11/18/2018
Today from Hiiraan Online:  _
Wararka Maanta- Isniin, May 21, 2012
Madaxda Soomaalida oo Magaalada Addis Ababa uu uga furmay shir ay uga hadlayaan Dastuurka iyo Roadmap-ka


Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

Danjiraha Soomaaliya u fadhiya dalka Itoobiya, Siciid Yuusuf Nuur ayaa sheegay inay madaxda Soomaalidu ay maata kaga hadli doonaan shirkooda dastuurka oo uu ka taagan yahay muran, iyadoo maalinta berri ahna ay madaxdu ka hadli doonaan wixii ka qabsoomay Roadmap-ka.

"Ajandaha maanta looga hadlayo shirka waa dastuurka, waxaana la filayaa in wixii lagu dari karo lagu daro, wixii laga dhimi karana laga dhimo; meeshana laga saaro muranka dastuurka oo aanu dib dambena u soo laaban," ayuu yiri Siciid Yuusuf.

Sidoo kale, danjiruhu wuxuu sheegay in shirkan loogu talogalay inuu laba maalmood socdo balse uu ka badan karo, iyadoo marka lasoo gabagabeeyo lagu wado in laga soo saaro war-mutiyeed ku saabsan qodobbadii la isku afgartay.

Madaxda Soomaalida ayaa waxay shirkooda si aad ah ugu lafa gurayaan qodobbada dastuurka ee muranka uu ka dhashay, iyadoo shirka uu ka qaybgalayo C/raxmaan Faroole oo ah madaxweynaha Puntland soo kasoo horjeestay dastuurka cusub kuna tilmaamay mid aan u qalmin in dalka lagu hoggaaiyo.

Shirkan ayaa noqonaya kii ugu horreeyay oo looga hadlayo Roadmap-ka oo looga baxayo xilliga KMG ah iyo dastuurka oo ay madaxda Soomaalidu ku yeeshaan meel ka baxsan dalka Soomaaliya.

Maxamed Xaaji Xuseen, Hiiraan Online
[email protected]
Muqdisho. Soomaaliya







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.