Axad, April 25, 2010 (HOL) Xildhibnaannada gaaraya 315-mudane oo maanta kulan ku yeeshay Muqdisho ayaa waxay magacaabeen guddi ay sheegeen inuu soo xulayo cidda hoggaanka u qabanaysa Baarlamaanka Soomaaliya.
Mudanayaashan ayaa waxay sidoo kale magacaabeen guddi kale oo ay sheegeen inay ugu talogaleen sidii uu beesha calaamka ku gaarsiin lahaa warbixinnadooda ku aaddan howlaha baarlamaanka.
Xildhibaan Cumar Islow Maxamed oo saxaafadda la hadlay markii uu kulankooda soo dhamaaday ayaa sheegay in guddiga ay u xilsaareen magacaabidda guddoomiyaha shirarka baarlamaanka uu yeelanayo ayna ka kooban yihiin 15-xubnood, iyadoo guddiga kale uu ka kooban yahay 5-xubnood.
"Maadaama uu dhammaaday xilligii shaqo ee guddoonka baarlamaanka waxaan isla gaaranay inaan sameyno guddi soo xula qofka ugu weyn oo guddoomin doona shirka uu baarlamaanku yeelanayo" ayuu yiri Xildhibaan Islow oo ka mid ah xoghayeyaasha baarlamaanka.
Guddoomiyaha Baarlamaanka Sheekh Aadan Madoobe ayay xildhibaannadan ugu baaqeen inuu xilka isaga dago, maadaama uu dhammaaday xilligiisii shaqo, iyadoo guddoomiyuhu uu horay u sheegay inuu yahay guddoomiyaha sharciga ah ee Baarlamaanka, sabab uu isku caslina aysan jirin.
Xidhibaannada maanta kulanka yeeshay ayaa waxay sheegeen inay kulan la qaateen Madaxweynaha Soomaaliya ayna ku ballameen in la qaboojiyo xiisadaha u dhexeeya baarlamaanka, tanina ay qayb ka tahay sida ay sheegeen qaboojinta khilaafka baarlamaanka ka dhex-oogan.
Maxamed Xaaji Xuseen, Hiiraan Online
[email protected]
Muqdisho, Soomaaliya
Xildhibaanno Muqdisho ku shiray oo magacaabay guddi soo xula cidda hoggaanka u qabanaysa Golaha Baarlamaanka
More News
- Madaxweynaha Soomaaliya Ayaa Maanta La Kulmay Golaha Wasiirada
- Madaafiic khasaare nafeed geystay oo gallinkii dambe ee maanta ku dhacay Suuqa Bakaaraha iyo Degmada Wardhiigley ee Magaalada Muqdisho
- Degmada Xamarjajab oo maanta loo magacaabay guddoomiye cusub
- Maamulka Gobolka Banaadir iyo Hay'adaha gargaarka oo maanta ka hadlay sidii loo gargaari lahaa dadkii ka barakacay Magaalada Muqdisho
- Madaxweynaha Soomaaliya oo kulan xasaasi ah kula yeeshay xafiiskiisa Xildhibaanno ka tirsan Baarlamaanka Soomaaliya
- Xildhibaanno sheegay inay xil ka qaadis ku sameyn doonaan saacadaha soo socda Guddoomiyaha Baarlamaanka Soomaaliya
- Kulan Xildhibaannada Baarlamaanka maanta uga furmi lahaa Golaha Shacabka ee Muqdisho oo mar kale uu ku yimid dib-u-dhac
- Wasaarada Caafimaadka Puntland oo Bilowday Olole ku aadan Talaalka Caruurta
- Sarkaal ka tirsan Ahlu Sunna Waljameeca oo beeniyay in gaari nooca dagaallka ah oo dhinacooda ka soo goostay isku soo dhiibay Maamulka Al-shabaab ee Goballka Hiiraan.