3/29/2024
Today from Hiiraan Online:  _
Wararka Maanta- Axad, Dec 8 , 2013
Musharrax Cali Cabdi Awaare oo si Weyn loogu soo Dhaweeyay Magaalada Boosaaso ee Xarunta ee Gobolka Bari (SAWIRRO)

Axad, December 08, 2013 (HOL) — Magaalada Boosaaso ee xarunta gobolka Bari, waxaa maanta si weyn loogu soo dhoweeyey Cali Cabdi Awaare oo ah musharrax u taagan xilka madaxweynenimo ee Puntland.

Dadweyne boqollaal gaaraya oo isugu jira siyaasiyiin, aqoonyahan, isimmo, haween iyo dhalinyaro, ayaa mushrrax Awaare kusoo dhoweeyey garoonka diyaaradaha ee magaalada Boosaaso.

Musharraxa oo dadkii soo dhoweeyey kula hadlay garoonka kubadda cagta - oo gurigiisa u dhow- ayaa ugu horreyn uga mahadceliyey sida fiican ee ay usoo dhoweeyeen iyo weliba dareenka farxadda leh ee ay u muujiyeen.

Mar uu ka hadlayey rajada uu ka qabo in loo doorto madaxweynaha Puntland, wuxuu sheegay in uu rajo fiican qabo, maadaama uu isagu yahay –sida uu sheegay- musharraxa keliya ee dalka muddo dheer ku sugnaa, xog ogaalna uu u yahay xaaladda guud ee Puntland iyo weliba dhammaan deegaanada ay ka kooban tahay.

“Inshaa Allaah waan guuleysan doonnaa doorashada bisha January…xaq baynu u leenahay inaynu guuleysanno,  inta dalka joogta oo dadkooda dhibka iyo dheefta la qaybsatay ayaa xaq u leh…” Awaare oo la hadlayey boqollaal taageerayaashiisa kamid ah ayaa sidaas yiri.

Sida ay uga go’an tahay inuu Puntland wax ugu qabto isagoo sharraxaya, waxaa Musharrax Awaare ereyadiisii kamid ahaa “Anigu muwaadin Puntland kasoo shaqeeyey oo jecel horumarkeeda baan ahay, haddii aan wax waayo iyo haddii kale marna kama tegi doono…doorashadii hore inti ila tartantay C/raxmaan Faroole ayaa ka jooga, waan hubaa isna haddii uu wax waayo inuu Australia aadi lahaa…”

HALKAN KA DAAWO SAWIRRO BADAN:

Ugu dambayntii wuxuu tacsi u diray dadkii ay waxyeelladu kasoo gaartey roobabkii duufaanta watey ee ka da'ay qaar kmid ah gobollada Puntland, dagaalladii gobolka Sool iyo qaraxii is-miidaaminta ahaa ee shantii bishan Boosaaso ka dhacay.

Sidoo kale wuxuu ka tacsiyeeyey geerida Beeldaaje Axmed Beeldaaje
Maxamed oo kamid ahaa isimmada sida weyn looga tix geliyo Puntland iyo weliba Xildhibaan Maxamed Warsame Maxamed (Faysal) oo labadooduba Jimcihii lasoo dhaafay ku kala geeriyoodey magaalooyinka Muqdisho iyo Qardho.

Cali Cabdi Awaare oo horay xilal kala duwan uga soo qabtay maamulka Puntland, kana qayb galay doorashadii dhacday sanadkii 2009 ee lagu soo doortay Madaxweyne C/raxmaan Maxamed Faroole , waa musharraxii siddeedaad ee magaalada Boosaaso soo gaara.

Gobolka Bari oo ah gobolka ugu weyn Puntland uguna dadka badan, islamarkaana uu ka jiro ganacsiga ugu ballaaran Puntland, waxaa baarlamaanka kasoo gala 21 xildhibaan. Musharraxiinta ka qayb geli doona doorashada madaxtinimada ee dhici doonta 8-da bisha January ee sanadka soo socda ee 2014, ayaa loollan xooggan ugu jira sidii ay u kasban lahaayeen kalsoonida iyo taageerada xildhibaannada gobolka.

Maxamed Salaad Xaaji Dirir, Hiiraan Online
[email protected]
Puntland, Soomaaliya












Click here
12/8/2013 2:34 PM EST
Axad, December 08, 2013 (HOL) — Iyadoo madaxweynaha Soomaaliya, Xasan Sheekh oo billaabay wadatashiyo ku saabsan ra’iisul wasaaraha cusub ee soo magacaabayo ayaa waxay xidhibaanno iyo xubno bulshada rayidka ah ka tirsan oo la kulmay ay sheegeen inay siiyeen talooyin ku aaddan sifooyinka laga doonayo inuu yeesho ra’iisul wasaaraha cusub ee uu soo magacaabayo.

12/8/2013 1:54 PM EST
Axad, December 08, 2013 (HOL) —Wasiirka maaliyadda Soomaaliya, Maxamuud Xasan Suleymaan iyo wafdi uu hoggaaminayo ayaa maanta Muqdisho dib ugu soo laabtay, kaddib shirar caalami ah oo arrimaha Soomaaliya looga hadlay oo uu uga soo qaybgalay dalalka Biljamka iyo Faransiiska.

12/8/2013 1:04 PM EST
Axad, December 08, 2013 (HOL) — Waxaa maanta magaalada Jig-jiga ee Is-maamulka Soomaalida Itoobiya lagu soo gaba-gabeeyay xuskii sideedaad ee maalinta qowmiyadaha dalka Itoobiya oo ku beegnayd 29-ka bisha Hiidhaar ee sannadka 2006-da taariikhda Itoobiya, taasoo ahayd mid si heer qaran ah loosoo agaasimay, ayna kasoo qaybgaleen wufuud heer caalami ah.

12/8/2013 12:42 PM EST
Axad, December 08, 2013 (HOL) — Allaha u naxariistee waxaa magaalada Gaalkacyo ee gobolka Mudug maanta ku geeriyooday wariye Cali Maxamed Cali (Suldaan) oo ka mid ahaa wariyaasha waqtiga dheer kusooo jiray warbaahinta Soomaalida.

12/8/2013 11:39 AM EST
Axad, December 08, 2013 (HOL) — Kulan qado ahaa oo maanta magaalada Muqdisho ay ku yeesheen imaamka, ugaaska, duubab-dhaqameedyo, nabad-doonno, siyaasiyiinta iyo haweenka beesha Mudullood ayaa laga soo saaray war-murtiyeed, kaddib kulan ay muddo labaatan maalmood ah beesha uga socday Muqdisho.

12/8/2013 11:15 AM EST
Axad, December 08, 2013 (HOL) — Dadweynaha magaalada Hargeysa ayaa maanta ay ku dhacday Jaad la’aan ka dib markii dawladda Itoobiya xiray Xadkii u dhexeeyey Somaliland iyo Itoobiya munaasibadda maalinta qoomiyadaha Itoobiya Awgeed.

12/8/2013 10:16 AM EST
Axad, December 08, 2013 (HOL) — Guddoomiyaha baarlamaanka Soomaaliya, Maxamed Sheekh Cusmaan Jawaari xildhibaannada baarlamaanka maanta ku boorriyay inay gudo-galaan sameynta nidaamka axsaabta siyaasadeed ee dalka, taasoo uu sheegay inay qayb ka tahay tiirarka lagama maarmaanka u dalka.

12/8/2013 10:15 AM EST
Axad, December 08, 2013 (HOL) — Iyadoo dhawr maalmood oo qura laga joogo xilligii uu Madaxweynaha Puntland soo magacaabay Guddiga Xallinta Khilaafaadka iyo Ansixinta Xildhibaanada Baarlamaanka -guddigaas oo inta badan musharraxiinta u tartamaya madaxtinimada Puntland ay qaadaceen- ayaa waxaa maanta guddi kale oo kaas lamid ah ku dhawaaqay qaar kamid ah musharraxiinta, gaar ahaan kuwa magaalada Boosaaso ku sugan.

12/8/2013 9:51 AM EST
Axad, December 08, 2013 (HOL) — Mid ka mid ah askarta ciidamada Jabuuti ee qaybta ka ah howglalka Midowga Afrika ee AMISOM oo ku sugan magaalada Beledweyne ayaa u geeriyooday qarax ka dhashay soo saarista ama burburinta walxaha qarxa oo ay ka mid tahay miinada dhulka lagu aaso.

12/8/2013 6:49 AM EST
Axad, December 08, 2013 (HOL) — Duqa magaalada Hargeysa, C/raxmaan Maxamuud Caydiid (Soltelco), ayaa ka warbixiyey bishan December ee sanadkan waxyaalaha u qorshaysan inay qabtaan ee ka ay ka mid yihiin qurxinta iyo hagaajinta Bilicda magaaladda Hargeysa.

12/8/2013 6:33 AM EST
Axad, December 08, 2013 (HOL) — Magaalada Baydhabo ayaa waxaa lagu dilay mid ka mid ah ilaalada taliyaha nabad-sugidda degmada Buur-haka ee gobolka Bay, Col. Cali Garruun, sidoo kale waxaa xalay magaalada ka dhacay iska-horimaad xooggan.

12/8/2013 6:03 AM EST
Axad, December 08, 2013 (HOL) — Mashruuc lugu horumarinayo deegmooyin ka tirsan Puntland ayaa la sheegay in sannadka soo socda ay ku bixi doonto lacag dhan 12-Milyan oo doollar.

12/8/2013 5:54 AM EST
Axad, December 08, 2013 (HOL) — Waxaa hoolka shirarka ee Jaamacadda University of Minnesota ee magaaladda Minneapolis ka dhacday xalay xaflad casho sharaf aheyd oo ay soo qaban qaabiyeen Meertada Aqooneed ee Keydinta Suugaanta iyo Naadiga Hal-abuurka Soomaaliyeed ee Somali Speaking Pen, taas oo lagu nooleynayay Suugaanta iyo Afka, isla markaana lagu sharfayay Macaallin Siciid Saalax.

12/8/2013 5:41 AM EST
Axad, December 08, 2013 (HOL) — Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed iyo xubno odayaal ah ayaa kawada hadlay maanta sidii lagu sii dayn lahaa Sh. Xasan Daahir Aweys oo muddo shan bilood ah u xiran dowalda Soomaaliya.

12/8/2013 1:17 AM EST
Axad, December 08, 2013 (HOL) — Xaflad casho sharaf ah oo ay ka qayb-galeen in ka badan 5,000 oo qof oo ka mid ah wufuudda ka qayb-galaya xuska maalinta qowmiyadaha Itoobiya ee maanta ka furmaya magaalada Jigjiga ee xarunta ismaamulka Soomaalida Itoobiya ayaa xalay lagu qabtay magaaladaas.

12/8/2013 1:10 AM EST
Axad, December 08, 2013 (HOL) — Madaxweynaha Somaliland, Axmed Maxamed Maxamuud Siilaanyo, ayaa shalay gaadhay magaaladda Jigjiga ee dawlad deegaanka Soomaalidda Itoobiya oo ay ka socoto dabaaldega maalinta qoomiyadaha Itoobiya.