Sabti, Maarso, 23, 2019 (HOL)- Dood lagu
falanqaynayey dastuurka Somaliland ayaa xalay lagu qabtay magaaladda
Hargeysa, waxaana ka soo qaybgallay hogaamiyaha KHaatumo Cali Khaliif Galaydh,
gudoomiyaha ku meelgaadhka ah ee xisbiga WADANI Cabdiqaadir Jirde, gudoomiyaha
xisbiga UCID iyo marti sharaf kale.
Doodan waxa soo qaban qaabiyey Machadka
daraasaadka siyaasadad iyo arrimaha bulshada ee loo hayaan HIPPSOR, waxaana
lagaga doodayey in dastuurka dib loo furo iyo in kale.
Cali KHaliif Galaydh ayaa isagu ku dooday in
dastuurka dib loo furo, isagoo ku sababeeyey inay SOmalialnd ku qurux
badnaanayso, waxaanu yidhi “Dadka la leeyahay dastuurkay rabaan inay
bedelaan horta waa Anagga, sababta u bedelayna maaha in sadbursiimo nala siiyo,
maaha wixii horaa la duminayaa, cidda leh dastuurka lama furayo ma sumaddii
geelooda ku taalla, dastuurka waxaanu u fureyna in la hagaajiyo oo uu noqdo
dastuur jira oo nool oo woxooga sumcaddii Somaliland dibadda u martay ee ahaa
waa dal dimuqraadi ah waa dal isku tashaday oo dhaqaale buuran lahayn waar hoy
waa intaas oo looga sii dhowaada baanu is leenahay”
Gudoomiyaha ku meelgaadhka ah ee xisbiga WADDANI
Cabdiqadir Jirde ayaa sheegay in aan xisbiyada dhexdeeda ka jirin
dimuqraadiyad, isla markaana xisbi waliba gudoomiyihiisa uu madaxa kaga
taagan.
“maanta Cabdiraxmaan Cirro xisbiga sidan ka taa
ma odhan karo, Faysal Cali Waraabana hadalkiisaba daa, sidaas darteed Xisbiga
aan dhexdiisa dimuqraadiyadi ka jirin dawlad dimuqraadi ah ma dhisaayo”ayuu
yidhi gudoomiye Jirde oo isna dhaliilay qaabka ay xisbiyadu u dhisan yihiin.
Gudoomiyaha xisbiga UCID Faysal Cali Waraabbe
ayaa sheegay in xildhibaanada xisbi ka soo baxay aanay sharciga meel kaga
jirin inuu xisbi kale gallo, isla markaana waxa uu dhaliilay xildhibaan
Cabdiqaadir Jirde oo xisbigii UDUB ka soo baxay markii dambana ku biirays
xisbiga WADDANI oo uu ku tilmaamay mar hadii uu xisbigiisa dhacay inuu ahaado
xildhibaan madax banaan.
Barkhad-ladiif M. Cumar, Hiiraan Online
[email protected]
Hargeysa, Somaliland.
