3/29/2024
Today from Hiiraan Online:  _
Wararka Maanta- Axad, Dec 8 , 2013
Wasiirka Arrimaha Gudaha Soomaaliya iyo Odayaal Kawada Hadlay sidii loo sii dayn lahaa Sheekh Xasan Daahir Aweys

Axad, December 08, 2013 (HOL) — Wasiirka arrimaha gudaha iyo ammaanka Qaranka dowladda Soomaaliya, C/kariin Xuseen Guuleed iyo xubno odayaal ah ayaa kawada hadlay maanta sidii lagu sii dayn lahaa Sh. Xasan Daahir Aweys oo muddo shan bilood ah u xiran dowalda Soomaaliya.

Inkastoo aan si dhab ah loo ogeyn waxyaabihii kulanka looga hadlay ayaa haddana odayaal ka qaybgalay kulanka waxay sheegeen in hal toddobaad kaddib ay mar kale kulamayaan iyaga iyo wasiirka arrimaha gudaha.

“Kulanku wuxuu ahaa mid looga hadlayay sidii lagu sii dayn Sheekh Xasan Daahir Aweys oo dowladda Soomaaliya u xiran,” ayuu yir mid ka mid ah odayaashii kulanka la qaatay wasiirka arrimaha gudaha.

Sidoo kale, oday dhaqameedkan ayaa sheegay in kulanku uu ahaa mid si wanaagsan la isugu af-gartay lana ballamay toddobaad kaddib, inkastoo uu sheegay inay rajeynayaan in Sheekh Xasan Daahir lasii daayo iyo in kale.

Ma jiro hadal kasoo baxay dhinaca wasiirka arrimaha gudaha oo ku saabsan shirka uu maanta la yeeshay odayaasha, kaasoo looga hadlay sidii dowladdu ay kusii dayn lahayd Sheekh Xasan Daahir Aweys.

Sheekh Xasan Daahir Aweys oo kasoo goostay Xarakada Al-shabaab bishii Juun ee sannadkan ayaa odayaal iyo xildhibaanno dowladda ka tirsan waxay kasoo dajiyeen Sheekh Xasan Daahir garoonka diyaaradaha Muqdisho 29-kii Juun ee bishan, markaasoo ay dowladdu xabsiga u taxaabtay isaga iyo qaar ka mid ah taageerayaashiisa oo la socday.

Dowladda Soomaaliya ayaa sheegtay inay baaritaanno ku sameynayso Sh. Xasan Daahir, markaas kaddibna go’aan laga gaari doono, iyadoo aysan jirin wax hadal ah oo Sheekh Xasan uu warbaahinta siiyay tan iyo markii la xiray.

Isku-dayo badan oo lagu doonayay in lagu sii daayo Sheekh Xasan Daahir ayaa fashilmay; iyadoo aan la ogeyn waxa kasoo bixi doona wadahadalkan cusub ee u billowday wasiirka arrimaha gudaha iyo odayaasha doonaya in lasii daayo Sheekh Xasan Daahir Aweys.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/8/2013 2:34 PM EST
Axad, December 08, 2013 (HOL) — Iyadoo madaxweynaha Soomaaliya, Xasan Sheekh oo billaabay wadatashiyo ku saabsan ra’iisul wasaaraha cusub ee soo magacaabayo ayaa waxay xidhibaanno iyo xubno bulshada rayidka ah ka tirsan oo la kulmay ay sheegeen inay siiyeen talooyin ku aaddan sifooyinka laga doonayo inuu yeesho ra’iisul wasaaraha cusub ee uu soo magacaabayo.

12/8/2013 1:54 PM EST
Axad, December 08, 2013 (HOL) —Wasiirka maaliyadda Soomaaliya, Maxamuud Xasan Suleymaan iyo wafdi uu hoggaaminayo ayaa maanta Muqdisho dib ugu soo laabtay, kaddib shirar caalami ah oo arrimaha Soomaaliya looga hadlay oo uu uga soo qaybgalay dalalka Biljamka iyo Faransiiska.

12/8/2013 1:04 PM EST
Axad, December 08, 2013 (HOL) — Waxaa maanta magaalada Jig-jiga ee Is-maamulka Soomaalida Itoobiya lagu soo gaba-gabeeyay xuskii sideedaad ee maalinta qowmiyadaha dalka Itoobiya oo ku beegnayd 29-ka bisha Hiidhaar ee sannadka 2006-da taariikhda Itoobiya, taasoo ahayd mid si heer qaran ah loosoo agaasimay, ayna kasoo qaybgaleen wufuud heer caalami ah.

12/8/2013 12:42 PM EST
Axad, December 08, 2013 (HOL) — Allaha u naxariistee waxaa magaalada Gaalkacyo ee gobolka Mudug maanta ku geeriyooday wariye Cali Maxamed Cali (Suldaan) oo ka mid ahaa wariyaasha waqtiga dheer kusooo jiray warbaahinta Soomaalida.

12/8/2013 11:39 AM EST
Axad, December 08, 2013 (HOL) — Kulan qado ahaa oo maanta magaalada Muqdisho ay ku yeesheen imaamka, ugaaska, duubab-dhaqameedyo, nabad-doonno, siyaasiyiinta iyo haweenka beesha Mudullood ayaa laga soo saaray war-murtiyeed, kaddib kulan ay muddo labaatan maalmood ah beesha uga socday Muqdisho.

12/8/2013 11:15 AM EST
Axad, December 08, 2013 (HOL) — Dadweynaha magaalada Hargeysa ayaa maanta ay ku dhacday Jaad la’aan ka dib markii dawladda Itoobiya xiray Xadkii u dhexeeyey Somaliland iyo Itoobiya munaasibadda maalinta qoomiyadaha Itoobiya Awgeed.

12/8/2013 11:11 AM EST
Axad, December 08, 2013 (HOL) — Magaalada Boosaaso ee xarunta gobolka Bari, waxaa maanta si weyn loogu soo dhoweeyey Cali Cabdi Awaare oo ah musharrax u taagan xilka madaxweynenimo ee Puntland.

12/8/2013 10:16 AM EST
Axad, December 08, 2013 (HOL) — Guddoomiyaha baarlamaanka Soomaaliya, Maxamed Sheekh Cusmaan Jawaari xildhibaannada baarlamaanka maanta ku boorriyay inay gudo-galaan sameynta nidaamka axsaabta siyaasadeed ee dalka, taasoo uu sheegay inay qayb ka tahay tiirarka lagama maarmaanka u dalka.

12/8/2013 10:15 AM EST
Axad, December 08, 2013 (HOL) — Iyadoo dhawr maalmood oo qura laga joogo xilligii uu Madaxweynaha Puntland soo magacaabay Guddiga Xallinta Khilaafaadka iyo Ansixinta Xildhibaanada Baarlamaanka -guddigaas oo inta badan musharraxiinta u tartamaya madaxtinimada Puntland ay qaadaceen- ayaa waxaa maanta guddi kale oo kaas lamid ah ku dhawaaqay qaar kamid ah musharraxiinta, gaar ahaan kuwa magaalada Boosaaso ku sugan.

12/8/2013 9:51 AM EST
Axad, December 08, 2013 (HOL) — Mid ka mid ah askarta ciidamada Jabuuti ee qaybta ka ah howglalka Midowga Afrika ee AMISOM oo ku sugan magaalada Beledweyne ayaa u geeriyooday qarax ka dhashay soo saarista ama burburinta walxaha qarxa oo ay ka mid tahay miinada dhulka lagu aaso.

12/8/2013 6:49 AM EST
Axad, December 08, 2013 (HOL) — Duqa magaalada Hargeysa, C/raxmaan Maxamuud Caydiid (Soltelco), ayaa ka warbixiyey bishan December ee sanadkan waxyaalaha u qorshaysan inay qabtaan ee ka ay ka mid yihiin qurxinta iyo hagaajinta Bilicda magaaladda Hargeysa.

12/8/2013 6:33 AM EST
Axad, December 08, 2013 (HOL) — Magaalada Baydhabo ayaa waxaa lagu dilay mid ka mid ah ilaalada taliyaha nabad-sugidda degmada Buur-haka ee gobolka Bay, Col. Cali Garruun, sidoo kale waxaa xalay magaalada ka dhacay iska-horimaad xooggan.

12/8/2013 6:03 AM EST
Axad, December 08, 2013 (HOL) — Mashruuc lugu horumarinayo deegmooyin ka tirsan Puntland ayaa la sheegay in sannadka soo socda ay ku bixi doonto lacag dhan 12-Milyan oo doollar.

12/8/2013 5:54 AM EST
Axad, December 08, 2013 (HOL) — Waxaa hoolka shirarka ee Jaamacadda University of Minnesota ee magaaladda Minneapolis ka dhacday xalay xaflad casho sharaf aheyd oo ay soo qaban qaabiyeen Meertada Aqooneed ee Keydinta Suugaanta iyo Naadiga Hal-abuurka Soomaaliyeed ee Somali Speaking Pen, taas oo lagu nooleynayay Suugaanta iyo Afka, isla markaana lagu sharfayay Macaallin Siciid Saalax.

12/8/2013 1:17 AM EST
Axad, December 08, 2013 (HOL) — Xaflad casho sharaf ah oo ay ka qayb-galeen in ka badan 5,000 oo qof oo ka mid ah wufuudda ka qayb-galaya xuska maalinta qowmiyadaha Itoobiya ee maanta ka furmaya magaalada Jigjiga ee xarunta ismaamulka Soomaalida Itoobiya ayaa xalay lagu qabtay magaaladaas.

12/8/2013 1:10 AM EST
Axad, December 08, 2013 (HOL) — Madaxweynaha Somaliland, Axmed Maxamed Maxamuud Siilaanyo, ayaa shalay gaadhay magaaladda Jigjiga ee dawlad deegaanka Soomaalidda Itoobiya oo ay ka socoto dabaaldega maalinta qoomiyadaha Itoobiya.