9/23/2018
Today from Hiiraan Online:  _
Wararka Maanta- Isniin, May 21, 2012
Gaari ay wateen Ciidamada Milateriga Kenya oo Qarax miino lagula Eegtay Magaalada Mandheere ee Gobolka Waqooyi-bari ee Kenya


Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

Qaraxan oo ka dhashay miino dhulka lagu aasay ayaa wuxuu haleelay gaarigii ay wateen ciidamada Kenya, waxaana labada askari ee dhaawacmay ay ka mid ahaayeen askar saarnaa gaariga la qarxiyay.

Sidoo kale, qaraxa waxaa ku dhaawacmay nin rayid ah oo ay ciidamadu gacanta ku hayaan kaasoo ay sheegeen inuu yahay kii qaraxa gaariga la beegsaday, kaasoo ay baaritanno ku hayaan.

Goobjoogayaal ku sugan degmada Mandheera ayaa sheegay in ciidammo fara badan oo Kenyan ah ay soo buuxiyeen xaafadda uu qaraxu ka dhacay, kuwaasoo billaabay inay dadka qabqabtaan qaarkoodna jir-dil u geystaan.

"Qarax weyn ayaa mar qura la maqlay, waxaan arkay gaari ay ciidamadu leeyihiin oo qiiq uu ka baxayo, dadka oo dhan way kala yaaceen, ciidammo Kenyan ayaa soo gaaray goobta waxayna qabqabteen dad badan kuwaasoo qaarkood ay jir-dileen," ayuu yiri goobjooge ku sugan degmada Mandheera oo saxaafadda la hadlay.

Saraakiisha Kenya ayaa qaraxan ku eedeeyay Xarakada Al-shabaab oo dagaal kula jirta ciidamada Kenya ee ku sugan gudaha Soomaaliya, waxaana qaraxan uu kusoo beegmayaa iyadoo toddobaadkii hore uu qarax ay ku dhinteen Askar Kenyan ah uu ka dhacay xeryaha qoxootiga Dhadhaab ee dalka Kenya.

Tan iyo markii ay dowladda Kenya ciidamadeeda u soo dirtay Soomaaliya sannadkii hore waxaa gudaha dalkaas ka dhacayay qaraxyo ay khasaare kasoo gaartay ciidamada iyo dadka shacabka ah.

Maxamed Xaaji Xuseen, Hiiraan Online
[email protected]
Muqdisho. Soomaaliya







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.