9/21/2018
Today from Hiiraan Online:  _
Wararka Maanta- Talaado, May 22, 2012
Ra'iisul Wasaaraha Itoobiya oo sheegay in Ciidamadiisu ay qorsheyanayaan sidii ay ku qabsan lahaayeen Kismaayo


Talaado, May 22, 2012 (HOL) — Ra'iisul wasaaraha Itoobiya, Meles Zenawi ayaa sheegay in ciidamadiisa jooga Soomaaliya ay qorsheyanayaan sidii ay dhul kale uga qabsan lahaayeen Xarakada Al-shabaab ee ku sugan gobollada dhexe ee kuwa Koonfureed ee Soomaaliya.

Meles Zenawi ayaa sheegay in ciidamadiisa ay isku diyaarinayaan sidii Al-shabaab ay uga qabsan lahaayeen magaalada dekedda leh ee Kismaayo, halkaasoo ah goob ay awood badan ku leedahay Al-shabaab.

"Waxaan go'aannsannay inaan xoojinno dagaalka aan kula jirno Al-shabaab," ayuu yiri ra'iisul wasaaraha Itoobiya oo intaas ku daray inay haystaan khibrad weyn oo ay kula dagaalami karaan Al-shabaab.

Ra'iisul wasaaraha Itoobiya ayaa sheegay in Kismaayo ay tahay magaalada kale ee ay door-bidayaan inay Al-shabaab ka qabsadaan, taasoo 500-km koonfur kaga beegan magaalada Muqdisho.

"Ciidamadeennu waxay sida ugu dhaqsiyaha badan ku qabsan doonaan magaalada Koonfurta Soomaaliya ku taalla ee Kismaayo oo Al-shabaab ay awood badan ku leedahay," ayuu yiri ra'iisul wasaaraha Itoobiya.

Bishii lasoo dhaafay ayay ahayd markii ra'iisul wasaaraha Itoobiya uu sheegay inuu sida ugu dhaqsiyaha badan ugala bixi doono ciidamadiisa dalka Soomaaliya, balse lama oga waxa iska bedelay fikirkiisii hore.

Ciidamada Itoobiya oo dhammaadkii sannadkii hore soo galay Soomaaliya ayaa waxay Al-shabaab kala wareegeen dhowr degmo oo muhiim ahaa kuwaasoo ay ka mid yihiin: Baladweyne, Xudur, Baydhabo iyo Ceelbuur oo ku yaalla Koonfurta iyo bartamaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/22/2012 10:56 AM EST
Xaaji Maxamed Yaasiin oo ah musharaxa u taagan madaxtinimadda Soomaaliya ayaa eedeyn u jeediyay saxiixayaasha Road map-ka sheegayna iney fushanayaan dano gaar ah.

5/22/2012 9:10 AM EST
Talaado, May 22, 2012 (HOL) — Wasiirka ganacsiga xukuumadda Soomaaliya ahna ku simaha ra'iisul wasaaraha, C/wahaab Ugaas Xuseen oo maanta Muqdisho kulan kula yeeshay ururrada bulshada rayidka ah ayaa ka dalbaday inay xukuumadda ka gacan-siiyaan meel marinta Roadmap-ka, ansixinta dastuurka iyo amniga oo lasoo celiyo.

5/22/2012 8:50 AM EST
Talaado, May 22, 2012 (HOL) — Maxkamadeynta lix dhallinyaro Soomaaliyeed ah oo ku eedeysan afduubka dooni kuwa raaxada ah oo ay la socdeen 30 shaqaaalaha doonida ah ayaa ka furantay maanta magaalada Paris ee xarunta dalka Faransiiska.

5/22/2012 7:10 AM EST
Talaado, May 22, 2012 (HOL) — Dowladda KMG Soomaaliya iyo AMISOM ayaa guulo ka sheegtay dagaallo saakay aroortii hore ka qarxay degmada Dayniile, kuwaasoo u dhexeeyay ciidamada dowladda KMG iyo kuwa AMISOM oo dhinac ah iyo xoogagga Al-shabaab.

5/22/2012 3:58 AM EST
Talaado, May 22, 2012 (HOL) — Maxkamada sare ee Somaliland ayaa guddo gashay dhageysiga dacwada u dhaxaysa Guddoomiyaha iyo guddoomiye ku xigeenka xisbiga Mucaaradka ah ee UDUB oo uu dhawaan Guddoomiye ku xigeenka xisbigaasi Maxkamada u gudbiyey eeddo ka dhan ah gudoomiyaha xisbigoodda.

5/22/2012 3:57 AM EST
Talaado, May 22, 2012 (HOL) — Xarakada Al-shabaab ayaa bayaan ay soo saartay ku manuucday in laga ganacsado raashinka hay'adda ay dalka keento hay'adda WFP oo qaramada Midoobay u qaabilsan dhinaca cunnada.

5/22/2012 3:19 AM EST
Talaado, May 22, 2012 (HOL) — Dadweynaha Somaliland ayaa siyaabo kala duwan u arkay hadalkii ka soo yeedhay Ergayga Qaramadda midoobay u qaabilsan arrimaha Somalia Danjire Mahiga, kaas oo naqdiyey xukunkii maxkamadda Milatariga Somaliland ku xukuntay koox dabley ahayd oo weerartay Xero Ciidan, halkaasi oo toddoba qof ku dhinteen, tiro intaas ka badana ku dhaawacmay.

5/22/2012 3:15 AM EST
Talaado, May 22, 2012 (HOL) — Dagaallo culus oo u dhexeeya ciidamada DKMG ah oo garabsanaya kuwa AMISOM iyo xoogaga Xarakada Al-shabaab ayaa saakay ka qarxay degmada Dayniile, iyadoo dhinacadu ay isku adeegsanayeen hubka culus iyo midka fudud.