11/17/2018
Today from Hiiraan Online:  _
Wararka Maanta- Arbaco, May 23, 2012
Wafdi ka socda hay’adda USAID oo maanta gaaray magaalada Beledweyne



Arbaco, May, 23, 2012 (HOL) –Mas’uuliyiinta maamulka gobollka Hiiraan oo uu horkacayay guddoomiyaha maamulka gobollka C/fitaax Xassan Afrax ayaa maanta ku soo dhaweeyay magaalada Beledweyne wafdi ka socday hay’adda USAID iyo hay’addo kale oo isku dhaf ah kuwaasoo ka soo degay garoonka diyaaradaha magaalada Beledweyne.

Xubnaha maamulka gobollka Hiiraan wafdiga maanta tagay magaalada ayaa kulan ay wada qaateen waxaa ay kaga wada hadlleen arrimo la xiriira ujeedada socdaalka xubnaha ka socda hay’addaha isku dhafka ah.

Guddoomiyaha maamulka gobollka Hiiraan C/fitaax Xassan Afrax oo ugu horeyn ka hadllay kulanka ayaa uga mahad celiyay xubnaha wafdiga socdaalka ay ku gaareen magaalada Beledweyne, isaga oo sheegay in maamulkiisa gacan ka siin doono hay’addaha sidii ay u fashan lahaayeen howlaha la xiriira hormarinta iyo samafalka.


“Annaga mar walba waan soo dhaweyneynaa cid ka kasta oo gacan naga siineysa howlaha la xiriira hormarinta, dib u dhiska, iyo samafalka, waxaana diyaar u nahay ka maamul ahaan in aynu doorkeena qaadano una fududeyno hay’addaha sidii ay howlahooda u qabsan lahaayeen,’’ ayuu yiri,’’ guddoomiyaha maamulka gobollka Hiiraan.

Aadan Xaaji Yuusuf oo ku hadllayay magaca hay’adda USAID oo isagana kulanka ka hadllay ayaa sheegay in ay wadaan mashruuc loogu magacaabo TIS, kaasoo ay doonayaan in ay ka fuliyaan qeybo ka mid ah gobollka, waxaana uu sheegay in hadda uu qorshahooda ugu horeeya yahay ilaa sadax degmo oo ka tirsan gobollka Hiiraan.

‘’Waxaan rabaan in aan kulamo la qaadano qeybaha bulshada gobollka, si aan u ogaano baahidooda la xiriirta howlaha hormarinta iyo waliba dib u dhiska, anaga hadda waxaa uu qorshaheenu yahay in aan mashruucan ka fulino ilaa sadax degmo oo ka tirsan gobollka, guud ahaan gobollkana waan ka howlgali doonaa,’’ ayuu yiri,’’ mas’uulka u hadllay hay’adda USAID.


Marka laga soo tago hay’adda USAID waxaa sidoo kale ka mid ahaa xubanaha maanta gaaray magaalada Beledweyne mas’uuliyiin ka kala soctay hay’adda Maareynta Masiibooyinka iyo waliba hay’adda kale oo ka shaqeysan Xalinta khilaafaadka, kuwaasoo iyaguna sheegay in ay ku faraxsan yihiin booqshadooda magaalada Beledweyne.

Wafdiga maanta tagay magaalada Beledweyne ayaa qeyb ka ah wafuud is daba joog ah oo bilihii ugu danbeeyayba gaarayay magaalada, kuwaasoo u badnaa xubno ka socday hay’addaha samafalka.




C/raxmaan Diini, Hiiraan Online
[email protected]
Beledweyne, Soomaaliya.







Click here
5/23/2012 1:43 PM EST
Arbaco, May 23, 2012(HOL): Hadal ka soo baxay maamulka Gobolka Banaadir ayaa lagu sheegay in howlgal ay sameeyeen Ciidamada Nabadgelyada Degmada C/casiis lagu soo qabqabtay rag watay Khamri kartoomo ku jira oo ka kooban 24 kartoon.

5/23/2012 11:07 AM EST
Tagitaankayga caasimada Soomaaliya markii iigu horreysay ee noloshayda, waxay ahayd mid dareen gaar ah igu abuurtay.

5/23/2012 10:16 AM EST
Arbaco, May 23, 2012 (HOL)-Ugaaskii ugu horeeyey beelaha degga waqooyiga Magaaladda Hargeysa yeeshaan ayaa maanta lagu caleemo saaray magaaladda Hargeysa, gaar ahaan hotel Maansoor.

5/23/2012 9:28 AM EST
Arbaco, May 23, 2012(HOL): Ku-Simaha Ra’iisul Wasaaraha Soomaaliya ahna Wasiirka ganacsigga Cabdiwahaab Ugaas Xuseen Ugaas Khaliif oo maanta booqday Wasaaradda Waxbarashada ee Xukuumadda Soomaaliya iyo dugsiga H/dhexe iyo Sare ee Xamar Jajab halkaasoo ay wax ka bartaan 590 arday oo warbarasho lacag la’aan ah helay.

5/23/2012 6:43 AM EST
Arbaco, May 23, 2012 (HOL) — Qaxootiga ku jira xerooyinka ku yaal degmada Dhadhaab ee gobolka waqooyi bari Kenya ayaa ka cabanaya dhibaatooyin ba’an oo ay kala kulmaan kooxo burcad ah oo dhac u geysta shacabka iyo ganacsatada ku nool qaar katirsan xerooyinka ku yaal Dhadhaab.

5/23/2012 6:40 AM EST
Arbaco, May 23, 2012 (HOL) — Kulan ay ka qayb-galeen odayaasha-dhaqanka Soomaliyeed loogana hadlayay muuqaalka uu yeelanayo aayaha ummadda Soomaaliyeed iyo wadada loo marayo sidii lagaga gudbi lahaa xilliga KMG ah ayaa lagu qabtay Hotelka Ambassador ee magaalada Muqdisho.

5/23/2012 6:24 AM EST
Arbaco, May 23, 2012 (HOL) — Deegaanka Ceelasha biyaha ee duleedka Muqdisho ayaa waxaa maanta lagu soo bandhigay askari ka mid ah ciidamada AMISOM oo la sheegay in lagu dilay dagaalkii shalay, iyadoo sidoo kale deegaankaas ay dadkii ku noolaa ka barakacayaan.

5/23/2012 6:20 AM EST
Arbaco, May 23, 2012 (HOL) — Qoysaskii dhawaan kasoo barakacay dagaallo iyo duqeymo isbiirsaday oo xoogagga Al-shabaab iyo ciidamada huwanta ah u dhexmarayay deegaanka Hoosingoow ayaa haatan bilaabay in ay dib ugu noqdaan guryahooda.

5/23/2012 3:42 AM EST
Arbaco, May 23, 2012 (HOL) — War-saxaafadeed ay wasaaradda warfaafinta DKMG ah ee Soomalaiya soo saartay ayaa lagu sheegay in warbaahinta Soomaalida qaar ka mid ah baaritaanno lagu sameynayo kuwasaoo ay sheegeen inay faafiyeen warar lagu aflagaadeynayo madaxda DKMG ah, laguna abuurayo jahwareer ku saabsan nabadda iyo heshiiska Roadmap-ka.

5/23/2012 3:21 AM EST
Arbaco, May 23, 2012 (HOL) — Ciidamada dowladda KMG Soomaaliya iyo AMISOM ayaa waxay shalay gaareen dhul ku yaalla duleedka Muqdisho, kaddib dagaal culus oo ay la galeen xoogagga Al-shabaab oo gacanta ku haya deegaannada ku yaalla duleedyada Muqdisho.

5/23/2012 3:08 AM EST
Arbaco, May 23, 2012 (HOL) — Taliska AMISOM iyo Xarakada Al-shabaab ayaa ka sheegtay guulo dagaallo culus oo shalay ku dhexmaray duleedka Muqdisho, iyadoo ay xalaadda goobihii lagu dagaalamay maanta yihiin kuwo nabdoon.

5/23/2012 2:46 AM EST
Arbaco, May 23, 2012 (HOL) — Shirka madaxda Soomaalida uga socda magaalada Addis Ababa ee xarunta dalka Itoobiya ayaa weli isku mari dhowr qodob oo ka mid ah dastuurka, iyadoo sidoo kalena uu jiro muran ku saabsan qaabka loo xulayo ergooyinka ansixinta dastuurka iyo kuwa soo xulaya baarlamaanka cusub.