9/21/2018
Today from Hiiraan Online:  _
Wararka Maanta- Isniin, May 21, 2012
Madaafiic lagu Weeraray Saldhigyo ay Ciidamada DKMG iyo kuwa Kenya ku leeyihiin Gobolka Jubbada Hoose


Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

Xoogagga Al-shabaab ayaa in aka badan 11 madfac waxa ay xalay ku weerareen saldhig ay ciidamada huwanta ah ku lahaayeen deegaanka Qooqaani, waxaana ilaa imika la garaneyn qasaaraha rasmiga ah ee ka dhashay duqeyntaasi.

Saraakiisha dowladda ee gobolka Jubada Hoose oo aan la xiriirnay ayaa sheegay in ay ka hortageen weerar ay xoogagga Al-shabaab ku soo qaadeen deegaanka Qooqaani, iyagoona sheegay in aysan jirin wax khasaare ah oo dhankooda kasoo gaaray weerarkii xalay.

Gaashaanle Max’ed Cara boo kamid ah saraakiisha dowladda ayaa HOL u sheegay in ku dhowaad ilaa 11 xabo oo madaafiic iyo hoobiyeyaal isugu jirto ay xoogagga Al-shabaab xalay ku soo tureen deegaanka Qooqaani, wuxuuna sheegay in aysan jirin cid wax ku noqotay weerarkaasi.

Dhanka Al-shabaab ilaa imika ma jiro wax war ah oo ku saabsan duqeyntii xalay oo kazoo baxay, waxay arintani qeyb ka tahay weerarro ku dhufoo ka dhaqaaq ah oo xoogagga Al-shabaab ay mudooyinkii u danbeeyay ka geysanayeen goobaha ay ku suganyihiin ciidamada huwanta ah ee gobolka Jubada Hoose.

Xasan Nuur, Hiiraan Online
[email protected]
Kismaayo, Soomaaliya







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.