Dagaal saakay ku dhexmaray Ciidamada Somaliland iyo jabhadda Caare deegaanka Dhoobo ee gobolka Sanaag
Arbaco, July, 2019 (HOL)-Wararka ka imanaya magaalada Ceerigaabo ee gobolka Sanaag ayaa sheegaya in dagaal u dhexeeya ciidamada Somaliland iyo kooxda Col. Caarre ee saldhigoodu ahaa Qardho oo gudaha usoo gallay gobolka Sanaag, taas oo dagaalkoodu ka socdo deegaanka Dhoob oo qiyaastii 45km dhinaca bari kaga beegan magaalada Ceerigaabo.
Kooxdan Colonial Caare ayay
wararku sheegayaan inay doonayeen inay galaan Buurta Daalo oo halkaasi ay ka
samaystaan saldhigyo iyo dhufayso.
Sidoo kale wararka ka imanaya
magaalada Ceerigaabo ayaa sheegaya in rabshado ay ka socdaan gudaha magaalada
Ceerigaabo, waxaanay wararku sheegayaan in Ciidamada amaanku ay rasaas u
adeegsanayaan shacabkaasi si ay u kala eryaan oo xaalada magaaladu ay caadi ugu
soo noqoto.
Mudaharaaad ayaa ka dambeeyey ka
dib markii ay saakay dagaal ku dhexmaray ciidamada Somaliland iyo ciidamada
kooxda Caare, kuwaas oo dad taageersan Col Caaro rabshado ka sameeyeen
magaaladda .
Dadweynahan mudaharaadaya ayaa
taageersan jabhadda Caare, waxaanay arrintani ku lug leedahay dagaalo beeloodyo
saddex cisho ka hor ka dhacay Ceel
afweyn.
Dagaalka labadda beelood ee ku
koobnaa Deegaanka Ceel afweyn, ayaaa laga baqayaa inuu Ceerigaabo ku sii fido,
inkastoo ciidamo xoogan oo labadda beelood kala dhex galla la geeyey gobolka
Sanaag.
Labadan beelood ee walaalaha ah
ayaa dirirtoodu socotay muddo ka badan afar sanno, taas oo guddiyo badan oo
xalintoodda gallay u maareen kari waayeey ka dib mar kasta oo la soo
gabogabeeyo uu mar kale dirirto ka bilaabanto deegaanno kale.
Ilaa hadda wax khasaare ah lama
soo sheegin, wallow dadka qaar dhaawacyo sheegayaan.
Hiiraan Online News Disk
