protected]
Mogadishu,Somalia













Click here
8/28/2017 12:29 PM EST
Isniin, Augusto, 28, 2017 (HOL) – Shir jaraa;id oo goor dhaw magaalada Muqdisho uu ku qabtay Agaasimaha Rugta ganacsiga Cabdi Abshir Dhoore ayaa looga jawaabay Qoraal ay soo saartay Wasaaradda Ganacsiga Xukuumadda Soomaaliya oo ahaa in la kala diray Rugta.

8/28/2017 9:36 AM EST
Isniin, Augusto, 28, 2017 (HOL) -Maxamed Amiin Baryare Cali oo ah wiil Soomaaliyeed ayaa ku guulaystay tartan orod oo caalami ah oo ka dhacay magaalada Bedford ee dalka Ingiriiska , isla markaana loo qabtay dhalinyarada ay da'doodu ka hoosayso 15-ka sano jirka.

8/28/2017 8:15 AM EST
Isniin, Augusto, 28, 2017 (HOL) – Wasiirka wasaarada ganaciga iyo warshadaha Khadra Axmed Ducaale ayaa maanta sheegtay in gabi ahaanba la baabi’iyay Rugta ganacsiga iyo warshadaha Soomaaliyeed, iyadoo dhinaca kalana ku baaqday.

8/28/2017 7:55 AM EST
Isniin, Augusto, 28, 2017 (HOL)- War qoraal ah oo ka soo baxay madaxweyne ku-xigeenka dowlad gobolleedka Puntland Cabdixakiin Cabdullaahi Cumar ayaa shaqada looga joojiyey taliyaha Ciidamada Booliska Puntland Jen, Cabdulqaadir Faarax Shire (Erag).

8/28/2017 7:08 AM EST
Isniin, Augusto, 28, 2017 (HOL)- Kulan maanta magaalada Muqdisho ay ku yeesheen xubnaha aqalka sare ee Soomaaliya waxaa lagu magacaabay guddi baaritaan ku sameeya dhacdadii ka dhacday deegaanka Bariire ee gobolka Shabeelaha hoose.

8/28/2017 5:52 AM EST
Isniin, Augusto, 28, 2017 (HOL)- Wasiirka wasaarada waxbarashada xukuumada Soomaaliya Cabdiraxmaan Daahir Cismaan ayaa sheegay in magaalada Muqdisho oo kaliya ay ku yaalaan tiro ka badan 50 Jaamacadood oo laga yaabo in maalin walba tirada intaa ka sii badato, kuna soo biiraan Jaaamacado kale oo cusub.

8/28/2017 5:31 AM EST
Isniin, Augusto, 28, 2017 (HOL)- Waxaa magaalada Muqdisho ka furmay shir looga hadlayo xal u helida Qaxootiga Soomaaliyeed ee soo laabanaya iyo xaalada dadka ku barakacay gudaha dalka.

8/28/2017 4:10 AM EST
Isniin, Augusto, 28, 2017 (HOL) - Heshiis 10 qodob ka kooban ayaa si wadajir ah ay u soo saareen Maamulka Khaatumo iyo Somaliland kaas oo daba socdey heshiisyo dhawr ah oo taxane ahaa mudooyinkii la soo dhaafay.

8/28/2017 4:01 AM EST
Isniin, August, 28, 2017 (HOL)- Toban qodob ayaa lagu soo afjaray wada hadal muddo dheer u socday Soomaaliland iyo KHaatumo.

8/28/2017 4:00 AM EST
Isniin, Augusto, 28, 2017 (HOL) –Mid kamid ah aroosyadii ugu xiisaha badnaa ayaa todobaadkan ka dhacay degmada Mandhera ee Waqooyi Bari Kenya ka dib markii oday 80 sano jir ah uu guursaday haweeney 60 sano jir ah ,iyada oo arooskan uu ahaa mid si weyn loo soo agaasimay.

8/28/2017 2:53 AM EST
Isniin, Augusto, 28, 2017 (HOL) –In kabadan 1,000 qof ayaa ku dhimatay daadad iyo dhiiqo kusoo rogmay Magaalladda Freetown, ee caasimadda dalka Sierra Leone, sida afhayeen u hadlay madaxweynaha uu sheegay.

8/28/2017 2:18 AM EST
Isniin, Augusto, 28, 2017 (HOL) –Wefdi isugu jira Wasiiro iyo Xildhibaanno ka tirsan Dowlada-gobolleedka Galmudug , ayaa gelinkii dambe ee shalay gaaray deegaanka Xeraale oo dhawaan ay ku dagaallameen maleeshiyo deegaanka ah iyo dagaalyahanno ka tirsan ururka Ahlu Sunna.

8/28/2017 1:12 AM EST
Isniin, Augusto, 28, 2017 (HOL) –Wixii maanta ka dambeeya dalka Kenya lagama isticmaali doono bacaha alaabada lagu qaato, sida dowladda ay sheegtay.

8/28/2017 12:54 AM EST
Isniin, Augusto, 28, 2017 (HOL) –Madaxweynahii hore ee Soomaaliya mudane Xasan Sheikh Maxamuud ayaa xalay kulan casho sharaf ah la qaatay jaaliyadda Soomaalidda ee ku nool magaalladda Johannesburg ee dalka South Africa.