11/14/2019
Today from Hiiraan Online:  _
Wararka Maanta- Talaado, Jun 18, 2013
Ciidamada Dowladda Somalia iyo kuwa AMISOM oo la Wareegay Deegaanno ka tirsan Gobolka Shabeellada Hoose


Talaado, Juun 18, 2013 (HOL) — Ciidamada dowladda Soomaaliya iyo kuwa AMISOM ayaa la wareegay shalay deegaanno ka tirsan gobolka Shabeellada hoose ee koonfurta Soomaaliya, kuwaasoo ay muddo sanooyin ah gacanta ku haysay Al-shabaab.

Deegaannada ay ciidamada dowladdu la wareegeen oo afar deegaan oo hoos-taga degmooyinka Qoryooley iyo Aw-dheegle ayaa waxaa ka mid ah Furuqley oo isku xirta degmooyinka Qoryooley, Wanlaweyn iyo Afgooye oo kawada tirsan gobolka Shabeellada Hoose.

Goobjoogayaal ku sugan deegaannada ay ciidamada dowladda iyo AMISOM la wareegeen ayaa sheegay inaysan jirin wax iska-horimaadyo ah oo dhacay ayna ciidamada dowladda iyo kuwa wehlinayay si nabadgalyo ah ku galeen deegaannadooda.

Saraakiil u hadlay ciidamada dowladda Soomaliya ayaa sheegay inay tani hordhac u tahay tallaabooyin ay kula wareegayaan deegaannada gobolkaas ay kaga sugan tahay Al-shabaab.

Degmada Qoryooley oo ka mid ah degmooyinka ugu waaweyn gobolka ayaa waxaa weli gacanta ku haysay Al-shabaab, inkastoo ciidamada dowladda iyo kuwa wehlinaya ay ku siqayeen bilihii lasoo dhaafay.

Al-shabaab ayaa iyadu weli ka hadlin ka bixitaanka deegaannada ka tirsan gobolka Shabeellada hoose ee ay la wareegeen ciidamada dowladda iyo kuwa AMISOM ee caawinaya, balse Al-shabaab ayaa horay uga baxday deegaanno badan oo Koonfurta iyo bartamaha Soomaaliya ku yaalla.

Tallaabadan ayaa waxay kusoo beegmaysaa xilli ciidamada dowladda iyo kuwa AMISOM ee ku sugan gobolka Hiiraan ay la wareegeen deegaanno galbeedka kaga began degmada Baladweyne ee xarunta gobolkaas.

Ciidamada Midowga Afrika ayaa waxay labadii sano ee lasoo dhaafay dagaal xooggan kula jireen Al-shabaab, iyagoo ka saaray deegaanno badan oo ay ka mid tahay magaalada Muqdisho.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/18/2013 11:49 AM EST
Talaado, Juun 18, 2013 (HOL) — Wasaaradda Duulista Hawada Somaliland ayaa maanta markii ugu horreysay u diiday inay madaarka Hargeysa fadhiisato diyaarad ogolaanshiyo kasoo qaadatay dawladda Soomaaliya, isla markaana sheegtay in aanay hawadeedda u soo mari karin diyaarad aan Somaliland fasax ka haysan.

6/18/2013 11:48 AM EST
Talaado, Juun 18, 2013 (HOL) — Jaamacadda Hargeysa, kuuliyaddeeda nabadda iyo khilaafaadka ayaa maanta soo gabagabeeysay shir laba cisho u socday dalalka Somaliland, Soomaaliya, koonfurta Suudan iyo Suudaan, kaas oo lagaga hadlayey dawlad dhisida iyo sida nabadda loo dhaliyo.

6/18/2013 8:16 AM EST
Talaado, Juun 18, 2013 (HOL) — Xukuumadda Somaliland iyo ururkii doorashadda ku hadhay ee XAQSOOR oo hore u qaadacay doorashadii golaha deegaanka ayaa heshiis af garad wada gaadhay, isla markaana sheegay inay ka heshiiyeen in dhinac looga soo wadda jeesto wixii danta guud ah.

6/18/2013 7:36 AM EST
Talaado, Juun 18, 2013 (HOL) — Xukuumadda Soomaaliya ayaa maanta ka furtay magaalada Muqdisho shir heer Qaran ah oo looga arrinsanayo dib-u-habaynta waxbarashada Soomaaliya, shirkaan ayaa lagu wadaa inuu socdo mudo saddex maalmood ah. Waxaana qabanqaabadiisa iska kaashaday wasaaradda horumarinta iyo adeegga bulshada, hay’adaha UNESCO iyo UNICEF.

6/18/2013 7:27 AM EST
Talaado, Juun 18, 2013 (HOL) — Dowladda Kenya ayaa qorsheynaysay inay isticmaasho diyaaradaha aan duuliyaha lahayn si ay uga hortagto weerarada Al-shabaab kusoo qaadayso deegaanno ka tirsan dalkeeda, gaar ahaan kuwa ku dhow xuduudaha ay la wadaagto Soomaaliya.

6/18/2013 7:21 AM EST
Talaado, Juun 18, 2013 (HOL) — Kulan looga hadlayay ammaanka iyo waxbarashada ayaa maanta ka dhacay degmada Kaaraan ee gobolka Banaadir, kaasoo ay ka qayb-galeen mas'uuliyiin maamulka gobolka ka tirsan, waana kulankii ugu horreeyay noociisa oo ka dhaca degmadaas.

6/18/2013 5:52 AM EST
Talaado, Juun 18, 2013 (HOL) — Guddoomiye ku xigeenkii maamulkii KMG ahaa ee magaalada Kismaayo, Yaasiin Nuur Gaas (Raadaar) ayaa goor-dhow lagu dhaawacay gudaha magaalada Kismaayo, kaddib markii kooxo hubeysan ay rasaas ku fureen gaadiid uu watay.

6/18/2013 4:50 AM EST
Talaado, Juun 18, 2013 (HOL) — Qarax xooggan ayaa xaafadda V-afmadow ee magaalada Kismaayo lagula eegtay gaadiid ay wateen ciidamo ka tirsan kuwa Kenya ee qeybta ah howlgalka AMISOM ee ku sugan magaalada Kismaayo.

6/18/2013 2:31 AM EST
Talaado, Juun 18, 2013 (HOL) — Dab khasaare hantiyeed geystay ayaa xalay ka kacay suuq ku yaalla degmada Gaarisa ee gobolka Waqooyi bari ee dalka Kenya, iyadoo la sheegay in dabkaas uu ka dhashay koronto qaraxday.