11/18/2018
Today from Hiiraan Online:  _
Wararka Maanta- Isniin, May 21, 2012
Ururka Ahlusunna Waljamaaca oo sheegay in shirka ka furmaya Addis Ababa aysan jirin cid dhinacooda uga qaybgalaysa


Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

Guddoomiyaha golaha fulinta ee Ahlusunna, Sheekh Maxamed Yuusuf Xeefow ayaa sheegay inaysan Ahlusunna ka qayb-gelayn shirkaas isagoo beeniyay inay xubno ka tirsan Ahlusunna ka qaybgalayaan shirka.

"C/qaadir Macalin Nuur horay ayaan ugu magacownay xoghayaha ururka Ahlusunna ee gobolka Banaadir, balse markii dambe wuxuu dowladda ka noqday wasiir, markii dambena taliyaha Sheekh Shariif, markana innaga nama matalo," ayuu yiri Sheekh Maxamed Xeefow.

Guddoomiyaha Ahlusunna wuxuu shirkan ku tilmaamay mid uu wato xafiiska UN-ka u qaabilsan siyaasadda Soomaaliya ee UNPOS, isagoo ku eedeeyay xafiiskan inuu ku ritay jeebka siyaasadda Soomaaliya, iyaguna aysan diyaar u ahayn inay shirkaas ka qaybgalaan.

Mas'uulka Ahlusunna shirka ku matalaya ayaa wuxuu ka mid yahay la tailyeyaasha gaarka ah ee Sheekh Shariif, isagoo horay u sheegay inuu ka mid yahay saraakiisha Ahlusunna Waljamaaca ugu jira dowladda Soomaaliya.

Ururka Ahlusunna oo ka mid ah saxiixayaashii Roadmap-ka ayaa horay u diiday inay u qaadacay heshiiskaas, inkastoo ay dib u taageereen, iyadoo Ahlusunna ay ka mid tahay maamullada taageersan dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho. Soomaaliya







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.