10/14/2019
Today from Hiiraan Online:  _
Wararka Maanta- Talaado, May 28, 2013
Ra’iisul Wasaaraha Soomaaliya oo maanta si rasmi ah u furay wajigii labaad ee Tallaalka Cudurka Dabeysha (SAWIRRO)



Talaado, May 28, 2013 (HOL) — Ra’iisul wasaaraha Xukuumadda Somalia, Cabdi Faarax Shirdoon (Saacid) oo ay wehliyaan xubno ka tirsan golihiisa wasiirrada, guddoomiyaha gobolka Banaadir ahna duqa Muqdisho, xubno ka tirsan hay’adaha WHO, UNICEF, OCHA iyo mas’uuliyiin la socda waaxda caafimaadka dowladda ayaa ka qayb-galay xaflad lagu daah-furayey tallaalka cudurka halista ah ee dabeysha oo wajigiisii labaad maanta si rasmi ah uu u furmay Muqdisho.

Cudurka dabeysha oo laga ciribtiray Soomaaliya sannadkii 2007 ayaa waxaa horraantii bishan laga soo sheegay afar xaaladood oo cusub magaalooyinka Muqdisho iyo Baydhabo. Waxaana sidoo kale baaritaan lagu sameeyey 400-qof illaa iyo hadda la xaqiijiyay in 30 ka mid ah looga shakisan yahay inay qabaan cudurkan.

Ra’iisul wasaare Saacid sheegay in tallaalkan uu leeyahay muhiimad gooni ah, loogana baahan yahay waaliddiinta inay ku baraarugaan sidii ay uga tallaali lahaayeen caruurtooda cudurkan aan dawada lahayn.

“Waxaa dhawaan Soomaaliya lagu arkay cudurka dabaysha oo sannadii 2007-dii laga dhabar-gooyey dalka, waana cudur si fudud u fidi kara, wuxuu khatar ku yahay dhammaan carruurta Soomaaliyeed, isagoo asiiba carruurta ay da’doodu ka yar tahay shanta sano. Cudurkan wuxuu leeyahay ka hortag talaal, sannad kastana waxaa laga tallaal caruur gaaraysa laba bilyan oo ku nool caalamka oo dhan, taas waxay muujinaysaa khatarta iyo cabsida laga qabo inuu faafo,” ayuu yiri ra’iisul wasaaraha Soomaaliya oo ku dhiirri-galiyey dhammaan qoysaska Soomaaliyeed inay carruurtooda ka tallaalaan cudurkan khatarta ah, ayna geeyaan goobaha tallaalka.

Ra’iisul wasaaraha ayaa sidoo kale sheegay in talaalkan ay hormuud ka tahay dowladda Soomaaliya, gaara haan wasaaraddeeda horumarinta iyo addeega bulshada, iyadoo kaashanaysa hay’adda caafimaadka dunida ee (WHO).

“Maanta waxaa billowday ololaha tallaalka dabaysha oo socon doona muddo lix bilood ah, waxaan codsanaynaa in qaybaha kala duwan ee bulshadu ay ka qayb-qaataan sidii loo cirib-tiri lahaa, waxaana si gaar ah qaybaha kala duwan ee warbaahinta uga codsanayaa inay xogta ololaha tallaalka meel walba gaarsiiyaan si guul looga gaaro ciribtirka dabaysha,” ayuu Saacid ku daray hadalkiisa.

Ugu dambeyn. ra’iisul wasaaraha Soomaaliya ayaa dhibcihii ugu horreeyay ee tallaalka cudurkan afka ugu dhibciyay carruur kasoo qayb gashay xafladda lagu furayay wajiga labaad ee tallaalka dabeysha, wuxuun goobta uga mahadceliyay waaxda caafimaadka ee wasaaradda horumarinta iyo addeega bulshada, hay’adda caafimaadka adduunka (WHO), UNICEF, OCHA, hay’adaha aan dowliga ahayn, dhakhaatiirta iyo shaqaalaha ku hawlan tallaalka carruurta.








Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
5/28/2013 1:24 PM EST
Talaado, May 28, 2013 (HOL) — Shir ay kasoo qaybgaleen wufuud kakala timid caalamka oo isugu jira ganacsato,siyaasiyiin iyo shirakado Soomaali ah iyo ajaanib leedahay ayaa ka furmay magaalada Nairobi ee xarunta dalka Kenya.

5/28/2013 11:31 AM EST
Talaado, May 28, 2013 (HOL) — Waxaa maanta xarigga laga jaray dhisme casri ah oo laga dhisay magaalada Boosaaso ee xarunta gobolka Bari. Dhismahan oo muddo labo sano ah lawadey, waxaa iska leh shirkadda Iftin Group.

5/28/2013 11:26 AM EST
Talaado, May 28, 2013 (HOL) — Jaamacadda SIMAD ayaa maanta kusoo gabagabeysay bandhig loogu magacdaray toddobaadka dhaqanka (Cultural Week) oo Sabtidii ka billowday xarunta jaamacadda ee Muqdisho, halkaasoo lagu soo bandhigay tartamo isugu jiray dhaqan, diini iyo kuwa ciyaareed oo dhammaantood abaal-marinno lagu siiyay dadkii ku guuleystay.

5/28/2013 10:04 AM EST
Talaado, May 28, 2013 (HOL) — Kooxo hubeysan ayaa ku toogtay shan qof oo qoys kasoo jeeda deegaan lagu magacaabo Laba-ceel oo ku yaalla Koonfurta gobolka Mudug, waxaana dadka la dilay ay isugu jireen aabbe, hooyo iyo caruur ay dhaleen.

5/28/2013 9:31 AM EST
Talaado, May 28, 2013 (HOL) — Diyaarad kuwa wax basaasa ah oo yar ayaa kusoo dhacday goor dhow duleedka degmada Buulo-mareer ee gobolka Shabeellada Hoose, halkaasoo ay gacanta ku hayso Al-shabaab.

5/28/2013 9:21 AM EST
Talaado, May 28, 2013 (HOL) — Isbitaalka guud ee magaalada Baladweyne oo ay ku jiraan ama jiifaan bukaano ka kooban qeybaha kala duwan ee bulshada ayaa waxaa soo food saartay xaalad adag oo dhinaca oo la xiriirta habsami u socodka howlaha caafimaadka, kadib markii dabayaaqdii sanadkii aynu soo dhaafnay ee 2012 ku dhawaaqday hay'adda MSF Swiss in ay joojisay howlihii caafimaad oo ay ka waday isbitaalka.

5/28/2013 8:46 AM EST
Talaado, May 28, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa maanta xafiiska ku qaabilay wafdi ka socday Qaramada Midoobay oo uu hoggaaminayey danjire Augustine Mahiga oo shaqadiisu ay ku eg-tahay bisha soo socda ee Juun.

5/28/2013 8:42 AM EST
Talaado, May 28, 2013 (HOL) — Xildhibaan Xoosh Jibriil oo kamid ah guddi ka koobnaa 16 xubnood ee ay dowladda Soomaaliya usoo xilsaartay arimaha Jubooyinka ayaa ka warbixiyay kulan ay maanta la qaateen masuuliyiinta maamulka Kismaayo.

5/28/2013 8:06 AM EST
Talaado, May 28, 2013 (HOL) — Sheekh Xasaan Xuseen oo ka mid ah culumada Soomaaliyeed islamarkaasina ah wadaad siweyn u taageersan xarakada Al-shabaab ee ka dagaalanta Soomaaliya ayaa cajalad maqal ah oo uu soo saaray ku baaqay in la dilo cid walba oo khilaaf ka dhex wada Mujaahidiinta oo uu ula jeedo Xarakada Al-shabaab.

5/28/2013 7:43 AM EST
Talaado, May 28, 2013 (HOL) — Madaxweynaha Soomaaliya, Xasan Sheekh Maxamuud oo maant dib ugu soo laabtay Muqdisho ayaa sheegay in dowladda Soomaaliya ay gogol u fidin doonto dadka ku nool gobollada Jubbooyinka si ay u sameystaan maamul ay iyagu raalli ka yihiin.

5/28/2013 3:40 AM EST
Talaado, May 28, 2013(HOL) :-Waxaa maalintii sedexaad garoonka diyaaradaha magaalada Kismaayo ku xayiran wafdi ka kooban wasiirro iyo saraakiil ciidan oo ay dowladda Soomaaliya usoo dirtay Magaalada Kismaayo ee xarunta gobolka J/hoose.