11/21/2018
Today from Hiiraan Online:  _
Wararka Maanta- Talaado, May 22, 2012
Dowladda Soomaaliya oo Ururada Bulshada Rayidka ka dalbaday inay kala shaqeyaan Meel-marinta Roadmap-ka


Talaado, May 22, 2012 (HOL) — Wasiirka ganacsiga xukuumadda Soomaaliya ahna ku simaha ra'iisul wasaaraha, C/wahaab Ugaas Xuseen oo maanta Muqdisho kulan kula yeeshay ururrada bulshada rayidka ah ayaa ka dalbaday inay xukuumadda ka gacan-siiyaan meel marinta Roadmap-ka, ansixinta dastuurka iyo amniga oo lasoo celiyo.

Wasiirku wuxuu sheegay in dastuurka cusub ee Soomaaliya uu la mid yahay ama ka wanaagsan yahay dastuurkii 1960-kii, isla markaana shacabka Soomaaliyeed loo soo bandhigi doono toddobaadyada soo socdo si tuhunada la gelinayo ay u arkaan inay yihiin kuwo waxba kama jiraan ah.

Sidoo kale, wasiirku wuxuu sheegay in ururada bulshada ah ay yihiin laf-dhabarkii ummadda loogana baahan yahay inay gacan siiyaan xukuumadda sidi horumar looga gaari lahaa meel marinta qodobbada horyaalla dowladda.

"Waqti adag ayaa lagu jiraa; waqtigaan adagna ma ahan mid dowladda kaliya xil ka saaran yahay wax ka qabashada dalka, balse urarrada bulshada rayidka waa kuwii garbo u noqon lahaa sidii looga bixi lahaa waqtigaa adag ayna dowladdu diyaar u tahay in talo iyo tusaale ay ka qaadato ururada bulshada," ayuu yiri wasiirka.

Dhinaca kale, wasiirku wuxuu tilmaamay in dowladda ay ku adag tahay soo celinta amaanka dalka, balse indhihii dowladda ay yihiin shacabka haddii aysan sheegin cid walba oo dhibaato wadda aysan dowladdu waxba arki karin. Isagoo sheegay in looga baahan yahay bulshada rayidka inay si wanaagsan ula shaqeeyaan DKMG ah si loogu guuleysto sugidda ammaanka.

"Waad xasuusataa markii aan imaanaynay bishii July, 2011 waxaa Muqdisho gacnta ku hayay nimankii dhibka badnaa oo ummadda dhibaatada ku hayay Al-Shabaab, maantana Ilaahay mahaddii Muqdisho iyo gobalada dalka qaarkood waa laga saaray, waxayna ku timid doorka ay qaateen ururrada bulshada rayidka," ayuu wasiirku u sheegay xubnihii uu la kulmay.

Ugu dambeyn, wasiirku wuxuu u sheegay in ururrada bulshada rayidka in Roadmap-ka looga bixi doono KMG-nimada, isla markaana ay odoyaasha-dhaqanka u joogaan Muqdisho sidii KMG-nimada looga bixi lahaa taasina waxay ku timid buu yiri isku-tashi, kalsooni iyo dhabar adayg.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/22/2012 10:56 AM EST
Xaaji Maxamed Yaasiin oo ah musharaxa u taagan madaxtinimadda Soomaaliya ayaa eedeyn u jeediyay saxiixayaasha Road map-ka sheegayna iney fushanayaan dano gaar ah.

5/22/2012 8:50 AM EST
Talaado, May 22, 2012 (HOL) — Maxkamadeynta lix dhallinyaro Soomaaliyeed ah oo ku eedeysan afduubka dooni kuwa raaxada ah oo ay la socdeen 30 shaqaaalaha doonida ah ayaa ka furantay maanta magaalada Paris ee xarunta dalka Faransiiska.

5/22/2012 7:10 AM EST
Talaado, May 22, 2012 (HOL) — Dowladda KMG Soomaaliya iyo AMISOM ayaa guulo ka sheegtay dagaallo saakay aroortii hore ka qarxay degmada Dayniile, kuwaasoo u dhexeeyay ciidamada dowladda KMG iyo kuwa AMISOM oo dhinac ah iyo xoogagga Al-shabaab.

5/22/2012 3:58 AM EST
Talaado, May 22, 2012 (HOL) — Maxkamada sare ee Somaliland ayaa guddo gashay dhageysiga dacwada u dhaxaysa Guddoomiyaha iyo guddoomiye ku xigeenka xisbiga Mucaaradka ah ee UDUB oo uu dhawaan Guddoomiye ku xigeenka xisbigaasi Maxkamada u gudbiyey eeddo ka dhan ah gudoomiyaha xisbigoodda.

5/22/2012 3:57 AM EST
Talaado, May 22, 2012 (HOL) — Xarakada Al-shabaab ayaa bayaan ay soo saartay ku manuucday in laga ganacsado raashinka hay'adda ay dalka keento hay'adda WFP oo qaramada Midoobay u qaabilsan dhinaca cunnada.

5/22/2012 3:33 AM EST
Talaado, May 22, 2012 (HOL) — Ra'iisul wasaaraha Itoobiya, Meles Zenawi ayaa sheegay in ciidamadiisa jooga Soomaaliya ay qorsheyanayaan sidii ay dhul kale uga qabsan lahaayeen Xarakada Al-shabaab ee ku sugan gobollada dhexe ee kuwa Koonfureed ee Soomaaliya.

5/22/2012 3:19 AM EST
Talaado, May 22, 2012 (HOL) — Dadweynaha Somaliland ayaa siyaabo kala duwan u arkay hadalkii ka soo yeedhay Ergayga Qaramadda midoobay u qaabilsan arrimaha Somalia Danjire Mahiga, kaas oo naqdiyey xukunkii maxkamadda Milatariga Somaliland ku xukuntay koox dabley ahayd oo weerartay Xero Ciidan, halkaasi oo toddoba qof ku dhinteen, tiro intaas ka badana ku dhaawacmay.

5/22/2012 3:15 AM EST
Talaado, May 22, 2012 (HOL) — Dagaallo culus oo u dhexeeya ciidamada DKMG ah oo garabsanaya kuwa AMISOM iyo xoogaga Xarakada Al-shabaab ayaa saakay ka qarxay degmada Dayniile, iyadoo dhinacadu ay isku adeegsanayeen hubka culus iyo midka fudud.