9/21/2018
Today from Hiiraan Online:  _
Wararka Maanta- Arbaco, May 23, 2012
Ciidamada Ammaanka Degmada C/casiis oo soo qabtay Rag watay Khamri Baakado ku jira (SAWIRRO)



Arbaco, May 23, 2012(HOL): Hadal ka soo baxay maamulka Gobolka Banaadir ayaa lagu sheegay in howlgal ay sameeyeen Ciidamada Nabadgelyada Degmada C/casiis lagu soo qabqabtay rag watay Khamri kartoomo ku jira oo ka kooban 24 kartoon.

Afhayeenka Maamulka Gobolka Banaadir Maxamed Yuusuf Cusmaan ayaa saxaafadda u sheegay in khamrigaas uu ahaa mid dalka dibaddiisa laga keenay, wuxuuna caddeeyay in ay tahay markii ugu horreysay oo khamri noocaas ah iyo dadkii watay la isku soo qabto.

“Sida idiin muuqata waxaan gacanta ku soo dhignay KHAMRI 24-Kartoon ah, Raggii watay iyo gaadiidki ay ku wadeen, waxaana kula wareejineynaa hortiina hay’adaha Amniga sida Booliiska oo baaritaano ku sameyn doona” ayuu yiri Afhayeenka maamulka gobolka Banaadir.

Sidoo kale waxa goobtaasi ka hadlay guddoomiyaha degmada CabdiCasiis Cabdullaahi Xuseen Xasan oo isna ka dhawaajiyay iney wadi doonaan howl gallada ay ku xaqiijinayaan amniga degmada isagoo ka codsaday Booliiska in ay caddaalada horkeenaan ragga lagu soo qabtay Khamriga.


Soo qabqabashada raggan khamriga baakadeysan watay ayaa waxay qabashadooda ku soo beegmeysaa iyadoo ammaanka Muqdisho uu soo hagaagayay isla markaana ay caasimadda dalka dib ugu laabanayeen dad badan oo ka tegay Qurbaha, kuwaasi oo isugu jira kuwo dalxiis iyo damaashaad u socda, kuwo reerahooda oo ay mar hore ugu dambeysay soo eegaya iyo kuwo dan uga jirto in ay ganacsi iyo waxyaabo la mid ah ay ka soo sameystaan Muqdisho.



Salaad Iidow Xasan (Xiis), Hiiraan Online
[email protected]







Click here
5/23/2012 11:07 AM EST
Tagitaankayga caasimada Soomaaliya markii iigu horreysay ee noloshayda, waxay ahayd mid dareen gaar ah igu abuurtay.

5/23/2012 10:17 AM EST
Arbaco, May, 23, 2012 (HOL) –Mas’uuliyiinta maamulka gobollka Hiiraan oo uu horkacayay guddoomiyaha maamulka gobollka C/fitaax Xassan Afrax ayaa maanta ku soo dhaweeyay magaalada Beledweyne wafdi ka socday hay’adda USAID iyo hay’addo kale oo isku dhaf ah kuwaasoo ka soo degay garoonka diyaaradaha magaalada Beledweyne.

5/23/2012 10:16 AM EST
Arbaco, May 23, 2012 (HOL)-Ugaaskii ugu horeeyey beelaha degga waqooyiga Magaaladda Hargeysa yeeshaan ayaa maanta lagu caleemo saaray magaaladda Hargeysa, gaar ahaan hotel Maansoor.

5/23/2012 9:28 AM EST
Arbaco, May 23, 2012(HOL): Ku-Simaha Ra’iisul Wasaaraha Soomaaliya ahna Wasiirka ganacsigga Cabdiwahaab Ugaas Xuseen Ugaas Khaliif oo maanta booqday Wasaaradda Waxbarashada ee Xukuumadda Soomaaliya iyo dugsiga H/dhexe iyo Sare ee Xamar Jajab halkaasoo ay wax ka bartaan 590 arday oo warbarasho lacag la’aan ah helay.

5/23/2012 6:43 AM EST
Arbaco, May 23, 2012 (HOL) — Qaxootiga ku jira xerooyinka ku yaal degmada Dhadhaab ee gobolka waqooyi bari Kenya ayaa ka cabanaya dhibaatooyin ba’an oo ay kala kulmaan kooxo burcad ah oo dhac u geysta shacabka iyo ganacsatada ku nool qaar katirsan xerooyinka ku yaal Dhadhaab.

5/23/2012 6:40 AM EST
Arbaco, May 23, 2012 (HOL) — Kulan ay ka qayb-galeen odayaasha-dhaqanka Soomaliyeed loogana hadlayay muuqaalka uu yeelanayo aayaha ummadda Soomaaliyeed iyo wadada loo marayo sidii lagaga gudbi lahaa xilliga KMG ah ayaa lagu qabtay Hotelka Ambassador ee magaalada Muqdisho.

5/23/2012 6:24 AM EST
Arbaco, May 23, 2012 (HOL) — Deegaanka Ceelasha biyaha ee duleedka Muqdisho ayaa waxaa maanta lagu soo bandhigay askari ka mid ah ciidamada AMISOM oo la sheegay in lagu dilay dagaalkii shalay, iyadoo sidoo kale deegaankaas ay dadkii ku noolaa ka barakacayaan.

5/23/2012 6:20 AM EST
Arbaco, May 23, 2012 (HOL) — Qoysaskii dhawaan kasoo barakacay dagaallo iyo duqeymo isbiirsaday oo xoogagga Al-shabaab iyo ciidamada huwanta ah u dhexmarayay deegaanka Hoosingoow ayaa haatan bilaabay in ay dib ugu noqdaan guryahooda.

5/23/2012 3:42 AM EST
Arbaco, May 23, 2012 (HOL) — War-saxaafadeed ay wasaaradda warfaafinta DKMG ah ee Soomalaiya soo saartay ayaa lagu sheegay in warbaahinta Soomaalida qaar ka mid ah baaritaanno lagu sameynayo kuwasaoo ay sheegeen inay faafiyeen warar lagu aflagaadeynayo madaxda DKMG ah, laguna abuurayo jahwareer ku saabsan nabadda iyo heshiiska Roadmap-ka.

5/23/2012 3:21 AM EST
Arbaco, May 23, 2012 (HOL) — Ciidamada dowladda KMG Soomaaliya iyo AMISOM ayaa waxay shalay gaareen dhul ku yaalla duleedka Muqdisho, kaddib dagaal culus oo ay la galeen xoogagga Al-shabaab oo gacanta ku haya deegaannada ku yaalla duleedyada Muqdisho.

5/23/2012 3:08 AM EST
Arbaco, May 23, 2012 (HOL) — Taliska AMISOM iyo Xarakada Al-shabaab ayaa ka sheegtay guulo dagaallo culus oo shalay ku dhexmaray duleedka Muqdisho, iyadoo ay xalaadda goobihii lagu dagaalamay maanta yihiin kuwo nabdoon.

5/23/2012 2:46 AM EST
Arbaco, May 23, 2012 (HOL) — Shirka madaxda Soomaalida uga socda magaalada Addis Ababa ee xarunta dalka Itoobiya ayaa weli isku mari dhowr qodob oo ka mid ah dastuurka, iyadoo sidoo kalena uu jiro muran ku saabsan qaabka loo xulayo ergooyinka ansixinta dastuurka iyo kuwa soo xulaya baarlamaanka cusub.