10/21/2019
Today from Hiiraan Online:  _
Wararka Maanta- Talaado, May 28, 2013
MADAXWEYNE XASAN SHEEKH MAXAMUUD: “Dowladdu Waxay Gogol u Fidin Doontaa Shacabka ku nool Jubbooyinka”



Talaado, May 28, 2013 (HOL) — Madaxweynaha Soomaaliya, Xasan Sheekh Maxamuud oo maant dib ugu soo laabtay Muqdisho ayaa sheegay in dowladda Soomaaliya ay gogol u fidin doonto dadka ku nool gobollada Jubbooyinka si ay u sameystaan maamul ay iyagu raalli ka yihiin.

Xasan Sheekh oo shir jaraa’id ku qabtay garoonka diyaaradaha ayaa xusay in dowladda Soomaaliya aysan diidanayn in maamullo la sameysto, balse ay tahay in maamul walba oo la sameynayo ay dowladdu hormuud u noqoto.

“Dowladda Soomaaliya waxay diyaar u tahay inay gogol u fidiso dadka ku nool gobollada Jubbooyinka si ay u sameystaan maamul ay iyagu leeyihiin oo ay raalli isaga yihiin” ayuu madaxweynuhu ku sheegay shirkiis jaraa’id, isgaoo xusay in dowladdu ay ka hortagayso wax dagaallo ah oo ka dhaca gobolladaas.

Sidoo kale, madaxweyne Xasan Sheekh wuxuu sheegay in dowladdu ay raalli ka tahay wax walba oo ay doonayaan dadka ku nool gobollada Jubbooyinka, isagoo intaas ku daray in dowladdu ay wanaag la doonayso dadka ku nool Jubbooyinka.

“Ma jirto cid dibadda la dhigayo, dadka Jubbooyinka oo dhan ayaa shirka loo qabanayaa. Talada waxaa iska leh dadka deegaannadaas ku nool doorka ay dowladdu qaadanaysana waa mid saacidaad ku siman,” ayuu hadalkiisa ku daray.

Dhanka kale, madaxweynuhu wuxuu sheegay in xalka uu ku jiro Soomaalida dhexeeda loona baahan yahay in khilaaf walba oo jira lagu dhameeyo si ay ku jirto Soomaalinimo, fursadna mar dambena aan fusad la siin Al-shabaab iyo kuwa nabadda kasoo horojeeda.

“Xal Soomaalida dhexdeeda laga waayay cid shisheeye ah ma keeni karto, waana in maanka lagu hayo inuu dhammaaday xilligii kala aamin baxa, is-xag-xagashada iyo in dibadda laga fiiriyo awoodda, wax walbana wuxuu dhexyaallaa Soomaaliya,” ayuu hadalkiisa ku daray.

Ugu dambeyn, madaxweynaha Soomaaliya ayaa sheegay inuu dadka ku nool gobollada Jubbooyinka ku waaninayo in dowladdu ay la jeceshay wanaag iyo deggenaasho. Mana jiraan wax ay dibadda uga keenayso oo ay halkaas geynayso, balse fusadda waxaa iska leh dadka gobolladaas ku nool.

Madaxweynaha Soomaaliya iyo wafdi uu hoggaaminayo oo ay ka mid tahay wasiiradda arrimaha dibadda Fowziyo Yuusuf Xaaji Aadan ayaa kasoo laabtay safar ay ku tageen dalka Itoobiya oo ay kaga qaybgaleen shirkii ururka Midowga Afrika.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/28/2013 1:24 PM EST
Talaado, May 28, 2013 (HOL) — Shir ay kasoo qaybgaleen wufuud kakala timid caalamka oo isugu jira ganacsato,siyaasiyiin iyo shirakado Soomaali ah iyo ajaanib leedahay ayaa ka furmay magaalada Nairobi ee xarunta dalka Kenya.

5/28/2013 11:31 AM EST
Talaado, May 28, 2013 (HOL) — Waxaa maanta xarigga laga jaray dhisme casri ah oo laga dhisay magaalada Boosaaso ee xarunta gobolka Bari. Dhismahan oo muddo labo sano ah lawadey, waxaa iska leh shirkadda Iftin Group.

5/28/2013 11:26 AM EST
Talaado, May 28, 2013 (HOL) — Jaamacadda SIMAD ayaa maanta kusoo gabagabeysay bandhig loogu magacdaray toddobaadka dhaqanka (Cultural Week) oo Sabtidii ka billowday xarunta jaamacadda ee Muqdisho, halkaasoo lagu soo bandhigay tartamo isugu jiray dhaqan, diini iyo kuwa ciyaareed oo dhammaantood abaal-marinno lagu siiyay dadkii ku guuleystay.

5/28/2013 10:04 AM EST
Talaado, May 28, 2013 (HOL) — Kooxo hubeysan ayaa ku toogtay shan qof oo qoys kasoo jeeda deegaan lagu magacaabo Laba-ceel oo ku yaalla Koonfurta gobolka Mudug, waxaana dadka la dilay ay isugu jireen aabbe, hooyo iyo caruur ay dhaleen.

5/28/2013 9:31 AM EST
Talaado, May 28, 2013 (HOL) — Diyaarad kuwa wax basaasa ah oo yar ayaa kusoo dhacday goor dhow duleedka degmada Buulo-mareer ee gobolka Shabeellada Hoose, halkaasoo ay gacanta ku hayso Al-shabaab.

5/28/2013 9:21 AM EST
Talaado, May 28, 2013 (HOL) — Isbitaalka guud ee magaalada Baladweyne oo ay ku jiraan ama jiifaan bukaano ka kooban qeybaha kala duwan ee bulshada ayaa waxaa soo food saartay xaalad adag oo dhinaca oo la xiriirta habsami u socodka howlaha caafimaadka, kadib markii dabayaaqdii sanadkii aynu soo dhaafnay ee 2012 ku dhawaaqday hay'adda MSF Swiss in ay joojisay howlihii caafimaad oo ay ka waday isbitaalka.

5/28/2013 8:46 AM EST
Talaado, May 28, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa maanta xafiiska ku qaabilay wafdi ka socday Qaramada Midoobay oo uu hoggaaminayey danjire Augustine Mahiga oo shaqadiisu ay ku eg-tahay bisha soo socda ee Juun.

5/28/2013 8:42 AM EST
Talaado, May 28, 2013 (HOL) — Xildhibaan Xoosh Jibriil oo kamid ah guddi ka koobnaa 16 xubnood ee ay dowladda Soomaaliya usoo xilsaartay arimaha Jubooyinka ayaa ka warbixiyay kulan ay maanta la qaateen masuuliyiinta maamulka Kismaayo.

5/28/2013 8:09 AM EST
Talaado, May 28, 2013 (HOL) — Ra’iisul wasaaraha Xukuumadda Somalia, Cabdi Faarax Shirdoon (Saacid) oo ay wehliyaan xubno ka tirsan golihiisa wasiirrada, guddoomiyaha gobolka Banaadir ahna duqa Muqdisho, xubno ka tirsan hay’adaha WHO, UNICEF, OCHA iyo mas’uuliyiin la socda waaxda caafimaadka dowladda ayaa ka qayb-galay xaflad lagu daah-furayey tallaalka cudurka halista ah ee dabeysha oo wajigiisii labaad maanta si rasmi ah uu u furmay Muqdisho.

5/28/2013 8:06 AM EST
Talaado, May 28, 2013 (HOL) — Sheekh Xasaan Xuseen oo ka mid ah culumada Soomaaliyeed islamarkaasina ah wadaad siweyn u taageersan xarakada Al-shabaab ee ka dagaalanta Soomaaliya ayaa cajalad maqal ah oo uu soo saaray ku baaqay in la dilo cid walba oo khilaaf ka dhex wada Mujaahidiinta oo uu ula jeedo Xarakada Al-shabaab.

5/28/2013 3:40 AM EST
Talaado, May 28, 2013(HOL) :-Waxaa maalintii sedexaad garoonka diyaaradaha magaalada Kismaayo ku xayiran wafdi ka kooban wasiirro iyo saraakiil ciidan oo ay dowladda Soomaaliya usoo dirtay Magaalada Kismaayo ee xarunta gobolka J/hoose.