3/28/2024
Today from Hiiraan Online:  _
Wararka Maanta- Isniin, May 21, 2012
Shir looga hadlayo Roadmap-ka iyo Dastuurka oo Madaxda Soomaalida uga furmaya Maanta Magaalada Addis Ababa

Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.

Kulankan ayaa waxaa dhinaca dowladda KMG ah uga qaybgalaya mas'uuliyiin ay ka mid yihiin madaxweynaha Soomaaliya Sheekh Shariif, guddoomiyaha baarlamaanka, Shariif Xasan iyo ra'iisul wasaaraha C/weli Maxamed Cali.

Sidoo kale, waxaa ka qaybgalaya, ergo matalaysa Ahlusunna, madaxweynaha Galmudug, Maxamed Axmed Caalin iyo weliba madaxweynaha Puntland, C/raxmaan Faroole oo kasoo horjeestay qodobbo ku jira dastuurka cusub ee Soomaaliya.

Ergayga Qaramada Midoobay ee Soomaaliya, danjire Augustine Mahiga, wakiilka Mareykanka ee Soomaaliya, Jean Swan, xubno ka socda Midowga Yurub iyo wakiillo Itoobiya ka socda ayaa ka qaygbalaya shirka.

Ugu horreyn shirka ayaa warbixinno ku saabsan waxyaabihii ka qabsoomay heshiiska Roadmap-ka ee looga baxayo xilliga KMG ah waxaa laga dhageysan doona madaxda Soomaalida, iyadoo markaas kaddibna loo gudbi doono qodobbada dastuurka ee la isku hayo.

Shirkan ayaa wuxuu socon doonaa laba casho, iyadoo marka uu dhammaado laga soo saari doono warbixin ku saabsan qodobbadii lagu heshiiyay, waxaana shirkan uu noqonayaa kii ugu horreeyay oo dalka dibaddiisa ay ku yeeshaan saxiixayaasha heshiiska Roadmap-ka ama khariidadda nabadda ee looga baxayo xilliga KMG ah.

Maxamed Xaaji Xuseen, Hiiraan Online
[email protected]
Muqdisho. Soomaaliya













Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:51 AM EST
Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.