9/25/2018
Today from Hiiraan Online:  _
Wararka Maanta- Isniin, May 21, 2012
Al-shabaab oo Deegaanka Ceelasha Biyaha kusoo bandhigtay Askari ay sheegeen in uu kasoo goostay Ciidamada Itoobiya (SAWIRRO)



Isniin, May 21, 2012 (HOL) — Xarakada Al-shabaab ayaa deegaanka ceelasha Biyaha ee duleedka Muqdisho kusoo bandhigay shalay gallinkii dambe askari ay sheegeen inuu kasoo goostay ciidamada Itoobiya ee ku sugan gobolka Gedo.

Askarigan oo watay qori ay ku xiran tahay diiradda meelaha fog-fog wax looga arko ayaa waxaa lagu soo bandhigay masaajid, iyadoo mas'uulka Al-shabaab ee gobolka Banaadir uu halkaas towxiidka ugu qabtay, isagoo magaciisii hore ka bedelay.

"Maanta waxaan halkaan ku islaaminay walaalkeen horay cadowgeenna u ahaa oo aan u bixinnay C/llaahi horayna loo oran jiray Batidor Meles," ayuu yiri Sheekh Maxamed Cumar Xasan (Abuu-C/raxmaan) oo ah guddoomiyaha gobolka Banaadir ee Al-shabaab.

Inkastoo askarigan uusan la hadlin saxaafadda ayaa haddana waxay saraakiishii Al-shabaab ee goobta ku sugnaa ay sheegeen inuu kasoo goostay ciidamada Itoobiya ee ku sugan deegaanka Yurkud ee gobolka Gedo.


"Askarigan wuxuu soo goostay Khamiistii lasoo dhaafay, wuxuuna isagoo qorigiisa wata u yimid dadka deegaanka, kuwaasoo u geeyay ciidamada mujaahidiinta ee ku sugan duleedka Yurkud," ayay yiraahdeen mas'uuliyiinta Al-shabaab ee goobta ku sugnaa.

Dadweyne fara badan ayaa goobta soo buuxiyay, kuwaasoo aad u soo dhaweeyay askariga kasoo goostay ciidamada Itoobiya, waxaana dadkaas qaarkood ay lacago iyo dhar ku taageereen askariga.

Ugu dambeyn, Askariga ayaa wuxuu sare u qaaday Kitaabka Qur'aanka isagoo sita qorigiisa, iyadoo aysan jirin wax hadal ah oo kasoo baxay dhinaca dowladda Itoobiya oo ku saabsan askarigan la sheegay inuu kasoo goostay ee ay Al-shabaab kusoo bandhigtay duleedka Muqdisho.




Maxamed Xaaji Xuseen, Hiiraan Online
[email protected]
Muqdisho. Soomaaliya







Click here
5/21/2012 9:30 PM EST
iin, Monday, May 21, 2012 (HOL) - Wasiirka qorshaynta iyo xariirka caalamiga ah ee dowladda KGM ah ee Soomaaliya Cabdullaahi Goodax Barre, ayaa maalmihii ugu dambeeyey safar ku marayey qaar ka mid ah gobolada dalka Mareykanka ee ay Soomaalidu degto

5/21/2012 8:02 AM EST
Isniin, May 21, 2012 (HOL) — Shirkan oo socon doona laba maalmood ayna qaban-qaabiisa leedahay Qaramada Midoobay ayaa madaxda Soomaalida wuxuu maanta uga furmay magaalada Addis Ababa ee xarunta dalka Itoobiya; waxaana shirkan ka qaybgalaya xubno ka socda beesha caalamka.

5/21/2012 7:21 AM EST
Isniin, May 21, 2012 (HOL) — Ugu yaraan saddex qof oo laba ka mid ah ay askarta Kenya ka tirsan yihiin ayaa ku dhaawacmay qarax maanta lagula eegtay gaari ay wateen ciidamada Kenya xaafadda Buulo-jineefa ee magaalada Mandheera.

5/21/2012 3:54 AM EST
Isniin, May 21, 2012 (HOL) — Wararka aynu ka heleyno deegaanka Qooqaani ee gobolka Jubada Hoose ayaa sheegaya in dagaalyahanno katirsan Al-shabaab ay weerar madaafiic ah xalay saqdii dhexe ku qaadeen saldhig ay ciidamada dowladda iyo kuwa Kenya ku lahaayeen deegaanka Qooqaani ee gobolka Jubada Hoose.

5/21/2012 3:33 AM EST
Isniin, May 21, 2012 (HOL) — Ururka Ahlusunna Waljamaaca ee gacanta ku haya qaybo badan oo ka tirsan gobolka Galguduud ayaa sheegay inaysan jirin cid uga qaybgalaysa dhankooda shirka looga hadlayo Roadmap-ka iyo dastuurka ee maanta ka furmaya Addis Ababa.

5/21/2012 3:22 AM EST
Isniin, May 21, 2012 (HOL) — Wasiirka Arrimaha dibadda Somaliland, Dr:Maxamed Cabdilaahi Cumar, ayaa ka jawaabay hadal ka soo yeedhay Wakiilka xoghaya Qaramadda midoobay u qaabilsan arrimaha Somalia, oo sheegay inuu ka xun yahay xukunkaasi 17 qof maxkamadda milatariga ku xukuntay dilka, kaasoo xusay in la keeo maxkamadda caadi ah oo lagu kalsoonaan karo.

5/21/2012 3:17 AM EST
Isniin, May 21, 2012 (HOL) — Kooxo xalay fiidkii ku toogtay xaafadda Bardaale ee degmada Baydhabo malaaq Cabdoow Yoonis oo ka mid ah malaaqyada Digil iyo Mirifle ee sida weyn looga yaqaan degmada gobollada Bay iyo Bakool.

5/21/2012 3:03 AM EST
Isniin, May 21, 2012 (HOL) — Magaalada Addis Ababa ee dalka Itoobiya ayaa waxaa maanta ka furmaya shir looga hadlayo Roadmap-ka iyo dastuurka cusub ee Soomaaliya, iyadoo shirkaas ay ka qaybgalayaan saxiixayaashii heshiiska tubta nabadda.