10/23/2019
Today from Hiiraan Online:  _
Wararka Maanta- Talaado, May 28, 2013
Mas'uuliyiinta Maamulka Gobolka Hiiraan oo Kormeeray Isbitaalka Guud ee Baladweyne iyo Bukaannada Jiifa (SAWIRRO)



Talaado, May 28, 2013 (HOL) — Isbitaalka guud ee magaalada Baladweyne oo ay ku jiraan ama jiifaan bukaano ka kooban qeybaha kala duwan ee bulshada ayaa waxaa soo food saartay xaalad adag oo dhinaca oo la xiriirta habsami u socodka howlaha caafimaadka, kadib markii dabayaaqdii sanadkii aynu soo dhaafnay ee 2012 ku dhawaaqday hay'adda MSF Swiss  in ay joojisay howlihii caafimaad oo ay ka waday isbitaalka.

Mas'uuliyiinta gobolka Hiiraan oo booqday isbitaalka kuna soo wareegay qeybaha uu ka kooban yahay ayaa warbixin la xiriirta xaalada waqtigan ee isbitaalka waxaa ay ka dhageysteen maamulka iyo qaar ka mid ah shaqaallaha oo mas'uuliyiinta uga xog-waramay xaalada adag ee soo food saaray xiligan, madama aysan jirin hay'ad rasmi ah oo gacan ka siisa socod siinta adeegyada kala duwan ee uu bulshada u hayo.

Laakiin maamulka isbitaalka ayaa siweyn ugu mahad celiyay NGO-ga Wardi oo la wareegtay mas'uuliyada qeybta caruurta ee isbitaalka guud ee magaalada Baladweyne, oo ah halka cabashada ugu xoogan ka taagneyd marka la eego xaalada adag ee soo food saartay isbitaalka.

Madaxa NGO-ga maxaliga ah ee Wardi Xusseen Cabdi Isaaq Dhoobow ayaa sheegay in ay si toos ah ula wareegeen qeybta caruurta isbitaalka magaalada Baladweyne iyaga oo gacan ka hellaya hay'adda UNICEF, waxaana uu intaa ku darray in xooga saari doonaa sidii ay u dabooli lahaayeen baahiyaha kala duwan ee ka jira qeybta lagu daweeyo caruurta jilicsan ee isbitalka.

Cabdi Bishaar Aadan guddoomiyaha degmada Baladweyne ayaa sheegay in isbitaalka magaalada Baladweyne yahay isbitaal marxalado kala duwan soo maray, xiliganna uu marayo waqtigii ugu adkaa, isaga oo sheegay in ay ugu baaqayaan cid kasta sidii ay gacan uga geysan laheyd socod siinta howlaha isbitaalka.

Guddoomiyaha maamulka gobollka Hiiraan Cabdi Faarax Lanqayo oo ka mid ahaa mas'uuliyiintii booqatay isbitaalka ayaa uga mahad celiyay NGO-ga Wardi ee la wareegay qeybta caruurta isbitaalka, isaga oo intaa ku darray in ay soo dhaweynayaan cid kasta oo gacan ka geysaneysa sidii ay u sii socon lahaayeen howlaha isbitaalka guud ee Baladweyne.

''Annaga cid kasta oo gacan siineysa isbitaalka waan soo dhaweyneynaa, haddii ay ahaan lahaayeen hay'addaha caalamiga ah iyo kuwa maxaliga ah intaba, muhiimadu waxaa ay tahay oo kaliya in bukaanada halkan jiifa [Isbitaalka] hellaan adeega ay u baahan yihiin,'' ayuu yiri guddoomiyaha gobollka.

Guddoomiyaha sidoo kale waxaa uu balan-qaaday in maamulka gacan ka geysan doono kaalita uga aadan isbitaalka, isaga oo uga mahad celiyay maamulka iyo shaqaalla sida ay ugu taagan yihiin u adeegida bukaanada ku jira isbitaalka.

Mas'uuliyiinta iyo shaqaallaha isbitaalka ayaa markii ay ku dhawaaqday hay'adda MSF Swiss in ay joojisay adeegyadii caafimaad oo ay siin jirtay waxaa ay ballan qaadeen in ay si mudadawacnimo ah ugu adeegi doonaan bulshada iyaga oo ilaa iyo waqtigan u taagan howlaha isbitaalka.


C/raxmaan Diini, Hiiraan Online
[email protected]
Baladweyne, Soomaaliya










Click here
5/28/2013 1:24 PM EST
Talaado, May 28, 2013 (HOL) — Shir ay kasoo qaybgaleen wufuud kakala timid caalamka oo isugu jira ganacsato,siyaasiyiin iyo shirakado Soomaali ah iyo ajaanib leedahay ayaa ka furmay magaalada Nairobi ee xarunta dalka Kenya.

5/28/2013 11:31 AM EST
Talaado, May 28, 2013 (HOL) — Waxaa maanta xarigga laga jaray dhisme casri ah oo laga dhisay magaalada Boosaaso ee xarunta gobolka Bari. Dhismahan oo muddo labo sano ah lawadey, waxaa iska leh shirkadda Iftin Group.

5/28/2013 11:26 AM EST
Talaado, May 28, 2013 (HOL) — Jaamacadda SIMAD ayaa maanta kusoo gabagabeysay bandhig loogu magacdaray toddobaadka dhaqanka (Cultural Week) oo Sabtidii ka billowday xarunta jaamacadda ee Muqdisho, halkaasoo lagu soo bandhigay tartamo isugu jiray dhaqan, diini iyo kuwa ciyaareed oo dhammaantood abaal-marinno lagu siiyay dadkii ku guuleystay.

5/28/2013 10:04 AM EST
Talaado, May 28, 2013 (HOL) — Kooxo hubeysan ayaa ku toogtay shan qof oo qoys kasoo jeeda deegaan lagu magacaabo Laba-ceel oo ku yaalla Koonfurta gobolka Mudug, waxaana dadka la dilay ay isugu jireen aabbe, hooyo iyo caruur ay dhaleen.

5/28/2013 9:31 AM EST
Talaado, May 28, 2013 (HOL) — Diyaarad kuwa wax basaasa ah oo yar ayaa kusoo dhacday goor dhow duleedka degmada Buulo-mareer ee gobolka Shabeellada Hoose, halkaasoo ay gacanta ku hayso Al-shabaab.

5/28/2013 8:46 AM EST
Talaado, May 28, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa maanta xafiiska ku qaabilay wafdi ka socday Qaramada Midoobay oo uu hoggaaminayey danjire Augustine Mahiga oo shaqadiisu ay ku eg-tahay bisha soo socda ee Juun.

5/28/2013 8:42 AM EST
Talaado, May 28, 2013 (HOL) — Xildhibaan Xoosh Jibriil oo kamid ah guddi ka koobnaa 16 xubnood ee ay dowladda Soomaaliya usoo xilsaartay arimaha Jubooyinka ayaa ka warbixiyay kulan ay maanta la qaateen masuuliyiinta maamulka Kismaayo.

5/28/2013 8:09 AM EST
Talaado, May 28, 2013 (HOL) — Ra’iisul wasaaraha Xukuumadda Somalia, Cabdi Faarax Shirdoon (Saacid) oo ay wehliyaan xubno ka tirsan golihiisa wasiirrada, guddoomiyaha gobolka Banaadir ahna duqa Muqdisho, xubno ka tirsan hay’adaha WHO, UNICEF, OCHA iyo mas’uuliyiin la socda waaxda caafimaadka dowladda ayaa ka qayb-galay xaflad lagu daah-furayey tallaalka cudurka halista ah ee dabeysha oo wajigiisii labaad maanta si rasmi ah uu u furmay Muqdisho.

5/28/2013 8:06 AM EST
Talaado, May 28, 2013 (HOL) — Sheekh Xasaan Xuseen oo ka mid ah culumada Soomaaliyeed islamarkaasina ah wadaad siweyn u taageersan xarakada Al-shabaab ee ka dagaalanta Soomaaliya ayaa cajalad maqal ah oo uu soo saaray ku baaqay in la dilo cid walba oo khilaaf ka dhex wada Mujaahidiinta oo uu ula jeedo Xarakada Al-shabaab.

5/28/2013 7:43 AM EST
Talaado, May 28, 2013 (HOL) — Madaxweynaha Soomaaliya, Xasan Sheekh Maxamuud oo maant dib ugu soo laabtay Muqdisho ayaa sheegay in dowladda Soomaaliya ay gogol u fidin doonto dadka ku nool gobollada Jubbooyinka si ay u sameystaan maamul ay iyagu raalli ka yihiin.

5/28/2013 3:40 AM EST
Talaado, May 28, 2013(HOL) :-Waxaa maalintii sedexaad garoonka diyaaradaha magaalada Kismaayo ku xayiran wafdi ka kooban wasiirro iyo saraakiil ciidan oo ay dowladda Soomaaliya usoo dirtay Magaalada Kismaayo ee xarunta gobolka J/hoose.