10/23/2019
Today from Hiiraan Online:  _
Wararka Maanta- Talaado, May 28, 2013
Jaamacadda SIMAD oo Muqdisho Kusoo Gabagabeysay Bandhig-dhaqmeed loogu magac-daray Todobaad Dhaqanka (SAWIRRO)



Talaado, May 28, 2013 (HOL) — Jaamacadda SIMAD ayaa maanta kusoo gabagabeysay bandhig loogu magacdaray toddobaadka dhaqanka (Cultural Week) oo Sabtidii ka billowday xarunta jaamacadda ee Muqdisho, halkaasoo lagu soo bandhigay tartamo isugu jiray dhaqan, diini iyo kuwa ciyaareed oo dhammaantood abaal-marinno lagu siiyay dadkii ku guuleystay.

Xafladda xirtaanka oo ay kasoo qayb-galeen ma’suuliyiinta Jaamacadda, ardayda, abwaanno, waalidiin iyo marti-sharaf kale oo lagu casuumay, iyadoo lagu soo bandhigay muuqaallo muujinaya dhaqanka Soomaaliyeed, sida farshaxanka, dad xiran dharka hiddaha iyo dhaqanka iyo agabyo kale oo ay Soomaalidu farsameyso, kuwaasoo looga dhaqmo miyiga.

Ardaydii ku guuleystay tartanka Qur’aan akhriska ayaa abaal-marinno kala duwan la guddoonsiiyay, sidoo kale ciyaartooy ku guuleestay tartan kubadda cagta ayaa iyagana abaalmarinno helay, halka suugaanta Soomaaliyeed ay ku badiyeen dad kale oo xafladda lagu maamuusay.

Maxamuud Maxamed Cusman oo ku tartamay gabayada ayaa goobta kusoo bandhigay tix ka hadlaysay nabadda iyo sida shacabku ay xiligaan nabadda ugu heellan yihiin, isagoo dadka ku boorriyay inay ka shaqeeyaan nabadda ayna juhdi badan ku bixyaan.

Guddoomiyaha jaamacadda SIMAD, Cabdiraxman Max’ed Xuseen (Odowaa) oo ka hadlay xiritaanka tababrkan ayaa ka hadlay muhiimadda uu u lahaa jaamacadda isagoo xusy inuu qayb-wayn ka qaatay is-dhexgalka bulshada, isla markaana ay dadku isku dhaafsadeen cilmi iyo waliba waxyaabaha ay ka yaqaanaan dhaqankooda, arrintaasoo uu ku tilmaamay mid faa’iido badan u leh ardayda Soomaaliyeed iyo guud ahaan bulshada.

Jaamacadda SIMAD ayaa markii afaraad qabatay bandhig dhaqameedkan  oo kale, iyadoo ay ka qayb-galayeen shirkado ganacsi oo kusoo bandhigay wax-qabadkooda iyo arday Soomaaliyeed oo soo bandhigaas cilmigooda, dhaqankooda iyo qaybo ka mid ah xirfaddooda kusoo bandhigay.



Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/28/2013 1:24 PM EST
Talaado, May 28, 2013 (HOL) — Shir ay kasoo qaybgaleen wufuud kakala timid caalamka oo isugu jira ganacsato,siyaasiyiin iyo shirakado Soomaali ah iyo ajaanib leedahay ayaa ka furmay magaalada Nairobi ee xarunta dalka Kenya.

5/28/2013 11:31 AM EST
Talaado, May 28, 2013 (HOL) — Waxaa maanta xarigga laga jaray dhisme casri ah oo laga dhisay magaalada Boosaaso ee xarunta gobolka Bari. Dhismahan oo muddo labo sano ah lawadey, waxaa iska leh shirkadda Iftin Group.

5/28/2013 10:04 AM EST
Talaado, May 28, 2013 (HOL) — Kooxo hubeysan ayaa ku toogtay shan qof oo qoys kasoo jeeda deegaan lagu magacaabo Laba-ceel oo ku yaalla Koonfurta gobolka Mudug, waxaana dadka la dilay ay isugu jireen aabbe, hooyo iyo caruur ay dhaleen.

5/28/2013 9:31 AM EST
Talaado, May 28, 2013 (HOL) — Diyaarad kuwa wax basaasa ah oo yar ayaa kusoo dhacday goor dhow duleedka degmada Buulo-mareer ee gobolka Shabeellada Hoose, halkaasoo ay gacanta ku hayso Al-shabaab.

5/28/2013 9:21 AM EST
Talaado, May 28, 2013 (HOL) — Isbitaalka guud ee magaalada Baladweyne oo ay ku jiraan ama jiifaan bukaano ka kooban qeybaha kala duwan ee bulshada ayaa waxaa soo food saartay xaalad adag oo dhinaca oo la xiriirta habsami u socodka howlaha caafimaadka, kadib markii dabayaaqdii sanadkii aynu soo dhaafnay ee 2012 ku dhawaaqday hay'adda MSF Swiss in ay joojisay howlihii caafimaad oo ay ka waday isbitaalka.

5/28/2013 8:46 AM EST
Talaado, May 28, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa maanta xafiiska ku qaabilay wafdi ka socday Qaramada Midoobay oo uu hoggaaminayey danjire Augustine Mahiga oo shaqadiisu ay ku eg-tahay bisha soo socda ee Juun.

5/28/2013 8:42 AM EST
Talaado, May 28, 2013 (HOL) — Xildhibaan Xoosh Jibriil oo kamid ah guddi ka koobnaa 16 xubnood ee ay dowladda Soomaaliya usoo xilsaartay arimaha Jubooyinka ayaa ka warbixiyay kulan ay maanta la qaateen masuuliyiinta maamulka Kismaayo.

5/28/2013 8:09 AM EST
Talaado, May 28, 2013 (HOL) — Ra’iisul wasaaraha Xukuumadda Somalia, Cabdi Faarax Shirdoon (Saacid) oo ay wehliyaan xubno ka tirsan golihiisa wasiirrada, guddoomiyaha gobolka Banaadir ahna duqa Muqdisho, xubno ka tirsan hay’adaha WHO, UNICEF, OCHA iyo mas’uuliyiin la socda waaxda caafimaadka dowladda ayaa ka qayb-galay xaflad lagu daah-furayey tallaalka cudurka halista ah ee dabeysha oo wajigiisii labaad maanta si rasmi ah uu u furmay Muqdisho.

5/28/2013 8:06 AM EST
Talaado, May 28, 2013 (HOL) — Sheekh Xasaan Xuseen oo ka mid ah culumada Soomaaliyeed islamarkaasina ah wadaad siweyn u taageersan xarakada Al-shabaab ee ka dagaalanta Soomaaliya ayaa cajalad maqal ah oo uu soo saaray ku baaqay in la dilo cid walba oo khilaaf ka dhex wada Mujaahidiinta oo uu ula jeedo Xarakada Al-shabaab.

5/28/2013 7:43 AM EST
Talaado, May 28, 2013 (HOL) — Madaxweynaha Soomaaliya, Xasan Sheekh Maxamuud oo maant dib ugu soo laabtay Muqdisho ayaa sheegay in dowladda Soomaaliya ay gogol u fidin doonto dadka ku nool gobollada Jubbooyinka si ay u sameystaan maamul ay iyagu raalli ka yihiin.

5/28/2013 3:40 AM EST
Talaado, May 28, 2013(HOL) :-Waxaa maalintii sedexaad garoonka diyaaradaha magaalada Kismaayo ku xayiran wafdi ka kooban wasiirro iyo saraakiil ciidan oo ay dowladda Soomaaliya usoo dirtay Magaalada Kismaayo ee xarunta gobolka J/hoose.