11/11/2019
Today from Hiiraan Online:  _
Wararka Maanta- Talaado, Jun 18, 2013
Xukuumadda Somaliland oo sheegtay inay heshiisyeen Ururka XAQSOOR oo horay u qaadacay Doorshooyinkii Deegaanka



Talaado, Juun 18, 2013 (HOL) — Xukuumadda Somaliland iyo ururkii doorashadda ku hadhay ee XAQ-SOOR oo hore u qaadacay doorashadii golaha deegaanka ayaa heshiis af garad wada gaadhay, isla markaana sheegay inay ka heshiiyeen in dhinac looga soo wadda jeesto wixii danta guud ah.

Kulan ay xalay yeesheen madaxweynaha iyo gudoomiyaha ururkii XAQ-SOOR  Xasan Ciise Jaamac ooh ore u shaaciyey in aanu ku qanacsanayn doorashadii dalka ka dhacday, ayaa si wada jir ah u sheegay inay heshiish wada gaadheen xukuumadda iyo ururka XAQ-SOOR, waxaanay sheegeen in wadda hadal muddo saddex bilood ah u socday  labadda dhinac isku af garteen in wixii dhacay iyo waxay tabanayeenba la isla fahmay.

Wasiirka Maaliyadda Somaliland C/casiis Maxamed Samaale oo u hadlayey xukuumadda iyo gudoomiye ku xigeenka ururka XAQ-SOOR Cali Sandule ayaa warbaahinta u sheegay inay labadda dhinac ka heshiiyeen wixii ay isku hayeen, islamarkaana sidii danta guud ee qaranka  dhan looga soo wadda jeedsan lahaa.

“Sharaf weyn ayay noo tahay inaanu muddo dheer soo wadnay hawl culus oo dhanka xukuumadda iyo dhanka ururkii XAQ-SOOR noo igmadeen annagoo ahayn guddi lix xubnood ka kooban oo min sadex xubnood ah. Hawshaasi xalay  ayaanu soo gabo-gabeynay oo meel wanaagsan ayaanu soo gaadhsiinay. Waxaanay noogu dhammaatay si is-afgarad”ayuu yidhi Wasiirka Maaliyadda Md. C/Casiis Maxamed Sammaale oo ka hadlayey is fahankii dhexmaray iyaga iyo xururka xaqsoor.

“Madaxtooyadda waxaanu iskugu keenay Madaxweynihii Jamhuuriyadda Somaliland Mudane Axmed Maxamed Maxamuud (Siilaanyo) iyo Guddoomiyihii Urur siyaasadeedkii XAQ-SOOR Md.Xasan Ciise Jaamac, waxa lagama maarmaan noqotay inaanu saxaafadda u sheegno inaanu labadayadaasi dhinac heshiinay oo is af-garanay. Waxaanu isku afgaranay xukuumadda qodobo muhiim ah oo mabdi’yan ah,”Ayuu yidhi gudoomiye ku xigeenka ururka XAQ-SOOR Mudane Cali Sandulle.

Si kastaba ha ahaatee, Illaa hadda ma sheegin qodobada la isku afgartay ama lagu heshiiyey, haseyeeshee waxay si guud u xuseen inay wada hadalkii mudada socday isku qanciyeen waxyaalihii jiray, isla markaana si wanaagsan ugu wada shaqayn doonaan danta qaranka.

Ururka XAQ-SOOR ayaa hore u sheegay in aanu ku qancin doorashadii golaha deegaanka ee bishii November, 2012 dalka ka qabsoontay, waxaanay mudaharaadyo ay dalka ka sameeyeen kaga dhintay dhawr qof, halka tiro badana ku dhaawacmay, haseyeeshee waa markii ugu horeeyey ee tan iyo sidii doorashadu u dhacday ay madaxweynaha iyo gudoomiyaha ururkaasi kulan iskugu yimaadaan.

Barkhad-ladiif M. Cumar, Hiiraan online
[email protected]
Hargeysa, Somaliland










Click here
6/18/2013 11:49 AM EST
Talaado, Juun 18, 2013 (HOL) — Wasaaradda Duulista Hawada Somaliland ayaa maanta markii ugu horreysay u diiday inay madaarka Hargeysa fadhiisato diyaarad ogolaanshiyo kasoo qaadatay dawladda Soomaaliya, isla markaana sheegtay in aanay hawadeedda u soo mari karin diyaarad aan Somaliland fasax ka haysan.

6/18/2013 11:48 AM EST
Talaado, Juun 18, 2013 (HOL) — Jaamacadda Hargeysa, kuuliyaddeeda nabadda iyo khilaafaadka ayaa maanta soo gabagabeeysay shir laba cisho u socday dalalka Somaliland, Soomaaliya, koonfurta Suudan iyo Suudaan, kaas oo lagaga hadlayey dawlad dhisida iyo sida nabadda loo dhaliyo.

6/18/2013 7:36 AM EST
Talaado, Juun 18, 2013 (HOL) — Xukuumadda Soomaaliya ayaa maanta ka furtay magaalada Muqdisho shir heer Qaran ah oo looga arrinsanayo dib-u-habaynta waxbarashada Soomaaliya, shirkaan ayaa lagu wadaa inuu socdo mudo saddex maalmood ah. Waxaana qabanqaabadiisa iska kaashaday wasaaradda horumarinta iyo adeegga bulshada, hay’adaha UNESCO iyo UNICEF.

6/18/2013 7:27 AM EST
Talaado, Juun 18, 2013 (HOL) — Dowladda Kenya ayaa qorsheynaysay inay isticmaasho diyaaradaha aan duuliyaha lahayn si ay uga hortagto weerarada Al-shabaab kusoo qaadayso deegaanno ka tirsan dalkeeda, gaar ahaan kuwa ku dhow xuduudaha ay la wadaagto Soomaaliya.

6/18/2013 7:21 AM EST
Talaado, Juun 18, 2013 (HOL) — Kulan looga hadlayay ammaanka iyo waxbarashada ayaa maanta ka dhacay degmada Kaaraan ee gobolka Banaadir, kaasoo ay ka qayb-galeen mas'uuliyiin maamulka gobolka ka tirsan, waana kulankii ugu horreeyay noociisa oo ka dhaca degmadaas.

6/18/2013 5:52 AM EST
Talaado, Juun 18, 2013 (HOL) — Guddoomiye ku xigeenkii maamulkii KMG ahaa ee magaalada Kismaayo, Yaasiin Nuur Gaas (Raadaar) ayaa goor-dhow lagu dhaawacay gudaha magaalada Kismaayo, kaddib markii kooxo hubeysan ay rasaas ku fureen gaadiid uu watay.

6/18/2013 4:50 AM EST
Talaado, Juun 18, 2013 (HOL) — Qarax xooggan ayaa xaafadda V-afmadow ee magaalada Kismaayo lagula eegtay gaadiid ay wateen ciidamo ka tirsan kuwa Kenya ee qeybta ah howlgalka AMISOM ee ku sugan magaalada Kismaayo.

6/18/2013 2:31 AM EST
Talaado, Juun 18, 2013 (HOL) — Dab khasaare hantiyeed geystay ayaa xalay ka kacay suuq ku yaalla degmada Gaarisa ee gobolka Waqooyi bari ee dalka Kenya, iyadoo la sheegay in dabkaas uu ka dhashay koronto qaraxday.

6/18/2013 2:28 AM EST
Talaado, Juun 18, 2013 (HOL) — Ciidamada dowladda Soomaaliya iyo kuwa AMISOM ayaa la wareegay shalay deegaanno ka tirsan gobolka Shabeellada hoose ee koonfurta Soomaaliya, kuwaasoo ay muddo sanooyin ah gacanta ku haysay Al-shabaab.