3/28/2024
Today from Hiiraan Online:  _
Wararka Maanta- Talaado, May 22, 2012
Maxkamadeynta Dhallinyaro Soomaali ah oo loo haysto Afduubka Dooni kuwa Raaxda ah oo ka billaabatay Faransiiska

Talaado, May 22, 2012 (HOL) — Maxkamadeynta lix dhallinyaro Soomaaliyeed ah oo ku eedeysan afduubka dooni kuwa raaxada ah oo ay la socdeen 30 shaqaaalaha doonida ah ayaa ka furantay maanta magaalada Paris ee xarunta dalka Faransiiska.

Doonida raaxada ah ee la afduubay oo lagu magacaabo Le Ponant ayaa waxaa la afduubay sannadkii 2008 iyadoo ka timid jasiiradda Seychelles waxayna ku socotay dalka Yemen oo ay ka qaadi lahayd dalxiisayaal.

Mid ka mid ah dhallinyaradan ayaa qirtay inuu afduubay doonida, halka laba kalena ay sheegeen inay doonida u tageen sidii ay uga iibsan lahaayeen ari, sigaar iyo qaad ay iyagu ganacsi ahaan u wateen, halka saddexda kalena ay diideen inay doonida cag saareen.

Lixdan ruux oo rag ah ayaa waxay da'oodu u dhexeysaa 25-sano illaa 50-sano, hadii lagu helo dambiga loo haystana waxay mudan doonaan xabsi daa'in, waxaana la sheegay in kooxahan la siiyay madaxfurasho lacageed, balse markii ay doonida ka dageen ay soo qabteen ciidammo Faransiis ah.

Ciidamada Faransiiska ayaa waxay weerareen kooxdan oo wata gaari noociisu yahay Toyoto, iyadoo laga helay gaariga lacag gaaraysa 200,000 oo dollar iyo hub kala duwan.

Qaar ka mid ah shaqaalihii doonida la socday ayaa ku marqaati kacay in raggaas ay ahaayeen kuwii afduubka ku haystay, balse qareenka u doodaya dhalinyaradan oo lagu magacaabo Martin Pradel ayaa sheegay in raggan ay ahaayeen kuwo safar ku jiray markii la qabanayay.

Raggan ayaa la filayaa in xukun lagu rido bartamaha bisha Juun ee sanadkan haddii lagu helo dambiga loo haysto. Iyadoo la sheegay in tirada Soomaalida ah ee loo haysto burcadbadeednimada oo ku xiran Faransiiska ay gaarayaan 22-ruux.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/22/2012 10:56 AM EST
Xaaji Maxamed Yaasiin oo ah musharaxa u taagan madaxtinimadda Soomaaliya ayaa eedeyn u jeediyay saxiixayaasha Road map-ka sheegayna iney fushanayaan dano gaar ah.

5/22/2012 9:10 AM EST
Talaado, May 22, 2012 (HOL) — Wasiirka ganacsiga xukuumadda Soomaaliya ahna ku simaha ra'iisul wasaaraha, C/wahaab Ugaas Xuseen oo maanta Muqdisho kulan kula yeeshay ururrada bulshada rayidka ah ayaa ka dalbaday inay xukuumadda ka gacan-siiyaan meel marinta Roadmap-ka, ansixinta dastuurka iyo amniga oo lasoo celiyo.

5/22/2012 7:10 AM EST
Talaado, May 22, 2012 (HOL) — Dowladda KMG Soomaaliya iyo AMISOM ayaa guulo ka sheegtay dagaallo saakay aroortii hore ka qarxay degmada Dayniile, kuwaasoo u dhexeeyay ciidamada dowladda KMG iyo kuwa AMISOM oo dhinac ah iyo xoogagga Al-shabaab.

5/22/2012 3:58 AM EST
Talaado, May 22, 2012 (HOL) — Maxkamada sare ee Somaliland ayaa guddo gashay dhageysiga dacwada u dhaxaysa Guddoomiyaha iyo guddoomiye ku xigeenka xisbiga Mucaaradka ah ee UDUB oo uu dhawaan Guddoomiye ku xigeenka xisbigaasi Maxkamada u gudbiyey eeddo ka dhan ah gudoomiyaha xisbigoodda.

5/22/2012 3:57 AM EST
Talaado, May 22, 2012 (HOL) — Xarakada Al-shabaab ayaa bayaan ay soo saartay ku manuucday in laga ganacsado raashinka hay'adda ay dalka keento hay'adda WFP oo qaramada Midoobay u qaabilsan dhinaca cunnada.

5/22/2012 3:33 AM EST
Talaado, May 22, 2012 (HOL) — Ra'iisul wasaaraha Itoobiya, Meles Zenawi ayaa sheegay in ciidamadiisa jooga Soomaaliya ay qorsheyanayaan sidii ay dhul kale uga qabsan lahaayeen Xarakada Al-shabaab ee ku sugan gobollada dhexe ee kuwa Koonfureed ee Soomaaliya.

5/22/2012 3:19 AM EST
Talaado, May 22, 2012 (HOL) — Dadweynaha Somaliland ayaa siyaabo kala duwan u arkay hadalkii ka soo yeedhay Ergayga Qaramadda midoobay u qaabilsan arrimaha Somalia Danjire Mahiga, kaas oo naqdiyey xukunkii maxkamadda Milatariga Somaliland ku xukuntay koox dabley ahayd oo weerartay Xero Ciidan, halkaasi oo toddoba qof ku dhinteen, tiro intaas ka badana ku dhaawacmay.

5/22/2012 3:15 AM EST
Talaado, May 22, 2012 (HOL) — Dagaallo culus oo u dhexeeya ciidamada DKMG ah oo garabsanaya kuwa AMISOM iyo xoogaga Xarakada Al-shabaab ayaa saakay ka qarxay degmada Dayniile, iyadoo dhinacadu ay isku adeegsanayeen hubka culus iyo midka fudud.