9/24/2018
Today from Hiiraan Online:  _
Wararka Maanta- Isniin, May 21, 2012
Wasiirka Arrimaha Dibedda Somaliland oo ka Jawaabay hadalkii Danjire Mahiga uu ku Naqdiyay Xukunkii Maxkamadeed


Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

Wasiirka Arrimaha Dibadda ayaa sheegay in falkaasi ciidanka lagu weeraray uu yahay mid abaabulan oo askar ciidanka ka tirsan lagu dilay, caalamkuna ogaadaan culayska uu dambigaasi uu leeyahay, maadaama oo dambigaasi saamayn ku yeelan karo amniga qaranka iyo gobolkaba, isla markaana waxa u tilmaamay inuu garsoorka Somaliland ka madax banaan yahay xukuumadda.

Sidoo kale, wasiirka Arrimaha dibadda Omar waxa uu sheegay in aanay xukunkaasi waxba u dhimayn aqoonsiga somaliland, caalamkuna ogyahay culayska ay arrintani ku leedahay shacabka Somaliland, waxaanu sidaas ka sheegay waraysi ay idaacadda BBC-du la yeelatay isagoo jooga Washington ee dalka Maraykan.

"Falkani wuxuu ahaa fal dambiyeed oo dad ka falkan galay soo abaabuleen lagana soo shaqeeyey waxaana fal-dambiyeedkaasi naftoodda ku waayey askar ka mid ah ciidanka qalabka sida iyo dad kale oo reer somaliland ah, qaynuuniyan sharcigu waxa uu sheegayaa haddii fal-dambiyeed abaabulan oo ciidanka weerar ku ah lagu soo qaado goob milatari waxa loo cuskadaa ama la adeegsadaa maxkamadda milatariga"ayuu yidhi wasiirka Arrimaha dibadda oo ka hadlay falka dhacay nooca u yahay, waxaanu intaas ku daray "haseyeeshee waxa arrintan u furan dariiqyo kale oo sharciyeed oo talaabooyin kala gadisan leh, oo qaranka iyo dadka ay arrimahani khuseeyaaba u furan, sharcigana somaliland waa hay’ad madax banaan oo ka madax banaan xukuumadda. Waxaana had iyo jeer la raacayaa kuna dambaynaysaa sharciyadda dalka u taalla oo aan aaminsanahay inay waafaqsan yihiin nidaamka caalamiga ah ee dunida, laakiin soo jeedinta iyo talo bixinta iyo fikradu haday tahay mid dibadeed iyo cid kalaba way furan tahay oo arrin sharci ayaa loo marayaa arrimahaasi"ayuu yidhi.

"Dadka arrintan sameeyey ay weerar ku soo qaadeen ciidan qaran, dadna la laayey, qaarna la dhaawacay, waana arrin u baahan miisaankiisa iyo culayskiisa, waana in la helaa xuquuqdii dadkii meesha lagu laayey ee wax dambi ah oo ay galeen aanay jirin ee sida badheedhka ah loo soo weeraray , oo imika wali ku socda baadhintaano kale iyo inay cid kale ka dambayso iyo dad kale ku shuqul leeyihiin, waa in la isku miisaamaa arrimaha oo beesha caalamku dhankaana ka eegtaa culayska uu dambigani leeyahay dadkii la dilay iyo qaranka Somaliland iyo nabadgalyadiisa iyo ta gobolka oo dhan"ayuu Raaciyey Wasiirku.

Mar uu ka hadlayey saamaynta uu ku yeelan karo sumcadda dalka iyo aqoonsiga waxa uu xusay in aanay wax saamayn ah ku yeelan Karin arrintan ""waxaan filayaa inay arrimaha noocan oo kale ah ay tahay arrimo ay beesha caalamka ay fahmayso, waxaana loo arkaa inuu dambigani yahay mid culus, dunida waxay aad u danaysaa nabadgalyadda iyo amniga somaliland, fal-dambiyeedkani waxa uu ahaa fal aan caadi ahayn oo abaabulan bartilmaameedkiisna ahaa in la dhawaco ciidamada qaranka ee xerada markaasi joogo, ma filayo inay arintani sumcadda somaliland iyo dhaqanka lagu yaqaano ee cadaaladda iyo sharciyadda mid wax u dhimaysa, arrinta aqoonsigana ma filayo inay ku lug leedahay waana arrin sharci oo hay’adaha sharcigu u madaxbanaan yihiin"ayuu yidhi.

Jawaabtan ayaa ka dambeeyey ka dib markii Ergayga Qaramadda midoobay u qaabilsan Somalia Dr: Mahiga uu sheegay inuu ka xunyahay xukunkaa ku dhacay kooxdii dablayda ahayd ee weerartay xerada Ciidanka, waxaanu sheegay in la soo taago maxkamadda caadi ah oo cadaalad ku dhisan.

Barkhad-Ladiif M. Cumar
[email protected]
Hargeysa, Somaliland







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.